رد: هل من حق صاحب المحل انه يقولك العربيه كده مضايقانى ؟؟؟
 

أنت لازم تغطيها والله ده الحل اللى أنا لاقيته بيحفظ العربية من حاجات كتيره جدا

رد: هل من حق صاحب المحل انه يقولك العربيه كده مضايقانى ؟؟؟
 

موش مسألة أكل عيش ولا حاجة أى كان ارتفاع العربية فهى ليست نقل تقيل عشان تسد باب المحل بس فيه ناس استخسرت الرخامة و احتكرتها لنفسها و الحل معاهم هو الرخامة بكل أشكالها بس دا لو الأدب ما جابش نتيجة
أقرفة بأى شكل الأول بدون خناقات

رد: هل من حق صاحب المحل انه يقولك العربيه كده مضايقانى ؟؟؟
 

مرة كانت معايا 132 2000cc وراجل حاطط برميلين زارع فيهم شجرقدام محل و جيت أركن قاللى يا استاذ دا...... أقسم بالله دخلت جامد بالعربية فى البرمياين وقعتهم و ركنت غصب عنه بس أنا عارف ان عربيتى كانوا 100 ج يرجعوها زيرو

رد: هل من حق صاحب المحل انه يقولك العربيه كده مضايقانى ؟؟؟
 

للأسف بقه سلوك عام ،،،
و يدل إن إحنا في بلد المهلبية
و كل واحد من حقهيحط قانونه الخاص
أو يستعمر أي جزء من الشارع
و لا حد دلوقتي مش فاهم وجهة النظر في إنه محل أكل عيش ؟؟؟

العربية هتمنع الزباين عنه يعني ؟؟؟

ما دام تحت بيتك ،،، الحل إنك تهريهم شكاوي للحي و التنظيم و لما يعرفوا إنك اللي بتقرفهم هيضربولك تعظيم سلام

رد: هل من حق صاحب المحل انه يقولك العربيه كده مضايقانى ؟؟؟
 

بجد شكرا يا جماعه على هتمامكم
وربنا يريحنا بقى من وجع الدماغ ده

رد: هل من حق صاحب المحل انه يقولك العربيه كده مضايقانى ؟؟؟
 

قلبي معاك المشكلة كمان بقت موجوده لما تركن قدام المصالح او المدارس لازم تلاقي عفريت طالع مش عوزك تركن وكأن الشارع بتاعه والتخريب المتعمد موجود ..... انا كنت راكن قدام مدرسة باليل وانا بركن طلعلي العامل علشان أمشي طبعا طنشت وتنحت رجعت بعد ساعة لقيت الفرده نايمة غيرتها وسكت وانا بصلحها لقيتها واخده مطوه أو سكينه ؟ الهم غيرت الشمبر

رد: هل من حق صاحب المحل انه يقولك العربيه كده مضايقانى ؟؟؟
 

المشكله مش فى صاحب المحل ولا فيك المشكله ان البلد مش ماشى فيها قانون علشان الناس تعرف انها لو غلطت هتتعاقب. وكتير قوى اقرأ فى الحوادث ان فيه خناقات كتير بسبب ركن السيارات
وشوف بقى لما حد يروح القسم هيقول انه خبط العربيه وعمل كذا وكذا وصاحب المحل هيقول انه كسرلى ازاز المحل. تقوم تلاقى البيه امين الشرطه يقولك خلاص هتباتوا فى القسم لحد الصبح علشان العرض على النيابه وبالتاى يتم التصالح ويضيع حقك وهذا هو النظام المتبع فى اقسام الشرطه
لذلك الحل الوحيد ان كل واحد يبقى ظابط شرطه او قريبه ظابط شرطه