رد: طلب مساعدة عاجلة من المهندس سمير عياد و باقى الاخوة
 

رد: طلب مساعدة عاجلة من المهندس سمير عياد و باقى الاخوة
 

تم الأرسال فى المشاركه السابقه مباشرة

بالطبع هو ده إللى بيتم وكل حاجه فى مكانها

يادوب تفصل فيشته

وقبلها تفصل البطاريه

وتوكل على الله

وضحى

أحنا فى العيد الكبير

للأسف لا

رد: طلب مساعدة عاجلة من المهندس سمير عياد و باقى الاخوة
 

للمزيد من المعلومات عن حساس البوابه

http://www.masrmotors.com/vb/showthread.php?t=38250

رد: طلب مساعدة عاجلة من المهندس سمير عياد و باقى الاخوة
 

شكرا يا هندسة و باذن الله هغير الـ TPS اول ما محلات قطع الغيار تفتح و كان فى استفسارين
الاول بخصوص لما بدور العربية فى الصباح بلاقى دخنة بيضاء مع قطرات ماء خارجة من الشكمان و تزيد الدخنة البيضاء و المياه بالضغط على البنزين علما ان منسوب المياه فى القربة لا يتغير و منسوب الزيت ايضا ثابت و الدخنة ديه بتروح مع وصول العربية لحرارة التشغيل
والتانى ان لمبة الـ ABS اوقات بتنور لما العربية تفصل و تبطل فجأة و اشغلها فروح طافى العربية و اشغلها تانى فبلاقى اللمبة طفت فايه مدلول ذلك

رد: طلب مساعدة عاجلة من المهندس سمير عياد و باقى الاخوة
 

بالنسبه للميه

متشغلش بالك طالما منسوب الميه فى القربه ثابت

والدخنه البيضاء

غالبا من أثر التشبير الجامد للعادم بسبب حريق المكنه الجيد

وأختلاط بخار الماء المتكثف من الجو المحيط بالعادم

مع العادم الخارج من الشكمان

وكده المكنه

أكثر من ممتازه ( بسم الله ماشاء الله طبعا )

طالما بتزول تلك الأعراض بعد الوصول لحرارة التشغيل

جرب تنظف فيش حساسات سرعة منظومة ال abs

إللى راكبه قصاد تروس مشرشر العجل

جايز تكون غسلت العربيه وميه طالت الفيش

وفيه أوقات بيحصل أتصال ردىء مع رعشة التبطيل

وده بنسميه bad contact ( اتصال ردىء ) للموصلات الكهربيه

فى هندسة الكهرباء

رد: طلب مساعدة عاجلة من المهندس سمير عياد و باقى الاخوة
 

اخيرا و بعد طول عذاب استمر شهور عرفت سبب المشاكل اللى كانت عندى من تبطيل العربية و استهلاك البنزين العالى فى الصباح و اضطراب السلانسية و تخيلوا بعد تغيير حاجات كتير مش هى السبب طلع السبب هو الرشاشات رغم انى اختبرتها قبل كده وكانت ظاهرة كويسة و كان كل الميكانيكة يستبعدوا انها تكون السبب
هتقولولى عرفت ازاى , طبعا بسبب كتر التغيير و التجريب امبارح روحت لواحد من بتوع قطع الغيار الاستيراد و قولت اغير الرشاشات على التجربة لاحساسى انها ممكن تكون السبب و بجملة التجريب و مش هاخسر حاجة و كلمته على رشاشات تكون كويسة و قالى ان رشاشاتها الاصلى موجودة بس نصحنى باستخدام رشاشات هيونداى النترا 1800 سى سى و قالى انها موفرة و تعمل بكفاءة مع الليجانزا عن تجربة فى عربيات قبل كده و لو جربتها و لاقيتها مش عجبانى ارجعها و خدتها فعلا منه و اول ملحوظة انها فعلا تركب على الليجانزا بس الفرق ان بتاعة الليجانزا ستة فتحة اما بتاعة الالنترا فتحتين بس اكبر شوية و رحت مركبها عند الميكانيكى اللى لما شافها برده قلى مش ديه بتاعة الليجانزا و لا الهيونداى العادية و ده اللى طمنى اكتر ليها و قلتلوا ركب بس و لما دورنا العربية دارت على طول و الميكانيكى شكر فيها بس طبعا انا يهمنى ادائها و العربية باردة و جربتها النهاردة الصبح بدرى و دورت و الحمد لله العربية دارت على طول و مفيش تبطيل و اتبقى موضوع البنزين اللى بيضيع و يتهدر و العربية باردة و برده الحمد لله العربية لم تستهلك بنزين و اصبحت كويسة فى فترة الوصول لحرارة التشغيل و خدت العربية وطلعت على طريق مصر الاسكندرية و العربية بقت الحمد لله كويسة كان فيه نتشة فى نقل الغيار راحت و جبت بيها 180 و كان ممكن اعدى و لكنى لست من هواة السرعة و استهلاك البنزين كان قليل يعنى نزول المؤشر حاجة بسيطة فى مسافة حوالى 40كم و الحمد لله انتهى اكبر مشوار عذاب فى العربية ديه و برده هاكد التجربة تانى بكرة على العربية كى يطمئن قلبى
و ديه صورة الرشاش و نوعه BECK ARNLEY Part Number: 158-0670
http://www.autopartswarehouse.com/im...y/158-0672.jpg
و فى النهاية اشكر كل من حاول مساعدتى طوال فترة معاناتى وخصوصا المهندس سمير عياد و الاستاذ احمد على اللى فضلوا متابعين معايا المشاكل اللى بتواجهنى و حاولوا يفكروا معايا فى الاسباب و الحلول

رد: طلب مساعدة عاجلة من المهندس سمير عياد و باقى الاخوة
 

نحمد الله على وصولك لسبب العيب