رد: ارجو الدخول والمساعدة فى مؤشر rpm
 

سلام عليكم

عربيتك مش ايديل ليرن عموما الايديل ليرن بيتعمل ( كونتاكت بدون ما تدور - بعدين كوناتكت بدون ما تدور - تدور على المور و تطفى كل احمال الكهرباء لمدة 5 دقائق )

مشكلتك فى حاجه من اتنين يا اما مشكلة شكلية و دية ان العداد بيعلى و بيوطى بدون ما صوت المكنة يتغير و ده هتلاقى مشكلة فى البرمجة حد يظبهالك يكون بيفهم

العداد بيعلى لكن الموتور مش بيجرى كويس و تحسه واطى ده مشكلة فى الارضى بتكون لايك جراوند - اما ان قطاش الأرضى محتاج نضافه و صنفره كويس او ارضى الموتور مش واصل كويس او ارضى الدينامو مهزوز او فاصل

العداد بيعلى و بيوطى مع تغير غريب فى صوت الموتور كده المشكلة هتكون يا اما ان الايديال مش مربوط كويس او اى جزء فى تعلية و توطية الموتور مش مربوط كويس او ان الايديال خلاص باظ

العداد بيعلى و يوطى مع رجه فى الموتور و ده معناه ان الاحمال الكهربية بتشارك الموتور فى التغذية الكهربية بتاعته بشكل يؤثر على انتظام عمله و هنا لو البطارية سليمة و الدينامو سليم لازم تراجع دايرة الايجنيشن كلها و طبعا تنضف البوجيهات كويس

الله اعلم

رد: ارجو الدخول والمساعدة فى مؤشر rpm
 

لا الموضوع مش السير ممكن يكون الكاتوت بيدي كهرباء ذيادة
وتقدر تختبر الايدل عن طريق فصل الفيشة وتركبها تاني وتشوف فيه تاثير علي الا ار بر ام ولا لا

رد: ارجو الدخول والمساعدة فى مؤشر rpm
 

ما انا عملت كدة وشلت الفيشة طلع المؤشر على 1400 لفة وصوت الماتور عالى جدا نظرا لعلو السلانسية ولما ركبت الفيشة العداد نزل شوية لحد 750 لفة بس الغريب زى ما قلت انى جربت بعد ما ركنت انهاردة لقت الدنيا مظبوطة ولما اولع النور والتكييف ولا بيحصل اى حاجة قمت قافل وطالع عشان كدة خمت فى البلف وربنا يسهل شكرا على متابعتك وبارك الله فيك

رد: ارجو الدخول والمساعدة فى مؤشر rpm
 

اهو دا اللى بيحصل تماما معايا بس العداد بينزل ويطلع حاجة بسيطة 100 لفة مثلا وفعلا رجة خفيفة جدا لو مش مركز متحسهاش خالص الا اللى عارف عربيتة

بس حاجة كمان لما النور يشتغل مع التكييف العداد بينزل سنة بسيطة جدا لازم تركز فيها ومبيطلع مكانة الا لما اطفى النور وكانى فى رعشة بسيطة متحشهاش على السلانسية الا مع التركيز

ملحوظة العربية سحبها كويس استهلاكها كبير شوية فى البنزين مغيرلها فلاتر وزيت من اسبوع فى التوكيل وصيانة شاملة وقلتلة حطها على الاسكنر قالى هتدفع 150 جنية زيادة فقلت لاة بلاش منة
تعبتكم معايا جدا وبجد انتم بتحسسونى انى بتكلم مع اخواتى وواقفين معايا فى المشكلة ولا اجدع توكيل بارك الله فيكم

رد: ارجو الدخول والمساعدة فى مؤشر rpm
 

يبقى كده بسيطة يا ريس هتلاقى المشكلة فى دايرة الاجنيشن كونديسر تعبان شويه بوجيه محتاج نضافه سيركت مسقطه ريجيلاتور بسيطة ان شاء الله روح بس لحد بيهفم مش بيفتى

بالتوفيق

رد: ارجو الدخول والمساعدة فى مؤشر rpm
 

فى عربية ممكن تعمل صفر كم فى الصفيحة و تبقى طبيعية 100 % ............ تدور العربية و تفضل واقف

طبعا وصفك لطبيعة المشاوير يؤكدلى ان استهلاك البنزين فى عربيتك طبيعى و متشكش فيه و حلو جدا كمان

رد: ارجو الدخول والمساعدة فى مؤشر rpm
 

انا فكرت فى كدة وجبت منظف انجكشن وهاخدها طريق سريع وهطلع البوجيهات ابص عليها بس انا شاكك بنسبة 75% انة صمام الايدل بصراحة لو استمر الامر على كدة بعد تنظيف الانجكشن وتغيير البوجيهات هسيب الموضوع لانة مش ماثر معايا فى حاجة حاليا وهصبر شوية على الموضوع لحد ما اشوف واحد زميلى يدينى الصمام اجربة وهسيبها على الله بدل ما حد يلعب فيها يخريبها
عموما هنقل اللى حصل معايا عسى حد يستفاد ولكن المووضوع هياخد شوية وقت على ما اشكل الموضوع والمشكلة تامة دا لو عرفت السبب وشكرا على المساعدة