رد: لو الموتور خفيف ممكن اشتغل بيه قد ايه
 

والله يا بشمهندس حكاية المتور مفوت او خفيف تعدى تختلف من عربيه لعربيه

يعنى لو 128 او ريجاتا او504 او 131 ممكن تمشى بيها شويه

لكن عربيه موديل 95 يعنى اكيد مكيفه وبور فالحجات دى مبتحبش البهدله يعنى مينفعش تمشى بالعربيه وانته عارف ان فيها حاجه غلط
واخر حاجه عشان تريح دماغك من الوش ده كله ارفع العربيه فى بنزينه وشوف ضغط المتور ولو خفيف وانته العمليه متسمحش معاك دلوقتى ابقا حط اى نوع زيت تقيل للموتور

رد: لو الموتور خفيف ممكن اشتغل بيه قد ايه
 

أنا معايا 128 ، عملت لها طقم شنبر سنة 2001
والموتور رجع خفيف سنة 2005 (بتبخر زيت)
وماشى بيها لغاية دلوقتى بدون مشاكل ..

رد: لو الموتور خفيف ممكن اشتغل بيه قد ايه
 

ياريت لو حد عنده رسوم توضيحيه للموتور و متوضح عليها طقم الشنبر يبقى افادنا

رد: لو الموتور خفيف ممكن اشتغل بيه قد ايه
 

بص ياصديقى
لازم تحط للموتور علبه ريسورس تمنها 80 ج من كارفور
هتظبط لك الموتور كام شهر وهتحس بنعومة الموتور
لو الموتور بردو مش خفيف اوى ممكن تجرب جانك نيو باور دا امريكى وهتلاقيه عند شل وموبيل بيديك حمايه واحكام لمكونات الموتور 80 الف كيلو ودا ب 160 ج
كل الحاجات دى لو الموتور بيدخن حاجه خفيفه او بياكل زيت بسيط
لو اكتر من كدا يعنى اكتر من كيلو زيت ف ال 100 كم يبقى هتحتاج عمرة يا قمر

رد: لو الموتور خفيف ممكن اشتغل بيه قد ايه
 

تابع مستوي الزيت كل يوم و خلي بالك من الدخنه بتاعه الجكمان

رد: لو الموتور خفيف ممكن اشتغل بيه قد ايه
 

معايا من ساعة مجبتها اشتغل سنه وزواده 4لتر زيت كل شهر مطرح اللي بيتاكل لغاية مبقي يشتغل 3سلندر بس وسقطت الحمدلله