|
رد: عايز اركب طرمبة بنزين كهربا .. قولي رأيك فى الموضوع دة ؟؟
اقتباس:
ياباشا أنا عاوز أخللى المكنه على طول شغاله بكاركتك ( الطلمبه الميكانيكيه ) الأساسيه بتاعة المكنه وده واضح فى ملابسات كلامى لسعاتك وأخلى التعديل الجديد بأضافة طلمبه كهرباء من خلال الأفتكاسات الجديده اللى بنحاول معاها أنا وأنت ولا حد تالتنا علشان نتغلب على عيب غياب الدواره عندك بعد ركن العربيه لفتره طويله من الزمن _________________ علشان متخشش فى قصص وأفلام كبيره أنت فى غنى عنها وخصوصا أن معندكش أى مشاكل واضحه تقريبا غير طيران البنزين من غرفة عوامة الكربوراتير بعد فتره كبيره من الوقت وارد يكون العيب كامن فى الكربوراتير نفسه أو ضعف فى المارش أو ضعف فى المكنه أو أو أو أو إلخ هى دى المتاهات التى وافقت من أجلها على إختراع قصه جديده ومفيده يبقى عندك حته كهربه ( طلمبه كهربائيه ) تحضر بيها فقط ( أى تملأ الكربوراتير ) وتطفيها قبل ماتدور كل مره بطلمبتك الأساسيه لأن البنزين بيطير عندك بعد ركن السياره لفتره طويله وده السبب الواضح أمامنا حاليا _____________ أتمنى تكون وضحت الفكره لسعادتك وللقاصى والدانى فدى فكره جميله وبسيطه هتفيد ملاك السيارات زى سيارتك وخصوصا ممن يعانون من مشاكل غير واضحة المعالم مثل سعادتك |
رد: عايز اركب طرمبة بنزين كهربا .. قولي رأيك فى الموضوع دة ؟؟
تمام .. طيب ازيد من الشعر بيت حتى تضح المعالم اكثر
* الموتور .. عمرة من 3800 كيلو تقريبا . يعنى يعتبر الموتور خرج من فترة النقاهة او قرب * البطارية جافة جديدة منذ خمس شهور .. والحمد لله العربية احيانا بتركها اسبوع زي ايام الثورة وبرجع ادور عادي وجايب لها شاحن فى المنزل للطوارئ *عمر السيارة واعتقد ان غياب الدوارة دة عادى لانها قديمة .. " ولا يوم من ايامك يا لانسر يا غالية " *الكربراتير استيراد والحمد لله افضل من الجديد اللى رجعتة والقديم .. علما ان غياب الدوارة كان عذاب مع الكربراتير القديم والجديد .. الحالى بيأخرنى بس فى حالة ركن السيارة اكثر من يوم .. وزى مأستاذنا سمير تميز كعادتة وقال ان اكيد البنزين بيطير من العوامة . ولان طبعا هو السبب فى القصة دى بفكر احل المشكلة دى بالطرمبة الكهربا * المارش استيراد بالكامل .. وفى الفترة الماضية كنت باكل مرشات زى باندول كدة الى ان اكتسبت بفضل الله وحدة خبرات فى مكونات المارش وامكن ادور العربية من برة من المارش نفسة فى حالة ان الاتوماتيك خرف .. . اسباب مختلفة اخري بعيدة عن ترس الفلام .. زى مثلا عطل كامل فى الكربراتير الجديد واحد المخترعين اعطها توصيلة من سيارتة وعكس الكابلات فراح المارش والحمد لله انها جت ف مارش .. اسباب متنوعة ومختلفة ادت لتغييرة كثيرا .. لكن عموما المارش الحالى زى الفل .. وعايز اخف علية موضوع الدوارة الصبح بالفكرة الهلامية المهلبية الخاصة بالطرمبة الكهربا *** الفكرة وصلت يا بشمهندس والله انا بفكر بس مع حضرتك بصوت عالى شوية .. وبشوف اللى بعملة دة هينفع ولا عك سؤال بعيد عن الموضوع طالما كلنا متجمعين فى بيتنا الغالى : نبدأ باللغز : فى البداية عارف ان حضراتكم هتحتارو .. وانا كمان احترت .. وعادى الموضوع مش فارق .. السيارة احيانا تحس انها فايقة جدا جدا .. واحيانا تكون عادية .. ازاي ؟ هقول لحضراتكم .. احيانا بركب العربية واضغط على دواسة البنزين للتحرك احس انها فايقة جداَ وبتجمع غيارات بشكل سريع .. دواسة الاكسلتير ع الشعرة . مبكملش نص دوسة والغيار الاول دة يكون خلصان .. التانى والتالت وهكذا ... احيانا اخري : العربية بتكون طبيعية وبتوصل للسرعات اللى حضرتك عيزها لكن فى وقت اكبر شوية بمعنى الغيار الاول ممكن علشان يخلص اكون خلصت دواسة الاكسراتير .. والتانى والثالث وهكذا .. موضوع باللمس وبالشعرة دة بيختفي .. يعنى شوية العربية فايقة للايام وحتى بعد ركنتها للايام باردو .. وايام لا .. اكبر مثال :: كأنك مثلا حاطط بنزين 80 ... وشوية وتحس انك فعلا حاطط بنزين 90 .. يعنى اقرب مثال سرعة واستجابة السحب فى الفروق بين بنزين 80 و 90 بدون ما صوت الموتور يعلي زي الـ 80 ** المعطيات ( ما احنا قلنا لغز بقى :) ) : بنزين 90 دائما فى الحالتين سواء فايقة او لا بتكون من نفس البنزين .. اي لم اقم بالتفويل من بنزينة اخري نفس البنزين اللى فيها فلتر هواء وكل شيئ متابعة وبغيرة بطريقة غير طبيعية .. " عايز اقلبها لانسر مش عارف " :fun_36_3_3[1]: دسك واسطوانة .. حالتهم زي الفل ومركبهم مع العمرة .. ومع ذلك الوساس القهري لما بيشتغل بجربهم .. بدي غيار وليكن تالت مثلا واطلع واشوف العربية هتبطل ولا لا .. وبعمل اختبار للاسطوانة اشوفها مفوتة ولالا الموضوع دة قريت انة عادي مع الكل سواء سيارات جديدة او قديمة .. بس مكنتش بحس بية ايام اللانسر لية ؟ طالما دة معمم .. ولا علشان كانت اتوماتيك فمكنتش بحس الله اعلم .. مستواها كان عادي زى كل يوم من وجهة نظر حضراتكم .. ممكن يكون الرطوبة ف الجو مثلا السبب ؟ كهربة الاسبراتير ؟ هواء غير كافي لفلتر الهوا؟ انا مرة فكيت العمة للتجربة ومشيت ثوانى بدون عمة هوا خالص ولا شيئ جديد .. وبعد مركبتها بأيام الاستجابة السريعة رجعت . فما تفسير سيادتكم؟ شوية احس انى ماشى ببنزين 80 وشوية الاقيها قلبت لـ 90 <---- |
رد: عايز اركب طرمبة بنزين كهربا .. قولي رأيك فى الموضوع دة ؟؟
انا اضفت جزء يا استاذ سمير حالاَ وحضرتك بتضغط على زر " الشكر " لذا لو امكن تحديث الصفحة لرؤية الجزء المضاف :)
|
رد: عايز اركب طرمبة بنزين كهربا .. قولي رأيك فى الموضوع دة ؟؟
اقتباس:
وبتستعمل زيت مكنه نوعه إيه ........؟ |
رد: عايز اركب طرمبة بنزين كهربا .. قولي رأيك فى الموضوع دة ؟؟
اقتباس:
الزيت .. بستخدم حاليا شيل 20 - 50 .. متعدد shell XHL وسابقا كنت على Mobil رغم ان الاخوة الميكانكية بيقولو انة ملوش لازمة .. يأما حط اي حاجة 50 ومش لازم متعدد الدرجات لكنى مقتنع باللى فى دماغي علشان اللزوجة تبقى متناسبة فى كافة ظروف درجات الحرارة سواء برودة او سخونة " 20 - 50 " ولانى حاسس بفرق فى صوت المكنة وفى الاداء .. |
رد: عايز اركب طرمبة بنزين كهربا .. قولي رأيك فى الموضوع دة ؟؟
اقتباس:
كانت نفس الحاله الحاله لصعوبة الدواره مع ركن السياره لمده أكبر من يوم ................؟ __________________ وفيه سؤال تانى قبل مايروح من ذاكرتى هل جربت تدور ( بعد يومين ) وأنت شايل عمة الهواء جايز يكون باب الكربوراتير العلوى مش مظبوط تماما والهواء بيكون قليل وأنت بدور مع وجود بنزين قليل فى غرفة العوامه ( حاول تبقى تدور مره وأنت شايل عمة الكربوراتير بعد الركن الطويل للسياره ) |
رد: عايز اركب طرمبة بنزين كهربا .. قولي رأيك فى الموضوع دة ؟؟
اقتباس:
اقتباس:
الايام اللى كانت فية عفرة وتراب تكون بهدلت الفلتر .. جربت ونفس النظام واشتريت فلتر بعشرة ج ورميت القديم . الباب العلوى دايما على سيفة .. وعملت حاجة وانا فاتح اشتريت لتر بنزين 80 وحطيت شوية فى البابين .. مغبتش بس بطلت بعد مدارت بثوانى فدورت تانى درات ودة اللى وصلنى لموضوع الطرمبة بدل الازازة ومنظر سواقين التاكسى دة .. بس انا كنت فاكر ان دة عادي انها تتأخر لانها ريجاتا وقديمة .. وتفكيري ما هو الا افتكاسات .. معنى كدة ان اي عربية المفروض تدور بسرعة وفى اي وقت صح ؟ ** على الهامش .. الطرمبة الجديدة احيانا بلاقى الفلتر فاضى بعد مسبها مركونة واحيانا الاقى الفلتر مملى الربع .. وعمرة معلي عن الربع .. الطرمبة القديمة كان الفلتر دايما مليان لاخرة .. لو كان دة احد الاسباب العربية عادية معايا وبجري بيها زى الفل .. هل اجرب اركب القديمة على الكربراتير الجديدة دة اللى مشفش الطرمبة القديمة ؟ علما ان القديمة اساسا جديدة ايطالى لكن الاخ الميكانيكى قالى فكها وهات غيرها مش فاكر السبب .. العادى ان الفلتر دايما يكون مليان على اخرة فى اي ظرف من الظروف ؟ ولا مجرد انة مليان الربع والعربية دايرة وعادية طبيعي ؟ |
| الساعة الآن 09:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017