مصر موتورز مجتمع السيارات - بالله حد يقلي اعمل ايه انا قربت اكرها

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - بالله حد يقلي اعمل ايه انا قربت اكرها (https://www.masrmotors.com/vb/showthread.php?t=79431)

رد: بالله حد يقلي اعمل ايه انا قربت اكرها

انا معاكم فى حكاية قلة الاصل لان ده بيحصل معايا فى عربيتى
بس لى سؤال لو سمحتوا : هو فين توكيل نوبيرا اللى أوصى به بعض الزملاء ؟ هل هو توكيل شيفورليه حاليا ؟ وهل بيقبل صيانة النوبيرا ؟ ارجوا الافادة

رد: بالله حد يقلي اعمل ايه انا قربت اكرها

اقتباس:

المشاركة الأصلية كتبت بواسطة ابوجهاد (المشاركة 618123)

لك التحيه اخي حسام
يعني بكلامك ده اتوقع قله الاصل من السياره في اي وقت واي مكان؟
انا كنت بقول ان سيارتي قبل شرائها كانت مع زميل لي بس هو مهمل شويه وهو ده السبب ال مخليها بتعمل معايا حركاتها القرعه دي
ولكن علي العموم ربنا يكون في عون الجميع :CONGRA~238:

تمام يا ابو جهاد ..

للاسف لازم تتوقع قله الاصل من العربية الكورى من وقت للتانى ..

بس طبعا طول ما انت محافظ عليها هتحافظ عليك برضو (ولكن بقدر استطاعتها) ..

يعنى انا مثلا عربيتى لو حست ان انا نسيتها شويه لازم تختبر غلاوتها عندى كل شويه ..

وخد عندك بقى : مره مارش - مره كوبلن - مره فرامل ... الخ ..

كل فتره لازم حاجة .. وده لاحظته مع عربيات كتييييير كورى اتعاملت معاها معاها وخصوصا دايو (نوبيرا 2 - لانوس - سيلو - اسبيرو) وغيرها كتير ...

بس على فكره انا بقارن باليابانى (الهوندا بالذات) اللى لغاية دلوقتى مشفتش اعتمادية اكتر منها ..

بس عموما الحمد لله على نعمته التى لا تحصى .. وربنا يوفق لما فيه خير ......

رد: بالله حد يقلي اعمل ايه انا قربت اكرها

اقتباس:

انا معاكم فى حكاية قلة الاصل لان ده بيحصل معايا فى عربيتى

صدقنى

أى عربيه تتخيلها

بتقل بأصلها مع مالكها ....لما مالكها يكبر دماغه معاها

فالعربيه تقدر تشبهها بحاجه محتاجه للمراعيه والموالاه

أهملت صيانتها

على طول

بتقولك أنت شايفنى عماله أشكيلك وأنت ساكت

ومش راضى تصرف عليا

وهووووووووب

تروح قله بأصلها مع الواحد

رد: بالله حد يقلي اعمل ايه انا قربت اكرها

اقتباس:

المشاركة الأصلية كتبت بواسطة Abo-Amr (المشاركة 619289)

ياباشا لا توكيل ولا حاجه... ديه عربية اي حد يشتغل فيها... مفهاش كيميا يعني
ولو محتار اوي روح الحرفيين واسال على ميكانيكي كويس هاتلاقي الف واحد
ياراجل ده الواحد ما بيصدق الضمان يخلص عشان يهرب من نصب وخنقة اي توكيل

رد: بالله حد يقلي اعمل ايه انا قربت اكرها

اقتباس:

المشاركة الأصلية كتبت بواسطة ابوجهاد (المشاركة 618123)

اولا احب احيي اهل امنيا فيك وكل اهل الصعيد... وده لان انا كل اصحابي حبايبي الرجالة التمام من اول المنيا وانت نازل لحد اسوان ( وده مش قدح في غير الصعايده لاني انا اصلا مش صعيدي ):fun_10_1_124[1]:
ان شاء الله بعد اللي انت عملته ده مش هاتلاقي اي مشاكل تانيه توقفك... الباقي بعد كده تزبيط عفشه وخلافه... وده مش بيعطل
معلش هي اي عربية بتجيلها فترة تخنق اوي... بس ان شاء الله اللي جاي راحة:THUMBS~220: