رد: ارجو الدخول والمساعدة فى مؤشر rpm
 

شكرا لمشاركتك جدا
اولا انا كشفت على البطارية عند واحد كهربائى ثقة وعلى الدينمو قالى البطارية سليمة تماما والدينمو كشف علية وقالى الدنيا تمام ولكن سؤال هل لو السير مشدود اوى او مريح شوية دا ممكن يعمل الحوار دا للعلم السير مكملش 10000 كيلو متغير فى التوكيل ولسة شادة فى الصيانة لانة كان بيعمل صوت صفير عند التدوير صباحا وتم شد السير والمشكلة انتهت فعشان كدة بسال شد السير يسبب المشكلة دى

ثانيا صمام الايدل انا عايز اشوف واحد معاة فيرنا واجرب معاة بس مستحيل الاقى الواحد دا ههههه
شكرا ليك وتعبتكم معايا

رد: ارجو الدخول والمساعدة فى مؤشر rpm
 

انا سالت فعلا وقالى ملهاش ايدل ليرن بس عموما انا اعرف فصل السالب للبطارية يعمل ريستارت

رد: ارجو الدخول والمساعدة فى مؤشر rpm
 

معلش سؤال برة الموضوع هل تشغيل التكييف لمدة ساعتين مثلا منهم مشى برحة وزحمة ومنهم جرى بس قليل ومنهم سلانسية بمعنى انى اسيب العربية دايرة بالتكييف للناس اللى راكبة وانزل اسيبها مثلا 10 دقايق واتحرك واسيبها تانى 15 دقيقة واتحرك هل دا يحرق بنزين لدرجة انى يعمل 120 كيلو فى 18 لتر على فكرة انا ممكن اعمل 30 كيلو فى ساعتين زى ما قلتلكم بالطريقة اللى فوق وبعمل 120 كيلو دول فى 4 ايام

رد: ارجو الدخول والمساعدة فى مؤشر rpm
 

السير ملوش علاقة لكن الكت اوت بتاع الدينامو ممكن بيدي كهرباء ذيادة
ممكن تجرب الايدل في عربتك افصل الفيشة وركبها تاني زي ما قلت لحضرتك وشوف فيه اختلاف في ال ار بي ام ولا لا

رد: ارجو الدخول والمساعدة فى مؤشر rpm
 

سلام عليكم

عربيتك مش ايديل ليرن عموما الايديل ليرن بيتعمل ( كونتاكت بدون ما تدور - بعدين كوناتكت بدون ما تدور - تدور على المور و تطفى كل احمال الكهرباء لمدة 5 دقائق )

مشكلتك فى حاجه من اتنين يا اما مشكلة شكلية و دية ان العداد بيعلى و بيوطى بدون ما صوت المكنة يتغير و ده هتلاقى مشكلة فى البرمجة حد يظبهالك يكون بيفهم

العداد بيعلى لكن الموتور مش بيجرى كويس و تحسه واطى ده مشكلة فى الارضى بتكون لايك جراوند - اما ان قطاش الأرضى محتاج نضافه و صنفره كويس او ارضى الموتور مش واصل كويس او ارضى الدينامو مهزوز او فاصل

العداد بيعلى و بيوطى مع تغير غريب فى صوت الموتور كده المشكلة هتكون يا اما ان الايديال مش مربوط كويس او اى جزء فى تعلية و توطية الموتور مش مربوط كويس او ان الايديال خلاص باظ

العداد بيعلى و يوطى مع رجه فى الموتور و ده معناه ان الاحمال الكهربية بتشارك الموتور فى التغذية الكهربية بتاعته بشكل يؤثر على انتظام عمله و هنا لو البطارية سليمة و الدينامو سليم لازم تراجع دايرة الايجنيشن كلها و طبعا تنضف البوجيهات كويس

الله اعلم