رد: عايز اركب طرمبة بنزين كهربا .. قولي رأيك فى الموضوع دة ؟؟
 

لازم تعملك جوله معينه فى السوق

أو عند بتوع الأستيراد

بحيث تجيبلك طلمبه كهربائيه محوريه

يكون لها ولد ( ماسوره صغيره ) على سحبها

وزيه على طردها

بحيث تركب خط السحب على ولد دخول البنزين للطلمبه

وخرطوم الطرد على ولد خروج البنزين من الطلمبه

ويفضل تركب فلتر صغير برضه قبل دخول البنزين لها

لمنع سحبها أى رواسب من تنك البنزين

_________________

وأى طلمبه هتلاقى لها طرفين كهرباء

موجب وأرضى

الموجب خده من البطاريه على مفتاح الطلمبه ثم الطلمبه

والأرضى وصله بأرضى البطاريه

كده مفيش مشاكل بالنسبه للتوصيلات الكهربيه

ولكن هتحتاج خرطومين للسحب والطرد

وممكن تركبهم على خط سحب الكاركه من التنك بوصلات حرف T

بحيث تقلل من شغل التعديلات إللى هتعمله

_________________

لو نفذت الفكره كما بينت لك

هتقدر تعملها بنفسك دون الحاجه لميكانيكى أو كهربائى

( لأننى عارف كويس قدراتك الفنيه )

فالشغل ده عادى بالنسبه لك

رد: عايز اركب طرمبة بنزين كهربا .. قولي رأيك فى الموضوع دة ؟؟
 

انا كنت عامل كدة فعلا على الطرمبة دى ..
http://img103.herosh.com/2011/03/15/887376388.jpg

http://img105.herosh.com/2011/03/15/788961691.jpg

هنا لما وصلتها مع الموبينة علشان تشتغل مع الكونتاك وتقفل لما اشيل المفتاح او اقفل كونتاك
http://img101.herosh.com/2011/03/15/793680291.jpg

اول مركبتها تعمدت على ازالة اي بنزين سواء ف الكربراتير او الفلتر .. وغطيت بفوطة خارج الطرمبة
القديمة علشان اكيد هطلع بواقي البنزين اللى فيها وممكن تمسك ف حاجة خصوصا انها قريبة من سلك الموبينة جدا والاسبراتير .. المهم

اشتغلت زى الفل سلانسية والعربية دارت وكل شيئ تمام .. خمس دقايق بالكتير وفصلت
لوجود عطل فيها .. ولما سألت فى البيت عندى لانى كنت راكنها شغالة قالو لى انهم شغلوها فترة فى
حوض السمك بدل الماتور :) لحد مباظت فشلوها :) فجزاهم الله كل خير ..

الطرمبة اللى معايا لما بنفخ فيها وهى مبطلة بتكون مكتومة .. هل اي طرمبة كهربا ممكن البنزين
يدخل على in ويخرج من الاوت وهى مطفية عادى ؟ دى مربط الفرس فى ربط الطرمبتين مع بعض
بحرف T ..... واجيب حرف تي دة منين ؟ اشكر حضرتك جداَ على تعبك يا بشمهندس دائما عند حسن ظنى فيك .

رد: عايز اركب طرمبة بنزين كهربا .. قولي رأيك فى الموضوع دة ؟؟
 

بالطبع لا

محتاجه شوية تنقيب لدى بتوع السباكه أو الغسالات مثلا

رد: عايز اركب طرمبة بنزين كهربا .. قولي رأيك فى الموضوع دة ؟؟
 

بدل اللفه الكبيره دي
هات رداخ اصلي للعربيه بحاله كويسه
و بلاش تركيب طلمبه بنزين كهربا لان مشاكلها كتير

رد: عايز اركب طرمبة بنزين كهربا .. قولي رأيك فى الموضوع دة ؟؟
 

الكبير وصل .. استاذ حازم اخبارك اية ..
الرداخ بتاع العربية جديد ومفهوش اي مشاكل والحمد لله
هو بس كل ما فى الامر ان العربية لو ركنتها اكتر من يوم بتاخد وقت بسيط عبال مدور لا اكثر
انما لو دورتها تانى يوم مثلا عادى بتدور من المفتاح بس وبدون لمس دواسة الاكسلتير من المفتاح
لكن احيانا بترك السيارة للايام .. ولما اجي دورها لازم احضر وتاخد مثلا وليكن 10 ثوانى عبال مدور
واشكر حضرتك .. واشكر استاذنا سمير على محاولتة ومساعدتة .. هلف لفة على محلات قطع الغيار
وهجيب بأذن الله طرمبة تانية اركبها وابقى اقولكم الاخبار ... والطرمبة الرداخ القديمة هخليها زى مهية
راكبة ف المكنة استخدمها فى الاوقات الحرجة فقط .. لو طرمبة الكهربا قلت اصلها .. اشكر حضراتكم
ولكم جزيل الشكر والاحترام