رد: عاوز اشترى جيب شيروكى تنصحونى باية
 

اعتقد حضرتك حتكون مرتاح فيها وا نت سايق اكتر من الشاهين , الكنبة الخلفية ضيقة حبتين

فى رينج المبلغ ده .. اعتقد ممكن الفيتارا او التيريوس موديل اواخر التسعينات ... و ممكن الرانجلر نفس الموديلات ... او النيفا يا سلام .... ممكن موديلات 2008

رد: عاوز اشترى جيب شيروكى تنصحونى باية
 

رد: عاوز اشترى جيب شيروكى تنصحونى باية
 

انا هقول لحضرتك اللى انا اعرفة لانها كانت معايا موديل 1992 4 سلندر
اولا بالنسبة لاستهلاك البنزين لو العربية مظبوطة
ال4 سلندر 13.8 ليتر لكل 100 كم جوة البلد
11.2 ليتر لكل 100 كم عالطريق السريع
ال6 سلندر16.8 ليتر لكل 100 كم جوة البلد
13.1 ليتر لكل 100 كم عالطريق السريع
ثانيا بالنسبة للضريبة سواء 4 سلندر او 6 سلندر الضريبة 1160 لان العربية عدى عليها 10 سنين
قطع الغيار مش غالية لو قارنها بمثيلاتها وعشان حضرتك تتاكد انزل شارع شامبليون والحرفيين
لان دى اماكن بيع قطع غيارها واسال بنفسك عشان تتفاجأ لان فعلا فى تهويل بالنسبة لاسعار قطع الغيار مع ملاحظة ان اسعار قطع غيار ال4 سلندر اغلى من ال6 سلندر ولكن مش بفارق كبير
قطع الغيارالاصلية معمرة جدا جدا واسمها موبار وهتلاقى فى منها الصينى والتايوانى
ثالثا بالنسبة للمواتير
ال4 سلندر 2500 سى سى
130 حصان
عزم 203 نيوتن
ال6 سلندر 4000 سى سى
190 حصان
عزم 305 نيوتن
الشيروكى عامة اسف فى اللفظ حمارة شغل متقولش لأ على حاجة ولكن فى المقابل ايدك فيها
بمعنى متستناش لما العطل يكبر
وفعلا زى مالاخ الفاضل قال ان العربية دية مظلومة جدا جدا ولولا الكلام والاشاعات اللى طلعة عالعربية مكنتش هتلاقى حتى موديل الثمنينات فى الخمسينات
وبردة زى مالاخ الفاضل قال ان بالسعر دة هتشترى اول التسعينات مع العلم ان الشكل بتاع التسعينات كانت بدايتة من 1984 الى 1997 بعد كدة من 1998 الى 2001 كان فى تغيير فى الشكل مش كبير اوى من برة وكان فى تغيير كبير من جوة ودة الموديل اللى هو قبل الليبرتى
واى استفسار انا تحت امر حضرتك
واللة اعلى واعلم فيما قلت

رد: عاوز اشترى جيب شيروكى تنصحونى باية
 

هي العربية دي ركوبتها عشرة علي عشرة .. و في السحب و الثبات ملهاش مثيل طبعا انا بتكلم عن 6 سلندر لكن العربية دي بتعطل كهربا كتير و في مشاكل في الضفيرة بتاعتها..
انا بشرف علي صيانة السيارات في الشركة الي انا بشتغل فيها و بقولك الكلام دة من خلال متبعتي للسيارات الشروكي الي عندنا.
فا انت لو تقدر تستحمل انك كل شوية تتابع اعطالها .. و تقدر تستحمل الضريبة بتاعتها توكل علي الله لان العربية كا ركوبة اكثر من رائعة.

رد: عاوز اشترى جيب شيروكى تنصحونى باية
 

انا كانت معايا العربية وقعدت معايا فوق ال9 سنين هى عامة كهربتها رخمة ومحتاجة حد بيفهم فيها لان مش اى حد يشتغل فيها ودة من خلال تجربتى لان طلع عينى الغيط ملقيت كهربائى محترم فياريت حضرتك توضح يعنى اية بتعطل كهربا كتير واية المشاكل اللى فى الضفيرة ؟
وزى مقلت قبل كدة ان العربية دية واى عربية لو اخدت بالك منها ومن صيانتها مش هتحس بيها