مصر موتورز مجتمع السيارات - اساليب القياده المستفزه فى 2012 يا رييت نعالجها سوا

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

رد: اساليب القياده المستفزه فى 2012 يا رييت نعالجها سوا

حاول تنزل على الشغل من بدرى عشان ميكونش الطريق زحمة وبالتالى أعصابك تكون هادية :Bravo:

رد: اساليب القياده المستفزه فى 2012 يا رييت نعالجها سوا

انا بالنسبه للسواقه عموما

انا حديث السواقه الى حد ما يعنى بقالى اقل من سنه بسوق
وكان عندى والله قيم جميلة جدا بس للاسف الناس اللى خليتى اعمل زيهم
مثالا كان عادى جدا ان اى حد يركن قدام العمارة اللى ساكن فيها وانا مش بتكلم ولا بقوله حاجه بس مثالا لو قيت عمارة الراجل اللى راكن تحت عمارتك فاضيه فيوم من الايام ورحت تركن هناك حاجه من الاتنين يحصلوا ياما البواب يقولك لا متركنش وانت تيجى تقوله ياعم ما الناس بتوعكوا بيركنوا عندنا يقولك ماليش دعوه يأما لو عرفت تركن تلاقى اللى كان بيركن تحت عمارتك يصحيك حتى لو كانت الساعه 1 بليل ويقولك شيل عربيتك
فبقيت اعامل الناس بالمثل تماما لغاية مبقاش حد يركن تحت عمارتى ولو حد ركن بروح اجيبه من الحته اللى هو قاعد فيها والحمد لله بقيت الاقى مكان تحت البيت على طووول مش زى الاول كنت الاقى الناس راكنين بعيد واقول عادى انا اللى اركن بعيد والعربيه يتسرق منها حاجات

ده اول شىء

ثانى شىء بالنسبه للسواقه

بقيت بعمل فيها عبيط بمعنى اللى يزمر يزمر واللى يشتم يشتم واللى عاوز يعمل اى حاجه يعملها لان اللى بيزمرلك وراك ده بنسبه 99% بيبقى شايف الشارع كله واقف وبردوا يفضل يزمر ولو سعتله يجى مكانك ويرجعك وراه وميتحركش تيجى تزمرله يشوحلك بايده فلقيت ان افضل حل هو انى ماليش دعوه بالعالم الخارجيه نهايا ولو كنت فى ايام شتا بقفل الازاز بتاع العربيه عليا وبشغل التسجيل وعيش مع نفسى ده افضل حل لان الواحد لسه صغير على الضغط وتعب الاعصاب
MADMADMAD

رد: اساليب القياده المستفزه فى 2012 يا رييت نعالجها سوا

اقتباس:

المشاركة الأصلية كتبت بواسطة sayed2077 (المشاركة 662363)

ثانى شىء بالنسبه للسواقه

بقيت بعمل فيها عبيط بمعنى اللى يزمر يزمر واللى يشتم يشتم واللى عاوز يعمل اى حاجه يعملها لان اللى بيزمرلك وراك ده بنسبه 99% بيبقى شايف الشارع كله واقف وبردوا يفضل يزمر ولو سعتله يجى مكانك ويرجعك وراه وميتحركش تيجى تزمرله يشوحلك بايده فلقيت ان افضل حل هو انى ماليش دعوه بالعالم الخارجيه نهايا ولو كنت فى ايام شتا بقفل الازاز بتاع العربيه عليا وبشغل التسجيل وعيش مع نفسى ده افضل حل لان الواحد لسه صغير على الضغط وتعب الاعصاب
MADMADMAD

أهو ده أجمد حاجة والله أنا بعملها دائما وبرتاح وبسيبه لما ينفلق طالما أنا مغلطش يعنى أنا من طبعى طول ما أنا ماشة بسرعة هادية والظروف تسمح أقف لحد بقفله عشان يعدى الطريق وينفلق اللى يزمر طالما أنا صح وبرضى ربنا وبرضه لو فى حد كسر عليا أو عمل اى حاجة غبية طلاما العربية سليمة وربنا ستر مبتكلمش لدرجة إن اللى بيبقى راكب معايا يقعد يحرق فى دمه وينكت فى نفسه وأنا مكبر دماغى المرة الوحيدة اللى إتنرفزت فيها كانت العربية عطلانة وكمان فى مدينة غير مدينتى ومعرفش حد فيها والعملية بايظ معايه لابعد حد والناس الجدعان كانوا بيعرضوا المساعدة خصوصا إنى كنت واقف فى إشارة ومعطل الطريق نسبيا جت واحدة هانم ووقفت ورايا وشيفانى مشغل الإشارة وفاتح الكبوت وقعدت ماسكة الكلاكس وتزمر بدون ما تفصل انا فضلت مطنش خالص وبعدين شوية ورحت قولت العربية عطلانة وفى وشى إبتسامة كبيرة وعريضة والجو كان حر جدا يومها لقيت الهانم بتشوح بأديها وبرضه رجعت تزمر والمشكلة إنها باين بتشتم لأن هى قاعدة فى التكييف وقافلة الإزاز وأنا مش سامع حاجة روحت مرزع على العربية بتاعتى وقولتلها أم العربية عطلانة ورحت مرزع على عربيتها وقلتلها يلا إمشى من هنا يا هانم فى ثوانى إختفت من المنطقة سوق تاكسى حاضر الموقف قعد يضحك ويقولى ولا يهمك يا باشا هما كده الحريم فى أى حته بس فعلا أنا غالبا بكون بارد ورايق :0959C9~155: عشان بس الواحد فعلا لسه صغير على حرقة الدم والنرفزة

الخلاصة كبر دماغك بدون ما تكون غلطان تعيش مرتاح:balloons71:

رد: اساليب القياده المستفزه فى 2012 يا رييت نعالجها سوا

السلام عليكم

القيادة زوق وفن وأخلاق الشعار ده مستخدم في الخارج ياريت يستعمل في مصر وأحنا نرتاح
والله المستعان

رد: اساليب القياده المستفزه فى 2012 يا رييت نعالجها سوا

انا علشان مش عاوز اخد سيئات بسبب السواقه
بقيت اوقات كتير بسيب العربيه و اسافر او حتي انزل من غيرها علشان حرق الدم
اللي الواحد بيشوفه من اشباه السواقين اللي بيبقوا في الشارع
بجد حسبي الله و نعم الوكيل
لا ذوق ولا ادب ولا اخلاق