المشاركة الأصلية كتبت بواسطة fineart607 (المشاركة 155032)

السلام عليكم ورحمة الله وبركاته

فعلا انا والله لسة مكمل 5000 كيلو وفعلا موضوع المفتاح ده قلقنى بس جزاكم الله خير انت ريحتنى بس عايز اعرفك حاجه
وربنا شاهد على الكلام ده
العربيه دى مش حلوه ومش وحشه
انا عربيتى استلمتها بعد نزول الأعلانات ودفعت فيها اكتر من ثمنها علشان استلمها فورى
للأسف فيها بعض عيوب التجميع وخاصة الفروقات وكان هناك فرق واضح فى الكبود الفرق فى الشمال اوسع من اليمين ورحة صيانة اسبرانزا الأم على طريق مصر اسكندرية ومن حبى فى العربيه دى خليت 2 من اصحابى يشتروها
وللأسف التوكيل مكنشى عايز يعمل الفرق ده الى كان فى الكبود على الرغم ان سهل جدا وقالوا روحوا الشركة نفسها
من الأخر متعملشى الا بعد خناقه والله العظيم قمة الغباء الى فى الدنيا
وبعدها فى صوت تزييق خلفى وده ةوالله مش عندى لوحدى ولما رحت معرض الفورميلا واشتكيت للمندوبين قالوا حظك من السماء مدير الجوده هنا وطبعا قابلنى بالترحيب واشتكيت له اعطى لى الكارت وقالى اى مركز خدمة بيقمشى باللازم كلمنى فورا
والله العظيم فى صيانة ال5000فى مركز خدمة جسر السويس وده بعد لما المصيبة الكبرى حصلت السياره مش عايزه تدور والموضوع اتكرر جايب عربيه زيرو علشان ادفعها كل يوم بيدى علشان تدور الله يخرب بيوتهم
المهم التوكيل قال البطارية بايظه روح غيرها لان احنا مش الوكيل منصور هو توكيلها رحت التوكيل وبعد جدل وصلت لمدير الخاص بالبطاريات قالى العربيه دى فيها عيب تسريب ولو ركبت 100 بطاريه مش هتنفع روح صلحها يا حبيبى وانا اغير لك البطاريه
رحت التوكيل قالو لى تسريب ايه وبعد نقاش والله بختصر عليكم لان دمى اتحرق انا وعائلتى كلها
قالى مدير المركز تعالى الأسبوع القادم لان فى زحمة انا لازم اكشف حته حته
وبعد اما كشوفوا قالوا لى اه فى تسريب من لمبة الشنطه والله اعلم صدق ولا كذب وهناك قابلت واحد معه نفس العربيه
واشتكى من التزييق وعلى فكره لما كلمنا مدير الجوده بشركة اسبرانزا حسب الكارت الى معى قال لى مليش دعوه انا شغال فى المصنع وانا لو شفته والله هضربه
والتزييق رجع تانى والشنطة مش بتقفل كويس لانهم لعبو فيها والبطارية اتغيرت بالعافيه وصيانة ال 5000 مش 80 جنيه والله اكتر من كده حوالى 180 والمصيبه ان لمبه abs ,علامة تعجب تفيد قصور فى نظام الفرامل من ساعة اخر مره بتنور وتطفى كانى مشترى بجد لعبه صينى والله العظيم انا بحب العربيه دى رغم كل ده بس انا مضايق ده حتى الماتور احيانا بسقف على الرغم ان البنزيين 92 والحجه مفيش سوفت وير لسه ليها مسخره
انا بكره ان شاء الله رايح المركز تانى وهقول لهم على الأشارات الى بتقيد وتطفىء دى وكمان تسقيف السياره وصوة الزقزقه كانى راكب مرجيحه انا مش نادم انى اشترتها بس نفسى الاقى صدق فى المعامله والله لا الانوس كانت كده ولا حتى الفيرنا خساره عربيه زى دى تكون فيها بعض الأشياء دى اتمنى انى الاقى حل بكره وصدق فى المعاملة ولو حد يقدر يقدم المساعده يقول لى بس ميكونشى زى البيه الكاذب بتاع الجوده ده


وحسبنا الله ونعم الوكيل