مصر موتورز مجتمع السيارات - اساطير شائعة جدا في طب الاطفال .. التهاب الحلق و اللوزتين

مصر موتورز مجتمع السيارات (https://www.masrmotors.com/vb/index.php)

- نادى الاطباء (https://www.masrmotors.com/vb/forumdisplay.php?f=94)

رد: اساطير شائعة جدا في طب الاطفال .. التهاب الحلق و اللوزتين

اقتباس:

المشاركة الأصلية كتبت بواسطة Torn@doo (المشاركة 542283)

تسلم ايدك ع الموضوع الجميل دة وشكرا جدا ع بعض المعلومات اللى مكنتش اعرفها ومنتظر الموضوع القادم

تحيااااااااااتى

اتشرفت جدا بمعرفتك يا دكتور طارق ,,,
و بالنسبة لمدة علاج التهاب اللوز البكتيري او ال strep pharyngitis فهي برده المفروض 10 ايام زي ال AOM او التهاب الاذن الوسطى و ده لضمان القضاء تماما على الميكروب ..و لازم تكملة العلاج مع اعلة انه معظم الاعراض بتختفي بعد 24-48 ساعة و الموضوع ده بيبقى تقيل على الامهات اوي ..
اما عن ظهور المقاومة للمضادات الحيوية .. فدي مشكلة كبيرة و محدش حاسس بيها .. حضرتك انا لما كنت شغال في ابو الريش ظهرت بكتيريا اسمها pesudomonas resistant for Tienam .. انت متخيل .. حتى التينام اقوي الجرام نيجاتيف موش قادر عليها .. و دلوقتي احنا بندي مضادات حيوية غريبة على الاطفال زي السيبرو مثلا و التازوسين علشان الحاجات التانية شكرا ..و دي مشكلة صعبة عندنا في مصر .. انا اشتغلت في طابا لفترة مع الاطفال الاجانب .. و موش عايز اقولك اهبل مضاد حيوي عندنا كان بيجيب نتايج رهيبة معاهم و سريعة جدا ..لان جسمهم موش متعود علي المضاد الحيوي ..

اما بالنسبة لموضوع الروشتة دي .. فمصائب قوم عند قوم فوائد فلوس كتيرفلوس كتير
و شكرا لمرورك و اهتمامك

رد: اساطير شائعة جدا في طب الاطفال .. التهاب الحلق و اللوزتين

اقتباس:

المشاركة الأصلية كتبت بواسطة Eng/salwa (المشاركة 543165)

ربنا يبارك لك يا د/ وائل و يبارك لك فى اولادك يا رب
و لا يريك فيهم مكروه

عاوزه اسال حضرتك فى سؤال عن موضوع النمو هذا
ابنى الصغير 1ث ما شاء الله اصبح اطول من اخوه و حتى اطول منى و من والده و قد لاحظت ان هذا مؤثر الى حد ما على اخوه الكبير 3ث تنصحنى بإيه علشان اهتم بالموضوع ده انا بحاول احث الكبير على المداومة
على الرياضة مثل اخوه و الجيم و التغذية السليمة بس للاسف هو اكثر كسلا و عدم الشهية للاكل رغم انى قمت باجراء عملية (اللوز و اللحمية ) برغم انها كانت لا تلتهب كثيرا مثل اخوه قلت يمكن جسمه يفوق و دى من المعتقدات الخاطئة
فماذا افعل زيادة بالاهتمام به مع انى بحاول لا اظهر زيادة الاهتمام قوى امام اخوه حتى لا يغير منه
شكرا على اهتمامك جدا يا دكتور وائل
و على فكرة نحن نقوم بعمل نصائحك فى موضوع الكمبيوتر ووالدهم يشكرك كثيرا على النصائح
و كل الاخوة المحترمين اعضاء المنتدى اللى اعطونا افكار رائعةROSE4UROSE4U

ربنا يكرمك يا باشمهندسة ..
و موضوع الطول محتاج تيعتيلي الداتا دي و انا اقولك ايه الاخبار ..
طوله ..
وزنه ..
محيط الذراعين او Arm span و ده بيتقاس ازاي ..
يقف و ظهره للحيطة و رجليه مضمومة و يفرد ذراعيه الاتنين و نقيس من اول الاصبع الوسط في اليمين لحد الاصبع الوسط في الشمال ..
و قياس upper to lower segment body ratio او معدل نمو الجزء العلوي من الجسم الى معدل نمو الجزء السفلي و ده بتقاس ازاي ..
يقف و ظهره للحيطة برده و يضم رجليه و نقيس من العظمة البارزة اللي عند منطقة الحوض لحد تحت و نخصمه من الطول الاساسي ..
و طول حضرتك ..
و طول والده ..
و بناء على المعلومات السابقة اقولك الموضوع طبيعي و لا فيه حاجة غلط ..
و ربنا يوفقك في موضوع الكمبيوتر ده ..

رد: اساطير شائعة جدا في طب الاطفال .. التهاب الحلق و اللوزتين

اقتباس:

المشاركة الأصلية كتبت بواسطة dr.wael7yran (المشاركة 543365)

ربنا يكرمك يا باشمهندسة ..
و موضوع الطول محتاج تيعتيلي الداتا دي و انا اقولك ايه الاخبار ..
طوله ..طول الكبير160سم طول الصغير 170سم
وزنه ..وزن الكبير 50 ك وزن الصغير 71ك
محيط الذراعين او Arm span و ده بيتقاس ازاي ..
ِِAS للكبير 170 للصغير 180 سم
يقف و ظهره للحيطة و رجليه مضمومة و يفرد ذراعيه الاتنين و نقيس من اول الاصبع الوسط في اليمين لحد الاصبع الوسط في الشمال ..
و قياس upper to lower segment body ratio او معدل نمو الجزء العلوي من الجسم الى معدل نمو الجزء السفلي و ده بتقاس ازاي ..
للكبير95سم للصغير 100سم
يقف و ظهره للحيطة برده و يضم رجليه و نقيس من العظمة البارزة اللي عند منطقة الحوض لحد تحت و نخصمه من الطول الاساسي ..
و طول حضرتك .. 162
و طول والده .. 165
و بناء على المعلومات السابقة اقولك الموضوع طبيعي و لا فيه حاجة غلط ..
و ربنا يوفقك في موضوع الكمبيوتر ده ..

آسفة على إزعاجك يا دكتور وائل
ربنا يكرمك يا رب

رد: اساطير شائعة جدا في طب الاطفال .. التهاب الحلق و اللوزتين

ربنا يجازيك خير يا دكتور وائل على الموضوع المفيد جدا ده
وحضرتك عندك حق فى كل حرف قولته وخصوصا ثقافة اهل الطفل وبالتحديد امه لانه فعلا بتتعامل مع الامراض والاعراض بصورة تقليدية تخلومن اى نظرة علميه طبية مما يؤدى الى ضرر الطفل وكمان بتتعامل مع الادوية العلاجات بصورة سحرية وعايزه طفلها يخف فى 24 ساعة ..... لدرجة زى ما دكتور نوح قال انه عارف الدكتور بيكتب يه مسبقا فى حالات الالتهاب دى والدى الله يمسيه بالخير دايما يقول الدكاترة دلوقتى بيكتبوا صنفين تلاته مضاد حيوى عشان لو واحد ما اشتغلش التانى يشتغل وطبعا كل ده بيدمر الجهاز المناعى للطفل ومع الوقت الادوية ماتباقش مؤثرة
يا ريت حضرتك تزودنا بنصائح اكتر فى التعامل مع اعراض وامراض الاطفال الشائعة
وجزاك الله كل خير

رد: اساطير شائعة جدا في طب الاطفال .. التهاب الحلق و اللوزتين

شكرا ليك دكتور وائل
البنت عندها 5 سنين كانت بتسخن عالطول المهم فى المره الاخيره اشتكت من رجلها وانها مش قدرها تقف عليها
روحنا للدكتور طلب تحليل لقى نسبه الصديد عاليه قوى
واللوز ملتهبه طبعا
فقال لازم نشييييييييييييييييل اللوز
واعطانا مضادات حيويه عشان بعدها يعمل العمليه

رد: اساطير شائعة جدا في طب الاطفال .. التهاب الحلق و اللوزتين

اقتباس:

المشاركة الأصلية كتبت بواسطة aymangalal (المشاركة 544513)

ربنا يكرمك يا باشا ..
و ده يجي ايه في السيتروين بتاعتك يا راجل ده انت عملت فيها دكتوراه :danceW7:

و ان شاء الله كل ما هافضى هاكتب موضوع ..
و تقبل سلامي ..

رد: اساطير شائعة جدا في طب الاطفال .. التهاب الحلق و اللوزتين

اقتباس:

المشاركة الأصلية كتبت بواسطة محمد زغلول (المشاركة 551242)

العفو يا باشا ..
و بالنسبة للعملية الدكتور اللي شاف البنت هو اللي يقدر ياخد القرار الصح ..
بس زي ما اتفقنا .. خليك متردد جامد جدا ..
و وجع الرجل موش معناه حمى روماتيزمية لا قدر الله ..
التهاب المفاصل في الحمى الروماتيزمية شرط اساسي انه يكون اصاب اكتر من مفصل ..
( الركبة - القدم - الحوض - الساعد )..
و انه المفصل يكون وارم و سخن و ملتهب ..
و تقبل سلامي .. :fun_36_3_11[1]: