المشاركة الأصلية كتبت بواسطة karii83 (المشاركة 568887)

بداية اود ان انوه على انني ظللت متابعا للموقع من اكتر من 5 اشهر حتى استعين بيه في اتخاذ قراري بشراء byd f3 مانيوال وتوكلت على الله واستلمت العربية يوم الجمعة الماضي من الوكيل في مصر الجديدة.....لكن بكل اسف بمجرد مامشيت بيها 10 كيلو وانا بسمع صوت مش طبيعي اي حد في الشارع يسمعه صوت مش عارف اوصفه زي الصفارة او الشحة اللي بتحصل في العجل ورا وحاولت اعرف ايه سببه مش من الفرامل لاني اما بضغط فرامل او لاء مش بيفرق وبيروح وييجي مع نفسه كمان مش من الفتيس لان العربية سواء معشقة او ممورة نفس الصوت في المشي......ثاني عيب هو ان الفتيس في النقل تمام ماعدا اما انقل الى الرابع بحس بعضة او مش سلس زي باقي النقلات... كمان لاني دقيق شوية لاحظت ان الطارة المفروض في الوضع الطبيعي لو مستقيم تبقى مظبوطة من غير اي ميل لاكني لحظت انها بتميل سنة جهة الشمال.....ياريت ياجماعة زي مااخدت قرار الشراء واعتمدت عليكم بعد ربنا في اتخاذ القرار تفيدوني اعمل ايه في الحاجات دي لاني منزعج اوي من اللي حاصل ده انا لسه حتى مرخصتش كمان انا عرضتها عالميكانيكي بتاعي وطمني قالي الصوت ده تيل الفرامل بس خشن وكام مشوار وحيبقى مفيش صوت؟؟؟؟

المشاركة الأصلية كتبت بواسطة Hany Shokry (المشاركة 570092)

السلام عليكم ورحمة الله وبركاته ،
الاخ الكريم
اولا مبروك وربنا يباركلك فيها
انا اشتريت بى واى دى من شهرين بالظبط
وكان عندى نفس المشكله وكنت متضايق جدا لانها عربيه جديده و بتعمل الصوت ده
المهم روحت فعلا للميكانيكى وفكيت العجلتين الخلفيتين وفكيت غطا الطنابير
لقيت كمية رايش من فرامل اليد غير عاديه و كمان تراب وهو ده اللى بيعمل الصوت اللى حضرتك بتسمعه - فعلا الصوت مزعج ومش بيكون مع الفرامل
المهم خليته يغسلهم كويس من جوه بالماء والصابون و يغسل غطا الطنابير وتيل الفرامل وركبهم تانى ومن ساعتها والصوت راح تماما
القصه دى كلها هتكلفك حوالى 20 جنيه
وان شاء الله تبقى بسيطه
ممكن تشوف المشاركه بتاعتى انا كاتب فيها نفس المشكله