مصر موتورز مجتمع السيارات - عاوز أروح المطار

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - عاوز أروح المطار (https://www.masrmotors.com/vb/showthread.php?t=59396)

رد: عاوز أروح المطار

متشكر لكل رجالة المنتدى... وأخيرا فى طريق العودة هنتبع نفس الطريق بمعنى من المطار ونطلع الدائرى لحد شبرا الخيمة ومنها إلى المنوفية... صح كدة ولا فيه تعديل؟

رد: عاوز أروح المطار

اقتباس:

المشاركة الأصلية كتبت بواسطة tham1010 (المشاركة 448341)

صح كدة ما فيش اى تعديل ولو انى اعتقد انك اما تخرج من المطار هتلاقى نفسك ادام الكلية الحربية ....عارف لية عشان فى المطار هايؤلك لازم تنزل الباركنج ومن الباركنج الطريق اجبارى على ما اعتقد وهتلاقى نفسك ادام الكلية الحربية
لو دة حصل معاك ما تقلقش امشى عادى وخد طريق السندباد ومنة طوالى الى موقف العاشر من رمضان تعمل يو ترن تلاقى نفسك اول الطريق الدائرى من مدينة السلام ....طوالى لغاية نزلة طريق مصر اسكندرية الزراعى وتوصل بالسلامة

رد: عاوز أروح المطار

هقولك برده على حاجة كويسة:

أنت ممكن تدخل على خرائط جوجل (Google Maps) وبص بصة كده على الطرق اللى هتمشى منها كلها عشان تبقى خدت فكرة عنها وتفتكرها إن شاء الله

رد: عاوز أروح المطار

متشكر للكل. الحقيقة الواحد قلقان لانى لسة شارى العربية جديد اللى كلكم عرفتهو عنها ( ماتركس 2001) ولسة متعلم السواقة. فالواحد خايف من السرعة والناس اللى بتعمل غرس وكدة. عندنا الدنيا هادية وأوسع شارع 15 متر على الأكثر واقصى سرعة يمكن 60 لو الدنيا فاضية. تعتقدوا إنها مجاذفة؟؟؟

رد: عاوز أروح المطار

اقتباس:

المشاركة الأصلية كتبت بواسطة corsair (المشاركة 448150)

يا زعيم انتا تنور طريق المطار كله

هقولك علي اسهل طريق يا غالي هتاخد الزراعي لحد قبل شبرا الخيمة وتطلع الدائري وهتمشي قد 10 كيلو وهتنزل نازلة مدينة السلام وتمسك طريق جسر السويس لحد ما يقابلك كوبري علوي هتطلعه وتنزل منه طوالي لحد ما تلاقي المطار في وشك

وديه وصفة سهلة