|
رد: دعوة للمشاركة عيوب سيارتك اية؟
انا كان معاى ياريس 2007 مانيوال-زيرو
عربيه جميله لكن عيوبها لو معاك 3 اشخاص فى العربيه . العربيه هتحك فى المطبات صاج خفيف جدا جدا . لو حد سند على العربيه . الصاج بيطبق الدهان سيء جدا جدا . اى حكه بسيطه بتقشر وبيبقى شكلها سيء غير كده العربيه اكتر من ممتازه من ناحيه السحب والتكييف والفرامل والتسارع والثبات ( على عكس من ناس كتييره بتشكك فى ثباتها ) العربيه كانت جميله جدا بس انا بعتها لظروف شكرا للموضوع الجميل ده |
رد: دعوة للمشاركة عيوب سيارتك اية؟
اقتباس:
بالنسبة للتوكيل هوه غير بوجيهات وفلتر هوا وبنزين وزيت وده علشان العربية عملت 20000 كيلو ونضف الايديال والبوابات بعديها لقيت العربية اتظبتت بس بامانه انا مسئلتش المهندس العيوب ديه اتحلت ازاي لاني مكنتش مركز غير في اني استلم العربية وهيه سليمة |
رد: دعوة للمشاركة عيوب سيارتك اية؟
السلام عليكم
انا معايا ريتمو الى فى التوقيع عبها سبتها مش حلو بعد ال100 كيلو قطع الغيار منتشرة بس مش معمرة فرامل زى الزفت مع العلم التيل والطنبير خلفى وامامى جداد الحوض ضعيف لحجم الموتور 1500 سى سى موتور عفى جدا بيشرخ الحوض العزل فى الصيف تحس انك قاعد فى فرن بس الحمد لله عزلت الحوض بقى تمام المجمل عربية محترمة جدا وربنا يدمها عليا نعمة الحمد لله |
رد: دعوة للمشاركة عيوب سيارتك اية؟
هو اعضاء المنتدى باعوا العربيات ولا اية؟
|
رد: دعوة للمشاركة عيوب سيارتك اية؟
اقتباس:
الحمد لله على كل حال وعشان كده هاموت واجلد العربيه وفعلا الخليجى احسن بمراحل من الوكيل تحس ان الدهان حاجه تانيه عارف يابدر باشا هنا البدو معظمهم معاهم النترا خليجى واتاكدت ان الدهان نفسه حاجه تانيه انا سقت واحده منهم بتاعت واحد بدوى صديقى مطلع عنيها وبيمشى فى مدقات وما ادراك ما المدقات اكتر مابيمشى بيها على الاسفلت ومع ذلك عفشتها تمام مش ورق زى مالاشاعات طالعه عليها وبالنسبه لان العربيه بتحك فعلا بس فى مطبات عشوائيه غبيه زى اللى عندنا فى شبرا كده |
| الساعة الآن 08:41 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017