مصر موتورز مجتمع السيارات - لو الموتور خفيف ممكن اشتغل بيه قد ايه

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - لو الموتور خفيف ممكن اشتغل بيه قد ايه (https://www.masrmotors.com/vb/showthread.php?t=17622)

رد: لو الموتور خفيف ممكن اشتغل بيه قد ايه

بعد السلام عليكم
1 ممكن الدخان الي طلع ده مجرد كربون ليس إلا تأكد من ان البوجيهات بتطلع كويسه و حرقها مناسب و الزين والمية مش بينقص لو في نقص في حاجه منهم حلها
و امشي بموتورك و المفوت بيشد و بيجري اكتر من اي موتور اخر
و اثناء ده إسأل عن الموتور الإستيراد بكم لو تمن معقول أمشي بموتور لحد ما ينطقو يقولك كفاية غيرني
أهم من اهم شيء اهتم بالزيت والمية وسير الكاتينة الtimeing belt وربنا يسترها علينا اجميعين

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة tommy (المشاركة 115166)

تمام يا استاذنا علم وينفذ
انا كنت عايز اوضح ان الدخنة البسيطة دى ماكانتش من الشكمان
ولما سألت الميكانيكى النهارده الصبح قاللى ان الدخنة دى من حاجه اسمها الفايز او الفايظ وان وموضوع الدخنة بيضه والا سوده دى لما تكون من الشكمان وقاللى ان الموضوع لسه فى اوله خالص واننا لو فكينا البوجيهات مش هانلاقى ترسيب زيت ولا حاجه
ارجو الإفاده بعد هذا التوضيح

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة luckyman (المشاركة 115163)

ان شاء الله مفيش حاجة اهم حاجة تابع مستوى الزيت يوميا لو بينقص بشكل ملحوظ دة معناه فعلا السيارة محتجة عمرة ولو الموضوع بسيط ممكن تمشى علية لكن بدون تحميل واجهاد علية وشكرا

شكرا يا جميل الله يطمنك
بس انا مقدرش اقيس الزيت يوميا والكلام ده
لانى ببساطة مابعرفش اسوق او بمعنى اصح بتعلم السواقه على عربيه تانيه 128 فى مركز تعليم
لحد ما ربنا يكرم واركب عربيتى

رد: لو الموتور خفيف ممكن اشتغل بيه قد ايه

والله أنا مش عايز أطمنك قوى ! واضح انهم عرفوا ان خبرتك بسيطه و عملوا شغل !

أنا آسف بس ما أحبش أعلشان أفرحك أقوم أطمنك ! لازم تكون شكاك لغاية لما توصل للحقيقه !

أولا : الفايظ " ده ألعن من الدخنه ! لآن معناه برده ان فيه سوائل و أبخره اللى المفروض الشنبر

يكتمها داخل الاسطوانه ! بتعدى من الشنبر وتطلع لفوق !

و أنا مش شايف مشكله انها لو محتاجه طقم شنبر انه يتعمل و تريح دماغك ( مش غالى و شغل يوم أو اتنين ) !

و أنا مش مع اللى بيقولك امشى بيها لما تجيب أخرها و كل ما ينقص الزيت تزوده ! مانت كده ح تدفع

أكتر من الشنبر دا غير سخونية العربيه و بهدلتك بالزيت و غيره !

Dr. bolbolan :HAPPY_~211:

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة Dr. Bolbolan (المشاركة 115354)

والله يا دكتور حضرتك حيرتنى
اعمله والا ما اعملوش مش عارف
انا عندى اقتراح
ان انا امشى بالعربيه كده طالما شغاله كويس لحد ما اظبط نفسى فى السواقه ويبقى عندى خبرة كويسه واقدر احكم على اداء المحرك بنفسى
والا حضرتك ليك رأى تانى؟