المشاركة الأصلية كتبت بواسطة mif (المشاركة 80649)

المشاركة الأصلية كتبت بواسطة mada pro (المشاركة 80278)

انت جبت الخلاصه و الله يا ابو نورا
اما الاستاذ المناهري فهو عايز دليل مادي
بص حضرتك علي عربيه اسبيرانزا التاكسي و اسال السواق كده عن رايه فيها
و كمان شوف حد من اصدقاء حضرتك معاه صيني وشوف رايه فيها بصراحه
اما الدليل اللي عندي واحد صديقي معاه اسبيرانزا 516 ال 1600 سي سي و قعدت ابوس رجله ميجبهاش و جابها و لا سمعش الكلام وجت الطوبه في المعطوبه ههههههههههههه و قعد يعيط جنبها لييييييييييه ؟؟؟؟؟؟؟
اول حاجه السلك الواصل بين الاسبراتير و البوجيهات ضرب بعد 200 كيلو باين ( او حاجه زي كده )
اول ما يفتح التكييف علي السرعه التانيه العربيه بتنتش ( انا كنت راكب معاه )
ده غير صوت التزييق ( حاسس اني قاعد في ورشه لحام هههههههههه ) في المطبات و ما اكثرها
ده غير السحب المنيل ب 60000000000 نيله و العزم الزباله و الفتيس اللي مشاويره من هنا للهرم ههههههههههههههه اقول ايه و لا ايه و دي اول عربيه صيني عن تجربه
تاني عربيه شيري كيو كيو
انا مش هقول حاجه غير حسبي الله و نعم الوكيل في الصينين و الوكلاء بتوعنا اللي دخلو العربيه الزباله دي لينا العربيه بعد النقله التالته بتقلب لوحدها و الله و كمان كنت بحس و انا راكب فيها اني هاخد الكرسي و اقع علي الاسفلت بجد مش هزار و عن تجربه
انا معرفش حاجه عن الجيلي ( بس طبعا زبااااااااااااااااله علي كلام الناس ) و لا اي عربيه صيني تانيه ماعدا البي واي دي ( حاجه عره والله من قدام النترا او كورولا و من ورا هوندا سيتي و من جوه كورولا 2005 ده غير العفشه و الطنابير بتاعت الياريس ( العربيه دي بتاعت واحد معرفه و سالته علي العربيه و ده كلامي الحرفي ) اما الاداء معقول و الصيني كله عموما اخد صفر مدور في اختبارات الامان الاوروبي
ادي اللائل الساطعه و البراهين القاطعه و انا مش مزييف اي كلام علي حساب الصيني و ارجو من باقي الاعضاء التفاعل

المشاركة الأصلية كتبت بواسطة AboNoRa (المشاركة 80127)

التكنولوجيا القديمة وخاصة لما تكون تسعينيات او 2000 متبقاش قديمة جداً وتعتبر ميزة لناس كتير يهمهم ان التكنولوجيا تكون اعتمادية اكتر وسهل اصلاحها

لكن الواقع فعلاً فى اغلب السيارات انها بتستخدم تكنولوجيا يابانية تعود لخمس الى 10 سنوات بالكتير يعنى تكنولوجيا 2000 مش تسعينات

بالنسبة للخامات فى الغالب مبتختلفش كتير عن الكورى فى نفس الفئة او الهندى او الايرانى او الماليزى

بالنسبة للشاسيهات مش عيب ابدا انها تكون متاخدة من اليابانى واليابانى بياخد من الامريكانى وكله بياخد من كله اصلا عادى

المحركات منقدرش نعمم انها عمرها قصير لان اغلب العربيات الصينى اللى انتشرت فعلا فى السوق لسه معديتش عشر سنين علشان نشوف شكلها وحاله مواتيرها ايه

بالنسبة للعفشة معاك جدا بس مش علشان تقليد بس علشان فعلا كل العربيات الصينى اللى ركبتها بلاقى عفشتها ناشفة زيادة عن اللزوم وبدون مقابل فى الاداء الرياضى والتوازن على السرعات العالية
وده فى ظنى راجع لاكثر من عامل منها نوعيات الكاوتش الستوك واداء نظام التوجية وعلو العربيات عن الارض

واخيرا موضوع قطع الغيار ده موضوع اقتصادى بحت لان العربية لما بتنتشر قطع الغيار بتتوفر اكتر وبتبقى موجودة بره التوكيل وسعرها بينزل وفعلا شوفت فى المنتدى تجار كتير بيعلنو عن انهم بيستوردو قطع غيار للسيارات الصينى باسعار منافسة
لكن حتى الان مازلت شايف ان اسعار قطع الغيار زيادة عن الازم خاصة فى سيارات الفئة الاقتصادية

اجمالاً الصينى حل اقتصادى بالنسبة لناس كتير وهتفضل ناس تشتريه والصينين بيتطورا يوم بعد يوم

احنا اشترينا الكيا برايد فى سنة 96 ب 25 الف جنية وكانت ساعتها العربيات اللى فى نفس الفئة سعرها قدها مرة ونص ومرتين وانا اول واحد كنت قرفان منها جداً وكنت شايف زى كل الناس ساعتها انها عربيات ورق وكانت العربية كلها تصميم شارياه كيا من مازدا بالظبط زى ما كل الشركات الصينى بتبداء دلوقتى

ودلوقتى بعد 12 سنة العربية اثبتت كفائة وتمنها فيها وزيادة وقطع غيارها منتشرة وسعرها اوفر من كل العربيات اللى فى نفس الفئة

فمتسبعدش ان الصينين يكررو نفس تجربة الكورى اللى كانت قبل كده نفس تجربة اليابانى