مصر موتورز مجتمع السيارات - الى خبراء الجير بوكس الاوتوماتيك

مصر موتورز مجتمع السيارات (https://www.masrmotors.com/vb/index.php)

- مرسيدس (https://www.masrmotors.com/vb/forumdisplay.php?f=23)

- - الى خبراء الجير بوكس الاوتوماتيك (https://www.masrmotors.com/vb/showthread.php?t=70419)

رد: الى خبراء الجير بوكس الاوتوماتيك

اقتباس:

المشاركة الأصلية كتبت بواسطة ayman sharaf (المشاركة 580497)

اخي ا/ خالد السيد
ممكن المشكله تكون بسيطه مثل ماحدث معي وهو ان الغيار الأخير لايأتي وصوت السياره يعلو ---
وسحب السياره يكون ضعيف.......
هناك سلك او وصله بين الفتيس والماتور وتحديداً في الماتور عند مكان ريجلاج البنزين(الذي يستخدمه الميكانيكي في سماعه صوت الماتور مع تعليته كأنك دايس علي دواسة البنزين) حرك هذا السلك الي الأمام والخلف في اتجاه مواز للماتور نصف سنتيمتر (هزه )وحاول تزييته بوضع نقط زيت ماتور من عند الريجلاج ده وجرب .
ان شاء الله هايكون العيب منه عليه شوية أوساخ او موش واخد راحته في الحركه فلما الفتيس يحاول تحريكه عند الرابع لايستجيب .....جرب بس وادعيلي.

تقصد السلك اللى راكب عند راس الماكينه وبيكون تحت الهوايه السوداء
والله الجير ده تعبنى وهو اصلا خمس غيارات
منهم اربعه بييجوا طبيعى لكن الغيار الخامس مش بييجى وده حصل مره واحده بدون سابق مشاكل فى الجير
وكل الميكانيكيه يقولوا ده ممكن الكلاتشات خربانه ولازم الجير يتغير خالص
ومنهم اللى يقول نفكه ونصلحه
وانا معنتش عارف اعمل ايه
على العموم انا شاكر لك على اهتمامك

رد: الى خبراء الجير بوكس الاوتوماتيك

انا النهارده فصلت السلك ده خالص من عند الريجيولاش بتاع البنزين
وطلعت مشيت بالعربيه علشان اشوف هناك تغييير ولا لاء
لقيت العربيه زى ما هيه الغيار الاخير مش بييجى
رجعت طبعا ركبته تانى بس زيته وظبطه لكن مفيش تغير

رد: الى خبراء الجير بوكس الاوتوماتيك

اخي العزيز
السلام عليك ورحمة الله وبركاته
ازاي مشيت بالسياره وانت فاصل الذراع الواصل بين الفتيس والماتور ......اكيد انت فهمتني غلط ...الذراع الذي اقصده لو فصلته السياره لايمكن ان تتحرك من مكانها لأنك تبقي عاوز تحرك السياره بدون فتيس وهذا مستحيل.:sd:
شوف هحاول اوضح ......في الفتيس العادي بتحركه احنا باليد الأول والثاني والثالث ثم الرابع والخامس ان وجد...............في الأتوماتيك ليس مطلوب منا تحريك الفتيس باليد........الذراع الذي اقصده تقريباً هو المسئول عن نقل الغيار....
سأعطيك توضيح لهذه العلاقه نحن نقود السياره الأتوماتيك ونعتمد علي الفرامل ودواسة البنزين فقط والنقل بالفتيس يتم اتوماتيكياً بدون تدخل منا .........ولكن لو السياره علي سرعه معينه وعلي غيار معين وحضرتك عاوز الفتيس ينتقل الي الغيار التالي بنشيل الرجل من علي دواسة البنزين ونرجع نضغط علي البنزين حسب الطريق ماذا حدث هنا؟؟؟؟؟؟؟؟
الذي حدث هوه من صميم العلاقه بين الفتيس والماتور المتمثله في الذراع الذي اقصده.
اريدك ان تقول للميكانيكي ان يشيك علي هذا الذراع لأنني شاكك فيه انه يكون طوله +او- الطول اللازم(اقصر او أطول من المطلوب) وده سهل ممكن الميكانيكي يفرده ليزيد طوله او يثنيه ليقصره

:01FDAB~189:

رد: الى خبراء الجير بوكس الاوتوماتيك

اقتباس:

المشاركة الأصلية كتبت بواسطة ayman sharaf (المشاركة 592213)

اخى الكريم
حاول توضح ليا اكتر شويه لانى كنت رايح بكره لغير لها جير بوكس كامل
فلو سمحت حاول تحدد لى هذا الجزء الذى تقصده ممكن يكون المشكله منه وتوفر عليا تغيير الجير بوكس والفك والتركيب
انا فاتح ومنتظر ردك لو سمحت
وبارك الله فيك