رد: نظفت الرادياتير كويس، ومع ذلك مازالت العربية تسخن وتنقص مية إيه الحل
 

غير غطا الريداتير وجرب ...

لو فضلت المشكلة موجودة ممكن للاسف نبدا نشك فى جوان وش السلندر ..

بس جرب تغير الغطا الاول وعلى فكرة ده رخيص جدا يعنى نوع نضيف ممكن يكون ب 30 او 35 جنيه ...

جرب وقولنا ....

رد: نظفت الرادياتير كويس، ومع ذلك مازالت العربية تسخن وتنقص مية إيه الحل
 

إن جيت للحق هو ده خوفي الحقيقي، وإلا مش عايز أصدقه دلوقت، عموما يارب يطلع غطا، وتتحل المشكلة بإذن الله

رد: نظفت الرادياتير كويس، ومع ذلك مازالت العربية تسخن وتنقص مية إيه الحل
 

اقولك تعرف ازاى لو عندك جوان وش سلندر بايظ ؟؟

شوف انت تيجى الصبح والعربية بارده وتفتح الريداتير وتزود ميه لغايه الاخر خالص وتدور وتبص على الميه فى فوهة الريداتير لو لقيتها بتبقلل (بتعمل فقاقيع كده) وبتنزل لتحت وتطلع يبقى انت كده للاسف عندك الجوان ضارب ولازم تغيره ...

ولو طلع جوان لا قدر الله متخفش هو مش نهايه العربية يعنى .. انا عملته فى عربيتى 3 مرات هههههههه ..

بس مشكلته انه مكلف شويه يعنى هيكلفك حوالى 250 جنيه فى تغييره ...

جرب بس الحكايه دى وطمئنى ...

رد: نظفت الرادياتير كويس، ومع ذلك مازالت العربية تسخن وتنقص مية إيه الحل
 

شكرا لاهتمامك، وربنا يبارك لك فيما تملك، ويرزقك خيرا منه

رد: نظفت الرادياتير كويس، ومع ذلك مازالت العربية تسخن وتنقص مية إيه الحل
 

والله إنت فنان يا أستاذ حازم، فعلا العيب عيب غطاء، الحمد لله اشتريت غطاء ياباني النهارده ، وتمام ولله الحمد.
بس أنا عندي عتاب:
مش كنت تقولي على الحكاية دي قبل ما أغسل الرادياتير، ده الراجل أخذ مني 45 جنيه، عموما محلولة هنتشارك فيهم، أنا خمسة وإنت أربعين، يعني قسمة العدل.
لا أعرف هل من الممكن أن يحب المرء شخصا لم يره؟
إن كان ممكنا فأنا أكن لك كثير مودة
أشكرك جدا على اهتمامك وخدماتك الجليلة
ROSE4U