|
رد: طلب مساعدة عاجلة من المهندس سمير عياد و باقى الاخوة
ازاى اقدر اختبر البوابة يا هندسة و كان فى ملحوظة مش المفروض ان و العربية و اقفة يعنى وضع السلانسية يكون المسئول عن ادخال الهواء هو الايدل و ليس البوابة و ايه تفسير حضرتك ان لما ادوس اكسراتير و ارفع لفات الموتور و انا واقف و اسيب الدواسة فجأة الاقى العربية تبطل و فى الفترة و العربية باردة لو جيت احمل على دواسة البنزين بالاقى العربية مبرجلة و ال RPM يوطى و بعدين يعلى تانى و كأن العربية بتنتش
بالنسبة لنوع البوجيهات هى NGK اتنين شمعة بتاعة الليجانزا و غيرتها من حوالى 300 كم و قبلها كنت مغير برده البواجى للاحتياط و مكتش عاملة 1000 كم بالنسبة لاسئلة حضرتك فانا سعيد بيها و باهتمام حضرتك و ارجو انى اوفق بمساعدة حضرتك فى ايجاد حل للمشاكل التى تواجهنى جزاك الله خيرا على مساعدة الناس و اعانك عى فعل الخير |
رد: طلب مساعدة عاجلة من المهندس سمير عياد و باقى الاخوة
اقتباس:
حل خرطوم الهواء إللى جايلها من فلتر الهواء وراكب على زورها بأفيز وشوفها قافله كويس ولا لا وممكن أيضا تختبر حمل أكس قرص البوابه من خلال تحريك بكرة الأكسراتير مره صباحا وهى بارده ومره بعد مشوار ( أى وضع ساخن ) المفروض لو الأكس مفيهوش ملحوظه يبقى الوضع ثابت ( زى بعضه ) اقتباس:
اقتباس:
هل بعد الدواره مباشرة وهى بارده ................؟ اقتباس:
لأنك كده بتتدخل فى شغل الكمبيوتر هو ماشى فى أتجاه وبيتحكم فى فتحة بلف الأيدل ( حسب ماهعو شايف حمل المكنه والعربيه بارده ) وأنت بدوسك على الدواسه بتبوظ شغله وبدخل هواء تانى أضافى عبر البوابه ومن هنا بيضعف الخليط وطبيعى تتوقف المكنه لأن أحنا لسه فى فترة بناء الحمل اقتباس:
ونصل للسبب بفضل الله |
رد: طلب مساعدة عاجلة من المهندس سمير عياد و باقى الاخوة
بالنسبة لدوس دواسة الاكسراتير فأنا مابعملهاش لحظة الدوارة بل بدور العربية عادى على المور و بسيبها دقيقتين و بعدين ادوس الاكسراتير و زى ما ذكرت لحضرتك لما ادوس اكسراتير و ارفع لفات الموتور و انا واقف و اسيب الدواسة فجأة الاقى العربية تبطل و الكلام ده و العربية باردة و بشعر بضعف الاستجابة لحركة الدواسة و برده لو مشيت بالعربية فى الوقت ده وهديت تقوم مبطلة
اما لو وصلت لحرارة التشغيل وضع البرجلة ده بيبقى غير موجود و الامور بتبقى كويسة |
رد: طلب مساعدة عاجلة من المهندس سمير عياد و باقى الاخوة
طيب شوف وقارن
من خلال الحس اليدوى لقوة أكس البوابه مع الوضع البارد والوضع الساخن وبرضه أبقى أطمن على وضعها ( منوره وفاتحه قليلا ولا لا وأنت بدور صباحا ) ماهو يا العيب البوابه ..........أو ال TPS |
رد: طلب مساعدة عاجلة من المهندس سمير عياد و باقى الاخوة
تفتكر حضرتك انه ممكن يكون الـ TPS هو السبب انا ممكن اجيب واحد استيراد على التجربة بس كان ليه استفسار هل فكه و تركيبه سهل و لا محتاج فنى
|
رد: طلب مساعدة عاجلة من المهندس سمير عياد و باقى الاخوة
ممكن جدا يكون هو السبب
وتركيبه سهل جدا أهم شىء وأنت بتفصله من على أكس البوابه تخللى بالك من منظره من عند نهاية الأكس ( لحظة الفصل ) وتركب البديل على نفس زاوية اللى أنت حليته لأن تركيبه الهندسى ونظرية تشغيله بيعتمد على نقطة التركيب جدا ________________ لأنه ببساطه شديده من جواه عامل شبه مفتاح الفوليوم ( الصوت بتاع زمان ) وزاوية تركيبه هى إللى بتحدد مقدار الأستقطاع من مقاومه ثابته بيتحرك عليها نقطة أستقطاع مقاومات على أساس بيتم تغيير قيمة المقاومه الثابته ومن ثم أشارة الحساس أعتمادا على حركة النقطه الثابته ( زراع متحرك متصل بنهاية أكس البوابه ) والنظريه دى الخاصه بأستقطاع المقاومات بتسمى فى الهندسه الكهربيه بنظرية البوتنشيومتر _____________________ ححاول أبينلك تشريحه الهندسى من الداخل لتوضيح ما أعنيه بس أدينى فرصه للأيضاح |
رد: طلب مساعدة عاجلة من المهندس سمير عياد و باقى الاخوة
http://i728.photobucket.com/albums/w...titled-149.jpg
دى صورة بوتنشيومتر أبسط أنواع حساسات ال tps نظرية عمل الحساس بتعتمد أولا وأخيرا على نظريه كهروميكانيكيه تسمى نظرية البوتنشيومتر ببساطه شديده زراع متحرك داخل الحساس ( أى زراع البوتنشيومتر ) على أتصال بنهاية أكس البوابه كل ماتتحرك البوابه مع ضغط السائق على الأكسراتير بيتحرك الزراع المتحرك للبوتنشيومتر على مقاومه ثابته خاصه بالبوتنشيومتر وحركة الزراع المتحرك بتقلل أو تزود قيمة المقاومه الثابته ( حسب مكان نقطة أرتكاز الزراع المتحرك على المقاومه الثابته ) وده هى الحته إللى بنشبهها لمفتاح الراديو بتاع زمان بالطبع حينما تتغير المقاومه الثابته ستتغير قيمة ال فولت إللى داخله للحساس من وحدة التحكم فى صورة أشاره أقل من 5 فولت أعتمادا على وضع قرص البوابه وضغطة السائق على دواسة البنزين لو نلاحظ حساسات ال tps بيطلق عليها أيضا حساسات الوضع position sensors لأنها بالفعل بتحدد وضع البوابه ( مفتوحه أد أيه ) أذا أنا لم أخطأ حينما أطلقت على حساس ال tps أنه عين وحدة التحكم إللى بتشوف لوحدة التحكم البوابه مفتوحه أد أيه لكى تقوم الوحده بعمل حساباتها فى تحديد فترة ضخ البنزين من خلال الرشاشات إللى بنسميها نبضة الحقن أو مقدار الفتره الزمنيه لفتح الرشاشات طبعا بيتم تحديد مقدار نبضة الحقن أعتمادا على أشارة الحساس ده مع حساسات أخرى ليها دور فى أحتساب نبضة الحقن pulse widith |
| الساعة الآن 05:19 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017