|
رد: هام جدا مشكلة في الاكسنت الاوتوماتيك
السلام عليكم ورحمة الله وبركاته
شكرا لكل من ساهم بالرد والله يا جماعة بعد ما قريت في المنتدي وخصوصا رد د.قناوي واللي حصل معاة ومواضيعة ف المنتدي كان الله في عونة انا بفكر جديا في اني ارجع اصلح العربية القديمة واسوقها هيكون اهون شوية انا اصلا جبت زيرو عشان مفكرش لا في ميكانيكي ولا ابقي قلقانة من ناحية العربية نهائي واي نصيحة لواحدة من زميلاتي لو هتشتري عربية اقولها بلااااااااش مستعمل لكن بما ان الموضوع بسيط اوي كدة (صوت عالي=خناقة, اطلب مدير الضمان - اطلب مدير الصيانة- اطلب مدير الفرع-اعمل محضر شرطة- ابلغ حماية المستهلك- ابلغ المركز الرئيسي بكوريا "طالبين في موقعهم ع النت contact us (VIN numberوانا اصلا الكتيب اللي معاية خانة الرقم دي فاضية ) مش عارفة حاسة ان قلبي هيتخلع من مكانة و في الم في الناحية الشمال وبيسمع في ظهري وان مفيش هوا :fun_36_1_31[1]: يا رب بس ألحق احجز معاد!!!! انا هستخير واخد معاد واروح , كلة بأمر الله الله المستعان |
رد: هام جدا مشكلة في الاكسنت الاوتوماتيك
كان الله فى عونك
ربنا يسهل الامر ان شاء الله والموضوع يتحل اما بخصوص توكيل غبور فهو حرامى كبير ولا بد عمل محضر وشكوى وشوشرة اقتراح اتصلى بالتوكيل واخبريهم ان الموضوع اذا لم يتم حلة انك سوف تخبرى كل القصة الى برامج التوك الشو مثل القاهرة اليوم مثلا واخير الله المستهان على قضاء الحوائج |
رد: هام جدا مشكلة في الاكسنت الاوتوماتيك
اقتباس:
وعاوزين واحد يعرف يتعامل معاهم انت فاكرة كلمة لو سمحتوا ومن فضلكم والكلام الحنين دة ينفع مع توكيل غبور اعمللى اللى اخبرتك بية وريحى نفسك من وجع الدماغ |
رد: هام جدا مشكلة في الاكسنت الاوتوماتيك
ما الجديد ؟؟؟؟؟؟؟؟؟؟؟؟؟؟؟؟
|
رد: هام جدا مشكلة في الاكسنت الاوتوماتيك
اخى الكريم مش تسكتى على الموضوع ده
انتى عندك مشكله فى الفتيس او حساس الفتيس الحقى نفسك وتابع التوكيل واعملهم وجع دماغ الى بتقول عليه ده مستحيل يحصل فى الاتوماتيك حتى لو فى منزل شارع انها تريح لقدام لو انت نازل من جبل بقى مش من ميلان شارع وكمان الصوت العالى لما تلقط ده عيب فتيس شوفى زيت الفتيس ممكن يكون ناقص الحقى نفسك قبل ما يشيلوكى فتيس جديد ومهندسين مين الى ركبوها ده كله مسكنات وتلين ايه انتى راكبه عربيه كرو ووو دول بيسكنوكى على ما تخلع من الضمان روحى التوكيل واعملى فضيحه وقليلهم مش هخدها الا لما تتصلح الفتيس عندك فيه مشكله ده كلام نهائى حسبى الله ونعم الوكيل فى غبور |
رد: هام جدا مشكلة في الاكسنت الاوتوماتيك
د / هبة
انا عربتي نفس عربيتك اوتو نفس الموديل الموضوع ده ميقلقش خالص وبسيط جدا جدا كل المطلوب منك كا لاتي : العربية تعمل 3000 وتجيبي بيها من 140 ل 160 بي كيك دون على الدواسة للاخر بعد كده هتقفي وهتجربي ال R الهدف اننا نسخن بس زيت الفتيس لو لا قدر الله المشكلة متحلتش اعملي حسابك ان ليك ضمان على الفتيس والمكنة لحد 100000 هتخدي هتخدي طول ما بتعمل الصيانة في معدها وليكي لحد 60000 ضمان على العفشة ضد عيوب التصنيع مش الحوادث طبعا لا قدر الله البطرية سنة ملهاش علاقة بالكيلو متر خالص حتلى لو في سنة عملتي 200000 ليكي ضمان سنة ع البطرية الكهربا 60000 وحنا لسه بنقول ياهادي وحقك هتخدي هتخدي ومن الاخر كده المهندس يكتبلك في الجوب فحص نظام الفتيس كامل من العصايا لحد اخرة صامولة في ولو بقى المشكلة متحلتش انا مستعد اجي التوكيل وسعتها بقى لكل حادث حديث دول اصلي بعزهم اوي |
رد: هام جدا مشكلة في الاكسنت الاوتوماتيك
متشكرة جدا استاذ matars
بس يعني قصدك اخليه يعمل حاجه اسمها فحص فتيس كامل ويكتبة بنود في مستند عندهم مثلا؟ ويديني نسخة؟ ولا اية انا اصلا اخدت معاد وهجرب موضوع ال140 دة وانا رايحالهم لانها عدت ال3 الاف وهنشوف اية اللي يحصل كلاكيت 3 مرة وربنا ييسر الامور |
| الساعة الآن 02:00 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017