مصر موتورز مجتمع السيارات - موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

السوق المصرى له طبيعة خاصة جدا
قد يتاثر لفترة لكن يعود لطبيعته
وبعدين تخفيض الجمارك ورخص سعر السيارة يكون وهميا ويتم التعويض من جهة أخرى برفع الضريبة كما حدث مؤخرا أو بفرض ضرائب على قطع الغيار او بزيادة سعر البنزين كما فعلوا من قبل
يعنى ف الآخر عباقرة الجباية مبيغلبوش وبيطفحونا الدم
اللى عايز يشترى يشترى وينسى فرقها بسيط كده كده مضحوك علينا ومتقلبين طول ما فيه هليبه وبرضة ساكتين مهما حصل وعمار يامصر

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

اقتباس:

المشاركة الأصلية كتبت بواسطة M7md_S3d (المشاركة 56927)

استاذ سامى انا سعيد انى شفتك وانا معاك ,مفيش اسعار هتنزل فى مصر

انا الاسعد يا استاذ محمد ... و ياريت دايما نشوف مشاركاتك
وبالنسبه للأسعار فهي جابت كده اخرها خلاص ... الصيف دخل و الموسم الجديد ابتدى من شهر 6 .. متهيألي صعب نشوف اي نزول اسعار قبل رمضان و العيد و ندخل بقى في 2010 و كل سنه و انتم طيبين

اقتباس:

المشاركة الأصلية كتبت بواسطة wawoo (المشاركة 56930)

هذا الكلام نشر مع بداية العام الحالى فى عدة مواقع, و فى توضيح مهم ان السيارات اقل من 1600 سىسى التخفيض فيها 13% مش 4% بس من بداية 2010 , انا رايي يتم تطبيق القرار على مودلات 2010 كلها حتى اللى حتتباع فى اواخر 2009 , لكن طبعا المشكلة ان التجار عندهم مخزون من مودلات 2009 و 2008 كمان , حيتخلصو منة ازى ptmnlo123per1127:

جاء حديث جلال أبو الفتوح مستشار وزير المالية لشئون الجمارك واضحا عبر مداخلته التليفونية ليؤكدد على عدم وجود أى نية من قبل وزارة المالية لتخفيض تعريفة الجمارك على السيارات فى 2009

وأوضح أن ما أحدث البلبلة أن هناك إتفاقية شراكة بين مصر والاتحاد الأوربي ستخفض على اثره سعر السيارات التى ينتجها الإتحاد بدءا من عام 2010 بنسبة 4 % ، ويظل الإنخفاض قائم كل عام بنسبة 4% من الجمارك ، ليكون التخفيض على الجمارك فى عام 2019 إلى 40 % وهذا سيكون سائر على السيارات الاعلى من 1600 سي سي .

أما عن السيارات التى تقل عن ذلك سيكون نسبة التخفيض على الجمارك فيها من 2010 ل 13.5 % لتصل لصفر % عند حلول عام 2019 .

ممكن توضح اكتر يا استاذ Wawoo
لأن على حد علمي فالتخفيض لمده 10 سنين لكل العربيات الاوروبيه المنشاء ...
وبالتالي العربيات ال 1600 او اقل جمركها 40 % يبقى التخفيض السنوي 4 %
اما العربيات الاكبر من 1600 جمركها 135 % و بالتالي حيبقى التخفيض 13.5% سنويا ....
علشان نوصل للصفر في 2019 ...

يعني المستفيد الاكبر للعربيات الاكتر من 1600 .. لأن طبعا جمركها كبير و النسبه 13.5 % مش قليله ...
وأعتقادي الشخصي ده سبب انهم رفعو ضريبه العربيات فوق ال 1600 سي سي ...
اما عامه الناس فال 4 % حتوه وسط الرسوم و الضرايب والتضخم و فرق سعر العمله ...
دي بالطريقه دي ممكن تزيد كمان ptmnlo123per16

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

اقتباس:

المشاركة الأصلية كتبت بواسطة sam ram (المشاركة 56954)

ممكن توضح اكتر يا استاذ Wawoo
لأن على حد علمي فالتخفيض لمده 10 سنين لكل العربيات الاوروبيه المنشاء ...
ptmnlo123per16

الحقيقة يا اخ سام انا نقلت الكلام زى ما هوة , و انا برضو زيك كدة مش فاهم قوى , بس حقولك حاجة , اى تخفيض فى الجمارك حيكون لصالح المستهلك فى النهاية , و حتى لو فرضنا انهم 4% بس , فى كمان نسبة ضرائب و رسم تنمية و مكسب الوكيل كل دة حيتاثر ,يعنى فى النهاية ممكن فعلا السعر ينزل بتاع 5 -6% , دة غير رد فعل اليابان و الكورى اللى مش حيقف يتفرج , حينزل برضو عشان يكون منافس .

انا اعتقد كل توكيلات الاوروبى مستنية تعرف قرار الحكومة حيكون اية , و التخفيض حيكون كام بالضبط لان على اساسة حتتحط السياسة التسويقية للسنة ا لقادمة كلها ,و اللى بيتم وضعها من الان.

يبقى الحكومة تكون واضحة كدة و تنزل قرار لتنظيم موضوع التخفيض دة , عشان السوق يستمر و كل التوكيلات و كل المستهلكين يبقى عارفين حيحصل اية , لان مش من المنطقى اننى اشترى مثلا سيارة اوروبى فى اكتوبر او نوفمبر , و بعدها بشهر او اتنين الجمارك تنزل 5 - 6 % .

طبعا وضع مش مريح و مش ظريف خالص للمستهلكين و الوكلاء , يبقى المفرض الحكومة تاخد قرار من الان بخصوص التخفيض دة و مصلحة الجمارك توضح فى مؤتمر صحفى قرار التخفيض دة , و حيطبق امتى و على اى مودلات و من تاريخ كام , عشان كل حاجة تكون واضحة للجميع.

انما كلعادة حيفضل الموضوع عايم كدة و بعدين تلاقى قرارت نزلت و كل واحد و مصيرة بقى وقتها .. وكلاء او مستهليكن

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

اقتباس:

المشاركة الأصلية كتبت بواسطة M7md_S3d (المشاركة 56920)

انا رأيى من رأيى من رأى الاستاذ سعداوى اللى عاوز يشترى يشترى لأن حتى لو الاسعار نزلت هتنزل حاجه طفيفه وانا عن نفسى هشترى بس مستنى انزل مصر.

اهو اسمة نزول برضو , احسن من عينهم , اى تخفيض مصلحة برضو حتى لو كان الف جنية , لان اساسا الجمارك مرتفعة جدا و بشكل مستفز , دة غير انة مش حيكون اول تخفيض , دة حيحصل كل سنة , يعنى حتلاقى نزول 10 - 15 خلال سنتين تلاتة و دة مش قليل .

يبقى الواحد يلحق اى تخفيض ,لانة اللى حيشترى الان خاسر على كل المستويات

رد: موضوع هام جدا للي عايز يشتري عربية دروقتي علي 2010السنة الجديدة الضرايب هتقل10في الماية

اقتباس:

المشاركة الأصلية كتبت بواسطة wawoo (المشاركة 56985)

انا معاك بس متنساش برضه ان نزول الاسعار البسيط ده هيقابله تضخم فى العمله بتاعتنا زى ما قال استاذ سامى, واللى من ساعة ما وعيت عالدنيا لحد دلوأتى وهى بتتضخم,ده غير المبالغه فى السعر اللى بنشوفه من الوكلاء مع كل موديل جديد بينزل واللى عمره ماكان فسعر اللى قبله.