|
رد: هام جدا مشكلة في الاكسنت الاوتوماتيك
حضرتك المهندس الي بيجي يستلم من العربية بيبقى معاه ورق اسم الجوب او امر الشغل
تخليه يكتب المشكلة زي ما انت شيفاها بالزبط وانا حاسس انها هتطلع مشكلة زيت وفي اسوء الظروف هتبقى مشكلة في سن ترس الرفيرس R وده هيبقى امرو سهل برده وفي حالة ان الامور متحسنتش ليك تغير الفتيس من اوله لاخرو من غير ولا جنيه ضمان وطمنينا على الاخبار |
رد: هام جدا مشكلة في الاكسنت الاوتوماتيك
لازم ترجعى للتوكيل لأن ده عيب فى العربية وتصرى على موقفك FLASHCar
|
رد: هام جدا مشكلة في الاكسنت الاوتوماتيك
أولاً مليون مبروك على العربيه ربنا يحفظها ويبارك لك فيها
ثانياً معلش أصبري زي ما قال في التوكيل للتأكد وإذا لم يذهب العيب أعملي مشكله وصممي على حلها أو تبديل العربيه |
رد: هام جدا مشكلة في الاكسنت الاوتوماتيك
رحت التوكيل
اتحطت علي جهاز جي سكان سليمة طيب العربية بتعمل كدة لية؟ دة طبيعي وعادي لان دة يتبع نوع الفتيس ومركز ثقل العربية طيب ما انا شفت عربيات تاني ومفيهاش كدة؟ شفتي اية؟ شفت دايهاتسو 80 واوبترا 2007 متقارنيش عربية بعربية من نوع تاني وكل العربيات الاكسنت الاوتو كدة (شفت عربيتين 2008 و2011 طيب ازاي بقي هل انا الوحيدة اللي كنت سايقة عربية ياباني وجبت بعدها عربية كوري يعني؟ انا اللي مشكلتي ان احنا بيتنا علي منزل؟ طيب الكلام دة مش مفروض اعرفة من الاول ؟ :12B1B3~136: |
رد: هام جدا مشكلة في الاكسنت الاوتوماتيك
اقتباس:
وانتي جايبه ال عربيه على ال r وقبل ماتشيلي رجلك من الفرامل يا ريت تشوفي الار بي ام على كام لفه اكيد حتلاقي اقل من 750 ودا امر طبيعي انو ينزل العربيه لتحت على منزل شديد موضوع انك لما تلحقيها بالنزين بتنط منك وبعزم شديد دا راجع لاعصابك ودوسه البنزين لان من خوفك لتخبط بدوس بقوه حبه فاترفعي الار بي ام فاتاخد سرعه كبيره ودا طبعا احنا بس بنتوقع الموقف مشفتش بعيني بس انشاء الله يبقا كده بالنسبه للاوبترا اساسا الار بي ام مش بينزل عن 900 او 800 تحت اي ظرف فا مش حتنزل ودا مش عيب في الاكسنت دا لان متورها cvvt ودي قصه عوزه موضوع لشرحها زي موضوعك كده بس انشاء الله ميبقاش فيه مشاكل نهائي ولو سعتك محتاجه تكشفي علها بجد في التوكيل اتفضلي دا رقمي وانشاء الله تتحل في منت م/احمد هاني 0112636346 |
رد: هام جدا مشكلة في الاكسنت الاوتوماتيك
يا جماعة قولولي مبااااااااااااااارك بجد بجد الحمد لله انا فرحانة جدا جدا جدا
بعد ما نشرت المشكلة هنا الأخ MATARS جة شاف العربية وقالي ان العربية الاكسنت تختلف فعلا عن العربيات التانية اللي انا سقتها وان لازم انا اجيبها الاول علي P واستني شوية لحد ما العربية تتهز بسيط ادام وورا (اديها فرصة عشان نقلة الغيار او بمعني اصح زي ما يكون دبرياج!!) وبعدها اجيب ال R وانا حاطة رجلي علي الفرامل واشيل رجلي وفعلا العربية معشقة ومبتنزلش علي المنزل ربنا يكرمه بالخير ويباركله ويجعله في ميزان حسناته بس يعني هيونداي اروحلهم 4 مرات محدش منهم قادر يقولي الكلمتين دول ويسيبوني اروح واجي 4 مرات شكر خاص لاستاذ MATARS لحله للمشكلة واستاذ احمد علي المشرف لاهتمامه بمتابعة الموضوع وكل من رد وحاول المساعدة وطبعا اخص بالشكر موقع مصر موتورز علي امكانية ان انا اعرض شكواي هنا والاقي مساندات ومحاولات للمساعدة وحل للمشكلة بجد بجد انا فرحانة الحمد لله :Bravo: |
رد: هام جدا مشكلة في الاكسنت الاوتوماتيك
الحمدلله
اقتباس:
|
| الساعة الآن 02:01 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017