رد: يوميات نوبيرتي ...
 

جزاك الله خيرااا ,,, يبقي ان شاء الله اولي خطواتي قبل دخول الصيف هي مشمع ليها .
نفس رأيي طالما لم تنزل بيه فمبحبش اضيف من عندي .,. طيب رأي حضرتك و هل هي موجوده و ناس ركبتها في عربياتها العددات البلازما .؟. انا الحمد لله اضاءه العدادات ممتازه و كل العدادات الحمد لله شغاله و غنياني بس للمعرفه بالشيء .

و كمان استفسار .؟؟؟.
مثلا مؤشر البنزين في النص او تحت النص و اروح امون و افول للاخر بس اول لما ادور و اطلع المؤشر مبيردش للاعلي عالطول ( زي ما كان بيحصل في الدبابه ) بس لما امشي بتاع 200 - 300 متر بلاقي المؤشر بيرفع شويه بشويه لحد ما يوصل للاخر .؟. هل كدا طبيعي و عادي و لا .؟. و هل ده بسبب عوامه البنزين .؟. هي مش ضراني في حاجه و الحمد لله تمام بس للمعرفه بالشيء .
و دي صوره المحرك .,. عشان معلش استحملوني عايز اعرف كل قطعه و كيفيه و متي صيانتها , انا لسه من اسبوعين ظابط دوره التبريد و عندي مروحتين و بابص يوميا علي المياه الخضراء .
http://i57.tinypic.com/15pk1gy.jpg

رد: يوميات نوبيرتي ...
 

بالنسبة لعداد البنزين فعلاً بيتحرك ببطأ وده مش عيب فى العوامه ولا حاجه
طب جرب تمون والعربية دايرة هاتلاقى العداد بيطلع ببطأ
بالنسبة لأبانوس التابلوه ده بينزل فى العربيات الأوتوماتيك فقط ومعرفش فيه منه إستيكر بنفس اللون ولا لأ
بالنسبة لمكونات الموتور هايفيدك فيها مستر أسترا لأنه خبير بالنواحى الميكانيكية مش زى حالاتنا الدركسيون وبس !!!!!!!!!!!!ههههههههههههه هه

رد: يوميات نوبيرتي ...
 

ربنا يكرمك يا بشمهندس و شكرااا لافاده حضرتك .,. و شكرااا لتطميني من حكايه العوامه .
موضوع الابانوس بصراحه مبحبش العب كتير في حاجه نازله كدا من مصنعها و احمد السواق معايا بيقلي اعملهولك نيكل بيلمع لو تحب و رفضت اي اضافات او لعب اكسسورات في التابلوه طالما شغال جيدااا و بيديني المعلومات اللي عايزه و انا سايق .

سؤال جه في بالي .,. انا بانقل تبعا لاحساسي و ودني مع صوت الماتور بس لما بالمح عداد الار بم ام بيبقي بكتيره جايب 4 او 5 .؟. فهل ده طبيعي و لا اقرص سنه علي المكنه .؟.

رد: يوميات نوبيرتي ...
 

4 و 5 ار بى ام كتير شوية
عارف لية يا دكتور
عشان حضرتك بتركب العربية النقل كتير وبتنقل زى ما بتنقل فى العربية الديماكس يعنى لما صوت الموتور بيعلى
كدة كتير بصراحة
حاول تنقل على 3 ار بى ام عدا الغيار الاول انقل على 2 مثلا
او بمجرد تحرك العربية
بالنسبة لصورة الموتور فى حاجة معينة عاوز تعرفها او تستفسر عنها ؟؟
هو بس عاوز اعيد على حضرتك موضوع الزيت مهم اوى عشان الهد بتاع النوبيرا حساس اوى فعاوزين نحافظ علية
يا ريت تبقى تغير زيت بزيت تخليقى مستورد

رد: يوميات نوبيرتي ...
 

الف مبروك يا دكتور ربنا يباركلك فيها ويكفيك شرها
التبلوة والصالون يتعمله كار كير كامل ومن غير مياة بخار وجاف فقط وتلميع وتشميع
كاوتش الأبواب باسبراى سيليكون وكذلك الكاوتش من الجنب
واى حاجة فيها كاوتش او جلد او بلاستيك فيبر بأسبراى السيليكون يلمع ويحافظ

موضوع وش السلندر الهيد فعلا مهم بس هى العربية ماشيى اساسا من زمان بزيت تخليقى ولا لأ وعامله كام ألف كيلو ؟

4 و 5 ار بى ام ده كتير جدا جدا المفروض عشان تحافظ على الموتور أطول فترة ممكنة بتاخد النقلات على 3 او 4 بالكتير اوى لو غاوى قرص وغرز وشد بالعربية

وكذلك الديماكس معروف أصلا ان عدد لفات محركات البنزين بتكون أسرع نسبيا من الديزل وده فى بعض الموديلات فقط مينفعش بأى حال من الاحوال تقارنها مع النوبيرا

المهم اه نوع الزيت اللى مستر أسترا بيقول عليه ده ومنين لأن أغلبية الدايو والهيونداى بيحصل فيها المشكلة اللى بيقول عليها وعاوز أعرف ليه تخليقى ومتعبى برا

نصيحة بلاش تغيير فى شكل التبلوه اما موضوع العوامة ده طبيعى الفيرنا كدا واللانوس كدا الكلام ده عن تجربة


هتغير بقى فلاتر وزيوت امتى ؟:fun_36_3_11[1]:

رد: يوميات نوبيرتي ...
 

تام يا رجاله ربنا يباركلكم يا رب .
داخله علي 200 الف كيلو .
بصراحه زي ما قلت هو انا لسه مغير الزيت مفيش اسبوع و دي تاني مره اغيره بعد الشراء .,. بس للاسف نوعه دلوقتي معرفش فاسال اللي معايه عن نوعه و هاعرف صاحبها كان بيغير بايه بسؤاله .,. بس احمد ( سواق معايا ) مأكدلي انه نفس النوع و انه مينفعش لعب في تغير النوع من دماغه عشان المحرك اتعود عليه بس ممكن في الصيف نغير عشان اللزوجه .
و الف الف الف شكر للنصيحه بتغيير بين السرعات علي ار بي ام منخفض 1 ل 3 مع اني كنت فاهم العكس اني اغير لما يوصل لاخر المؤشر و بدايه العد بالاحمر زي نيد فور سبيد ,,, ههههههههه , غير فعلا اني مكنتش عارف الفروق بين الجاز و البنزين ( النص نقل مفيهوش عداد ار بي ام و بيعتمد النقل علي صوت المحرك و معروف التاني اخره كذا و تغير ) و النصيحه دي هتفرق في عمر المحرك كتيررررررررررر لو كنت استمريت علي سواقتي لاني كنت فاهم اني بالقرص كدا صح و انه ده كويس للمحرك .!!!. الف شكر يا رجاله .

طبعااااااااااااااا كل حاجه بس وحده وحده عشان انا جاهل في الموضوع ده و اسألتي و كلامي كتير و نظم الاسئله بشكل يومي عشان سيادتكم متزهقوش , هو انا عرفت شويه حاجات للان اهمها دوره التبريد و علبه الفيوزات بس سؤال هي البطاريه عندي مش مثبته .!!. هي ملهاش مسامير تتربط او حزام يمسكها , هي مش بتتحرك الا لو حاولت احركها بايدي .؟.

فعلا الدبابه سحبها بالنسبه للنوبيرا مفيش مقارنه بتاتا بين السولار و البنزين .,. بس سؤال برده فيه ملاكي زي بي ام بينزل جاز .؟. هل العربيات دي معالجه بحيث تعالج بطء سحب المحركات الجاز و ثانيا هو فيه محركات جاز اوتو .؟.
لسه الواد مغيرلها كل حاجه مفيش من شهر لحظه شراها ( فلاتر و زيت ) و غيرت زيت تاني قريب و هاعرف نوعه و نشوف ارائكم فيه و في تغير الزيت في الصيف و اللزوجه .؟.
فيه ملف منزله من علي الفيس خاص بالصيانات الدوريه بالنوبيرا بيقول تغير فلاتر علي 45 الف .!!!.
ملاحظه ,,, العربيه بتتحرك يوميا ميعديش ال 10 كيلو و ده مشواري 5 جي و 5 مروح و احيانا نادره لو سافرت بيها , مؤشر السخونيه ميلحقش يرفع و العربيه تقريبا عالطول برده .,. هو المفروض قبل ما اتحرك بيها اسخن و كدا .؟. عامه انا قبل ما ادور و علي كلام سي احمد تفتح الكونتاكت و قبل تكه الدوراه و تهس ثواني لتشغيل السخانات .؟. و بادور و انتظر بتاع 3-5 دقايق علي ما اطوق العربيه و المرايات و اتحرك لذلك كنت باقرص اعتقادا ان المحرك بيكون بارد .!!!.

رد: يوميات نوبيرتي ...
 

الملاكى زى البى امات والجولف بتبقى ديزل تربو
والتربو بيخلى سحب العربية أحسن من الملاكى كمان ده غير انه بيوفر فى الوقود
وعن طريق إعادة تدوير العادم بعد تبريده وإدخالة بسرعة لغرف الحريق فطبعا بيعطى عزم أكبر وتسارع بالإضافة ان محركات الديزل أصل العزم
الملاكى تربو ديزل - الميكروباصات معظمها تربو ديزل - المحركات العملاقة باصات شاحنات لوادر حفارات إلخ

شروط الإتحاد الأوروبى عشان العوادم سبب دخول التربو فى الملاكى الديزل

ترموستات الكوعة يباشا هو اللى بيخلى الحرارة متعلاش وده كارثة لازم تشغله واكيد استاز محمد هيأكد على كلامى

بنفتح الكونتاك 3 سوانى قبل دوارة العربية الكمبيوتر يعمل تشيك
وطرنبة البنزين تحضر لمسطرة الرشاشات

200000 كتير اوى خللى بالك وماتقرصش عليها

قاعدة البطارية لها قفيز من تحت بيثبتها ولازم تتغير بواحدة استيراد او تخلى سمكرى يظبط واحدة زيها
بعد كدا تتدهن زيت وشحم او تترش اسبراى لو بطارية جافة
ربنا يباركلك فيها يا دكتور نوح