مصر موتورز مجتمع السيارات - مواصفات العربيات الصيني في مصر

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - مواصفات العربيات الصيني في مصر (https://www.masrmotors.com/vb/showthread.php?t=13474)

رد: مواصفات العربيات الصيني في مصر

اقتباس:

المشاركة الأصلية كتبت بواسطة AboNoRa (المشاركة 80127)

التكنولوجيا القديمة وخاصة لما تكون تسعينيات او 2000 متبقاش قديمة جداً وتعتبر ميزة لناس كتير يهمهم ان التكنولوجيا تكون اعتمادية اكتر وسهل اصلاحها

لكن الواقع فعلاً فى اغلب السيارات انها بتستخدم تكنولوجيا يابانية تعود لخمس الى 10 سنوات بالكتير يعنى تكنولوجيا 2000 مش تسعينات

بالنسبة للخامات فى الغالب مبتختلفش كتير عن الكورى فى نفس الفئة او الهندى او الايرانى او الماليزى

بالنسبة للشاسيهات مش عيب ابدا انها تكون متاخدة من اليابانى واليابانى بياخد من الامريكانى وكله بياخد من كله اصلا عادى

المحركات منقدرش نعمم انها عمرها قصير لان اغلب العربيات الصينى اللى انتشرت فعلا فى السوق لسه معديتش عشر سنين علشان نشوف شكلها وحاله مواتيرها ايه

بالنسبة للعفشة معاك جدا بس مش علشان تقليد بس علشان فعلا كل العربيات الصينى اللى ركبتها بلاقى عفشتها ناشفة زيادة عن اللزوم وبدون مقابل فى الاداء الرياضى والتوازن على السرعات العالية
وده فى ظنى راجع لاكثر من عامل منها نوعيات الكاوتش الستوك واداء نظام التوجية وعلو العربيات عن الارض

واخيرا موضوع قطع الغيار ده موضوع اقتصادى بحت لان العربية لما بتنتشر قطع الغيار بتتوفر اكتر وبتبقى موجودة بره التوكيل وسعرها بينزل وفعلا شوفت فى المنتدى تجار كتير بيعلنو عن انهم بيستوردو قطع غيار للسيارات الصينى باسعار منافسة
لكن حتى الان مازلت شايف ان اسعار قطع الغيار زيادة عن الازم خاصة فى سيارات الفئة الاقتصادية

اجمالاً الصينى حل اقتصادى بالنسبة لناس كتير وهتفضل ناس تشتريه والصينين بيتطورا يوم بعد يوم

احنا اشترينا الكيا برايد فى سنة 96 ب 25 الف جنية وكانت ساعتها العربيات اللى فى نفس الفئة سعرها قدها مرة ونص ومرتين وانا اول واحد كنت قرفان منها جداً وكنت شايف زى كل الناس ساعتها انها عربيات ورق وكانت العربية كلها تصميم شارياه كيا من مازدا بالظبط زى ما كل الشركات الصينى بتبداء دلوقتى

ودلوقتى بعد 12 سنة العربية اثبتت كفائة وتمنها فيها وزيادة وقطع غيارها منتشرة وسعرها اوفر من كل العربيات اللى فى نفس الفئة

فمتسبعدش ان الصينين يكررو نفس تجربة الكورى اللى كانت قبل كده نفس تجربة اليابانى

والله برافو عليك ، عندك حق ، رد ممتاز ومنطقي جدا وواقعي .
د / خالدptmnlo123per154

رد: مواصفات العربيات الصيني في مصر

أنا مع صاحب الموضوع تماما ولاكن يجب أن يعلم أن كل هذة العيوب تعتبر مقبولة لانها مازالت البداية للصينين واحب ان أقول لة أنتظر السيارات الصينى بعد عشر سنيين

رد: مواصفات العربيات الصيني في مصر

كل فئة و لها عربيتها و الصين بتتعلم من أخطائها بسرعة جدا و بتطور انتاجها
و بعدين كل حاجة في السوق صيني و ماحدش قال حاجة اشمعني العربيات ؟؟

رد: مواصفات العربيات الصيني في مصر

الاخ برو مادا يارين زي ما عددت لنا عيوب الصيني ياريت تعد لنا عيوب غير الصيني والعيوب كثيره يا اخي قبل ما تحكم على شيئ جربه وسيبك من السمع الياباني الكوري اول ماطلع قالو عليه كلامك ده وسوف ياتي يوم لن تستطيع شراء الصيني وان باتحدي اللي يتكلم على الصيني لاني جربت غيره وحاليا عندي بدل السياره اكثر من واحده وكل حاجه عندي صيني حتى التليفون

رد: مواصفات العربيات الصيني في مصر

كلام قاسى وعارى من الصحة والتجربة خير برهان
انا معايا A516 والله عربية محترمة مقارنة بالدايو والفيرنا واخرى فى نفس الفئة
عربية قوية وتكييف وسحب ممتاز وقطع غير رخيصة صينى للصينى وليس صينى للالمانى ولا لليابانى مع ان كل حاجة اصبحت صينى
والفشة كلها ميتسوبيشى ( مساعدين ومقصات وخلافه )
المهم لو قالوا ان العربية دى امريكى وشالوا علامة الصينى مش حيلاحقوا على المبيعات بتاعتها
لو نفتكر اول ما نزلت الدايو فى اواخر التسعينيات كنا بنقول علي ايلى بيشتريها ايه
المهم انها بلد منظرة
وكلام على بطال ممكن تلاقى ايلى بيتكلم على اى عربية وبيفتى عمره ما داس على دواسة البنزين
وكله ماشى
ورمضان كريم