رد: الفتيس هيجنني ارجوكم افيدوني
 

السلام عليكم.
والله يا اخوانا انى مش عارف اعمل ايه تاني. الكهربائي راجع الصفيرة كلها ونضف الفيش كلها والعربية زي ما هيا. كمان جربنا اكتر من كنترول فتيس ونفس المشكله.
سؤال بقي مهم هل كمبيوتر الموتور ممكن يكون ليه علاقة بالموضوع اصل العربية عندي 2 كمبيوتر منفصلين واحد للموتور والتاني للفتيس. احنا كده جربنا كل حاجة ما عدا كمبيوتر الموتور . هل ممكن يكون هو السبب؟ ايه رأيكم اجرب واحد تاني استيراد واشوف والا اعمل ايه؟

رد: الفتيس هيجنني ارجوكم افيدوني
 

معلش الوقت متأخر بس هقول لحضرتك حاجة الحل ان شاء الله بسيط جدا ومش محتاج الحاجات دي كلها وان شاء الله مش هتغير كنترول ولا تغير فتيس ولا تغير حتي كنترول موتور
حضرتك روح لحد يكون كويس خليه يغير لحضرتك
parking position switch
والمفروض اللي حضرتك رحتلهم كانوا يعرفوا مادام العربية بتعلق علي الغيار الثالث
نسألكم الدعاء
والله العظيم اعلي واعلم

رد: الفتيس هيجنني ارجوكم افيدوني
 

مهندس روميو . شكرا لحضرتك.
ممكن لو سمحت توضيح فين مكان parking position switch وكمان توضيح السويتش ده بيعمل ايه بالضبط.
شكرا.

رد: الفتيس هيجنني ارجوكم افيدوني
 

اخوانا الكرام ..
متشكر جدا لكل من حاول المساعدة، المشكله اتحلت الحمد لله في مركز تكنووان & تكنوبوش. المشكلة لم تكن في منظومة الفتيس بالمرة المشكله باختصار كانت بالموتور، كان مخنوق جدا بسبب كتم وشرخ بالفرن وعلبة البيئة كان مكتف الموتور، بمجرد ما تم تغير الفرن وشوية شغل للموتور من بوحيهات وفلاتر العربية انطلقت ونقلات الفتيس تمام والحمد لله،
شكرا للمهندس أحمد الشحات مدير مركز تكنووان علي انهاء مشكلتي اللي عذبتي 3 شهور ومصاريف بالكوم.
شكرا لكل من حاول المساعده.

رد: الفتيس هيجنني ارجوكم افيدوني
 

الحمد لله
و شكرا لنقل تجربة الحل

رد: الفتيس هيجنني ارجوكم افيدوني
 

الف مبروك لو سمحت ارجوك فين عنوان هذا المركز بالتفصيل...لان عندي نفس المشكلة ...انت كده غيرت الفرن مع علبة البيئة لان الاثنين لازقين في بعض ....هيونداي افانتي كوري...واتكلفت كام

رد: الفتيس هيجنني ارجوكم افيدوني
 

بمنتهي الصراحة انا حاولت افسر الموضوع بطريقة علمية شوية لكن انا مقدرتش اربط بين طلوع السيارة علي الثالث وبين الشكمان او علبه البيئة او البوجيهات ياريت صاحب العربية يفسر لنا الموضوع دا
الحل الوحيد ان العربية بتطلع علي الاول لكن كتمة الشكمان مبتخليش فيه بور او برجلة العربية لكن مش الثالث كل ما تم عمله لا يعطي اوردر للكومبيوتر يطلع العربية علي الثالث
وفيه تفسير تاني ان العربية كانت سيف مود بس لازم حساس الاكسجين يظهر معايا علي طول عند الفحص - لو حد عنده تفسير اخر ياريت يقول.


والله اعلي واعلم