رد: ايه رايكوا في اسبيرنزا m11
 

تسلم ايدك يا باشا
انا كنت ناوي اقوله كده بس هو اشتري خلاص و ربنا يباركله فيها
و لكن الايام هتثبت كلامي بدون تعصب

رد: ايه رايكوا في اسبيرنزا m11
 

على أي أساس والناس معاها صيني بقالها اربع سنين ومرموهاش ولا حاجة إذا كان انا معايا فلاير صيني بـ 40 ألف بقالها سنتين ونص ولسة مرمتهاش في الزبالة ولا حاجة وسألت ناس كتير قالوا ان الاسبرانزا افضل بكتير بس حضرتك عارف يعني ايه تجيب عربية زيرو بالمبلغ ده وفيها تكييف وكاسيت يس دي وازاز كهرباء وسنتر وووووو......
وعلى فكرة انا لمدة سنتين ماصرفتش على العربية غير البنزين والصيانة الدورية فقط وغيرت تيل علشان اكون صادق وعملت حادثة صغيرة والتأمين هو اللي صلحها بس كدة

رد: ايه رايكوا في اسبيرنزا m11
 

رد: ايه رايكوا في اسبيرنزا m11
 

يا جماعة فى نقطة صغيرة بس علشان نستريح كلنا
مفيش داعى للإستمامتة فى الرأى
لازم نفتكر قول الإمام الشافعى إللى قال

رأيى صواب يحتمل الخطأ
و رأى غيرى خطأ و يحتمل الصواب

لازم لصاحب الرأى يسيب فرصة لغيرة
إنما المشكلة إن كل صاحب رأى بيبقى عايز يمسح التانى بالأستيكة
و جه عمره ما هيحصل

رد: ايه رايكوا في اسبيرنزا m11
 

الغريب ان السبيرانزا اكتر عربيه اتهاجمت و طبعا A516 على وجه الخصوص

كما لو كان هى العربيه الوحيده اللى فيها مشاكل و كما لو كان كل اللى العربيات اللى بتقفل فى مصر على مستوى عالمى ما عدا السبيرانزا.

و انا مالك للسبيرانزا A516 من سنه و بالتأكيد لها مشاكلها و لكنها لا تخرج عن المشاكل العاديه و اللى معظمها سببه طبيعه الارض المصريه و كل يوم بيزيد اقتناعى بصحه قرارى بشراء العربيه

العربيه بالنسبه لتمنها معجزة (66 الف) فيها اوبشن بتاع عربيات فوق ال120000 و مع احترامى لصاحب الموضوع انت بتتكلم عن عربيه لكن انا باتكلم عن الاف العربيات اللى بنسمع تجارب اصحابها فى نادى السبيرانزا و باتكلم من واقع التجربه الشخصيه

العربيه ماسكه نفسها كويس قوى و اعتقد ان الصينى عموما هاياخد على الاقل مكان الكورى. و لو رجعتوا 25 سنه كانت الناس بتشتم فى الكورى و النهارده شوف الكيا و الهيونداى (النتصنعه فى كوريا). و لو رجعت 35 سنه كانت الناس بتشتم اليابانى و النهارده شوف عامل ازاى. و ربنا يحيينا و يحييكم نشوف هانتكلم فى المنتديات بعد 25 سنه ازاى و اتوقع يكون على وتيرة : " واحد صاحبى اتجنن و باع عربيته الصينى و اشترى عربيه امريكانى""

و كلام الاستاذ حازم شاهين سليم :الاختلاف امر طبيعى و الزمن و التجربه هى الفيصل.

و ما نرجوه هو مراعاة الدقه و الموضوعيه فيما يقال عن اى سياره لانه هناك اخوة لنا يفكرون فى شراء سياره معينه و لكن قد يغيرون رأيهم فيما بعد بسبب مواضيع من هذا القبيل.

رد: ايه رايكوا في اسبيرنزا m11
 

رد: ايه رايكوا في اسبيرنزا m11
 

أولا أهلا بيك في المنتدى ويا ريت من كونش احنا السبب انك تدعي علينا ولا حاجة
وبعدين انا عايز أوضح نقطة مهمة وهي أن العيب دة مش عيب العربية ده عيب تقفيل يعني ممكن يحصل من أي عربية سواء متجمعة في الصين أو متجمعة في مصر أو أي بلد مش صناعية قوي دي حاجة
الحاجة التانية العيب ده أو اللي حصل معاك لو فكرنا فيه بهدوء هنجده أنه حاجة بسيطة جدا جدا يعني ممكن يكون سلك باب التانك فك من مكانه لأنه ما اتربطش كويس وده طبعا عيب تقفيل زي ما قلت أنا عارف ان العيوب البسيطة اللي زي دي هي اللي تنرفز يعني لو حصل معاك حاجة كبيرة اعتقد ممكن مايكونش نفس رد الفعل
بس انا ليا سؤال عند حضرتك..
ايه اللي حصل مع التوكيل وخدمة ما بعد البيع اللي فهمته أن حضرتك اتصلت بالتوكيل جابولك ونش يعني المشكلة حلوها
عموما من غير تعصب وبهدوء ويا ريت لما حضرتك تهدى كدة تقولنا تقييمك للعربية ويا ريت تقولنا هي عاملة معاك أيه من ناحية الموتور والعفشة والتكييف وغيره بغض النظر عن الحاجة اللي انا شايفها بسيطة دي بس طبعا علشان اللي حصل معاك انت متعصب
أنا عايز أقولك حاجة عديلي معاه عربية فيرنا وهو على الاوتوستراد فكر يشغل التكييف شغله راح سير الوتور اتقطع العربية سخنت وطبعا حاول معاها بكل الطرق وكان معاه أولاده برضه وساب العربية في الطريق وخلى أولاده ركبوا تكس وراح جاب السير وواحد علشان يركبه وكانت شغلانه وبرضو بيسب ويلعن في هيونداي وتوكيلها
عموما حصل خير ويا ريت ماتكرهش العربية اما هتخسر كتير لو بعتها دلوقتي
آسف على الإطالة<!-- google_ad_section_end -->