العودة   مصر موتورز مجتمع السيارات > منتديات السيارات العامة > القيادة فن و ذوق

القيادة فن و ذوق كل ما يتعلق بفن قيادة السيارات


موضوعات متميزة

إضافة رد
 
أدوات الموضوع
  #1  
قديم 18-04-2012, 04:58 AM
الصورة الرمزية Felefel Ahmed
Felefel Ahmed Felefel Ahmed غير متواجد حالياً
من انا؟: 18 سنه عربيات
التخصص العملى: Senior Supply Chain Manager, now Project Manager
هواياتي: سيارات , صيد, غطس , PS , سفر ,كره سله سابقا
 
تاريخ التسجيل: Dec 2011
الموقع: Cairo, Alex
المشاركات: 291
Felefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond reputeFelefel Ahmed has a reputation beyond repute
افتراضي اساليب القياده المستفزه فى 2012 يا رييت نعالجها سوا

السلام عليكم
مش عارف ليه 2012 بقيت بتخانق كتير مع سائقى الملاكي او مش بشوف 2 متر من غير لازم سواق .......... (ديه شتيمه بس هدين)
مثلا
- كل الملفات (يو ترن) لازم تلاقى عربيه بتلف من نص الطريق!! يعنى يمسك الحاره أللي فى النص و يلف شمال برااااااحه جدا (متمسك شمال وتلف برحتك وسيب الطريق في حاله)

- لما يكون الطريق اتجاهين و واقف ومفيش جزيره فى النص
فى ثوانى تلاقى الطريق كله اتجاه واحد وطبعا الزحمه تزيد (أللي جاي فى المقابل فى عربيات سديت طريقه ) وبدل زحام 10 دقائق يبقي ساعتين
امبارح كنت راجع من الغردقه وعند السخنه كانت بجد مهزله عربيات بكافه انواعها وسائقين من كافه الأعمار والمستويات مشيين عكسي وطبعا الطريق قفل قفله سودا من النحيتين (تقريبا 3 ساعات فى 10 كيلو)
وتتكلم مع حد يبوصلك اكنك بتقول كلام غريب (يعنى ايه امشي مظوط) احنا فى زمن الفهلوه

طبعا موضوع ان حد ينتقل من حاره الي حاره بأشاره خلاص بقى شئ نادر جدا (كل الناس وخداها دراع)

اوحش شي ايضا لما واحد يكون طالع من جانبى والطريق ماشى براحه (يعنى 20 أو 40) وألي ماسك الحاره اليمين شايفه من بدري وممكن يفرمل (بس لآ) يعنى ايه انا افرمله يقوم رامي شمال علي ألي جنبه وألي جنبه يرمي علي أللي جنبه (هبل) طبعا الطريق بيتعطل أكتر ده غير ان نسبه حدوث حادث بتزيد (كل ده علشان الفهلوه)

مفيش قياده بذوق وأدب فى الشارع المصري للأسف

ايضا سواقين الميكروباص , بيعملو جميع طلعات ومنازل الكباري موقف خاص ليهم (و أللي وراهم يولع) (ايه ياعم فيه ايه ما الطريق واسع)وهو حارتين بس والباشا قافل حاره منهم , ده غير تحويل جميع الميادين الي مواقف

زمان كان الناس بتقول سواقين الميكروباصات وحبه يقولو التاكسي وفى النهايه كله بالملاكي ماشي بالفهلوه

- احلي موضه ان واحد يمسك اقصي اليمين ومره واحده يفتكر اليوتيرن شمال يقوم مدي اشاره وكاسر دركسيون وبنزين وياله ملهوش فيه (ألي يفرمل يفرمل وأللي يرمي يرمي هوا ماله أهم حاجه انه يدخل اليوترن من غير تقدير ان اللي ماشى فى حاله ده هيلحق يلم فرامل ولا لآ)

- طبعا التزنيق فى الأشارات والزحمه اكن الخمسه متر دول هيدخلوه الجنه الأول


- ملاحظ ايضا ان ممكن اي انسان يسرح او يرمي علي أللي جنبه من غير قصد (عادي كلنا بشر) بس الجديد ان مفيش حد بيرضي يقول انا اسف او حتى يرفع ايده لأعتزار وديه اكتر حاجه بتنرفزني
اخر مره واحد خبطنى من ورا (الحمد لله كنت راكب الفيرنا) وهوا كان ركب بى ام , وقفت ابوص علي العربيه عندي لقيته طار ومشى ( طبعا جبته ونزلته من العربيه) تخيلوا بيقولي ايه؟ بيقولي ألي تقمر بيه شوف عايز كام؟ , قولتله هوا انا جريت وراك علشان فلوس؟ طبعا مفيش عوض الخبطه بسيطه بس لو رفعت ايدك بس فداك العربيه اهم حاجه الأحترام, اتكسف وبرضه متأسفش , واحد تانى راجل كبير خبطنى من ورا فى اشاره بصيت فى المرايه لقيته بيتأسف وبيرفع ايده (طبعا منزلتش من العربيه وأبتسمتله وحيته علي زوقه)
ليه منبأش زوق مع بعض؟

- مره وانا بعلم واحد السواقه حدفت العربيه منه وجرح عربيه راكنه , شديت خاند ونزلت وحطيت ورقه بأسمى وتليفونى علي زجاج العربيه المحكوكه (تانى يوم لقيته بيكلمنى علشان يتعرف عليا ويشكرنى علي زوقي مش علشان يتخانق) وبقينا اصحاب الأن اكثر من 6 سنوات بنتقابل

-طبعا رجال الشرطه وخاصه العساكر لما يكون عسكري سايق من غير ظابط (احلي عكسي وكسر اشارات وغرز ) من اسبوع بوكس خبط عربيتين وهوا باخد غرزه (طبعا طار ولا أكن حاجه حصلت)
- يا ريت كل واحد يجرب لما حد يدي اشاره جنبه يهدي ويعديه هتحس براحه الأحترام
لما واحد بيعدي الطريق وممكن تقفله , اقف وعديه هيشكرك ويبتسملك وتكمل سواقه مستمتع

لما تكون فى تقاطع وأدامك غى طريقك زحمه ولو عديت هتقفل التقاطع أاقف وسيب الطريق التانى يمشىولما يفضى طريقك عدي ومتزاحمش وخلاص

ده رأيي الشخصي وبفضفض
__________________

Ahmed Felefel
رد مع اقتباس
  #2  
قديم 18-04-2012, 06:24 AM
الصورة الرمزية crime
crime crime غير متواجد حالياً
من انا؟: متخصص توظيف سيارات وومركز خدمه معتمد كيا
التخصص العملى: مروج سيارات للسفارات وشركات السياحه والهيئات الحكوميه
هواياتي: .جديد السيارات .الكتب سماع القران الكريم
 
تاريخ التسجيل: Mar 2010
الموقع: القاهره
المشاركات: 2,673
crime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond reputecrime has a reputation beyond repute
افتراضي رد: اساليب القياده المستفزه فى 2012 يا رييت نعالجها سوا

والله انت انسان محترم ف زمن قل فيه الاحترام كل اللى انت بتقوله ده بيحصل معانا كلنا بص انا هاحكيلك موقف حصل معايا من حوالى 5 ايام كنت راكب فيرنا وف زحمه الالف مسكن المعتاده وسواق ميكروباص تيوتا موقف العربيه بالعرض مش عارف كان بيركب حد ولا بينزل حد المهم مجرد ما الباب الجرار بتاعو اتقفل راح ماشى من غير حتى ما يبص راح خابطلى الباب اليمين ومشى ولا اكنه هنا رحت جايبه وموقفه راح نازلى وعايز يتخانق معايا طبعا اديته اللى فيه النصيب ولما الناس اتلمت بيقولى يعنى انت مش شايف ان ده ميكروباص ومش عارف ان انا سواق ميكروباص رحت قايل للناس مشوا الجحش ده من قدامى بدل مدغدغ الميكروباص ده على دماغه
وده موقف وسط مواقف كتيير بتقابلنا ف الشارع المصرى كان خلاص كل واحد ماشى ف شارع بابا كتبهوله ف الميراث
مبقاش فيه احترام لطريق ولا لبنى ادمين وعلشان توصل بسرعه لازم تعمل زيهم والا قابل بقى يا معلم والله الواحد مبقاش ععارف مين اللى صح ومين اللى غلط ومن كتر اللى بشوفه بقيت اكره السواقه والعربيات
رد مع اقتباس
  #3  
قديم 18-04-2012, 06:52 AM
tamer.koko tamer.koko غير متواجد حالياً
 
تاريخ التسجيل: May 2011
الموقع: القاهره
المشاركات: 3,590
tamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond reputetamer.koko has a reputation beyond repute
افتراضي رد: اساليب القياده المستفزه فى 2012 يا رييت نعالجها سوا

قداما 20 سنه ونتعلم لغه الحوار وتقبل الرأي الاخرشوف بقي قداما قد ايه عقبال ما نتعلم احترام الاخرين سواء في السواقه او عيره
رد مع اقتباس
  #4  
قديم 18-04-2012, 07:08 AM
الصورة الرمزية SAMOOO
SAMOOO SAMOOO غير متواجد حالياً
 
تاريخ التسجيل: Dec 2010
المشاركات: 309
SAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond reputeSAMOOO has a reputation beyond repute
افتراضي رد: اساليب القياده المستفزه فى 2012 يا رييت نعالجها سوا

والله كلام محترم جدا
__________________

http://masrmotors.com/vb/showthread.php?t=84621
رد مع اقتباس
  #5  
قديم 18-04-2012, 07:51 AM
الصورة الرمزية احمد على 1999
احمد على 1999 احمد على 1999 غير متواجد حالياً

من انا؟: الحمد لله
التخصص العملى: مهندس ميكانيكا طيران
هواياتي: السيارات - اسكواش - سباحة - علوم فلك
 
تاريخ التسجيل: Feb 2010
المشاركات: 8,234
احمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond reputeاحمد على 1999 has a reputation beyond repute
افتراضي رد: اساليب القياده المستفزه فى 2012 يا رييت نعالجها سوا

السواقة فى مصر من الاسباب الرئيسية لدخول جهنم
__________________

سبحانك لا علم لنا الا ما علمتنا
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:17 PM.


Powered by vBulletin® Copyright ©2000 - 2019, Jelsoft Enterprises Ltd.
www.MasrMotors.com ™ Copyright ©2008 - 2019
Egyptian Automotive Community
جميع الحقوق محفوظة - مصرموتورز 2008 - 2017