رد: معلومة من باب العلم بالشئ
 

بص اكيد قطع الغيار هتبقى واحد قولي ليه
تعالى كده نبص على اللنسر ال 1300 و ال1600 والسوبر اكشن
هتلاقي التيل واحد الطنبور واحد الفرق عتب من غير فتحت سقف من غير المقصات واحدة سبويلر من غير الحوض واحد المريات الشنطة الفرق في حجم المكنة فقط لا غير
لو العربية عجباك وسعرها كويس وورقها تمام ومفيش احسن منها في سعرها زيرو يبقى اتكل على الله وياريت لو مستعملة تفحصها كويس وم مشكلة لو خسرت تم اتشك في التوكيل وربنا يوفقك ونقولك مبروووووووووووووووووووووو ووك

رد: معلومة من باب العلم بالشئ
 

متشكرين جدا يا جماعة بس مش عارف لية انا مقلق من الموضوع دة يعنى ممكن حد يكون عارف موضوع 1400 سى سى دة يقولى عالية

رد: معلومة من باب العلم بالشئ
 

يا جماعة المشكلة بقى فين ان العربية دى موديل 2006 مش عارف ازاى ارجو الرد والايضاح لان الموضوع دة مش مفهوم

رد: معلومة من باب العلم بالشئ
 

الف مبروك مقدما
انتا بعت الانوس ليه
وبعدين انتا مش كنت بتقول عندكو فى الشركه زيرو احسن الف مره من المستعمل على الاقل اى حاجه هتحصل فيها هتبقى من استخدامك انت
واوعى تشترى من معارض حلوان للمستعمل احسن بيعملو احلى شغل على الواحد

رد: معلومة من باب العلم بالشئ
 

صدقنى بجد فعلا كنت خلاص هشترى فيرنا اوتوماتيك بس صدقنى بجد عربية تعبانة جدا مع احترامى للجميع ودة رأى لان زمايلى فى منهم جاب فيرنا يعنى بصراحة مقولكش عربية يعنى اللى جابها بيعيط دلوقتى بجد وبصراحة وانا حمدت ربنا لانى بعت الانوس فى الاخر لان بعد كدة ناس تتدخلت فى الموضوع علشان كمان فى واحد جاب شيفرولية لانوس وكل يوم بيقول مشكلة شكل فى العربية طبعا الانوس الجديد معروف فابصراحة مكنش فى حل الا ان اتفقنا الناس اللى مجبتش تعمل كالاتى انه اللى معاة مبلغ يجيب بية عربية كويسة وموديل كويس ميكونش متهان يعنى الحالة العامة كويسة ويشوف محتاج من الشركة مبلغ اد اية وبصراحة كان كلام منطقى جدا وحتى هتقلل القسط بتاع العربية شوية يعنى بصراحة هيكون كويس جدا حتى بالنسبالى يعنى بدل مجيب فيرنا بمبلغ والفرق هيبقى كبير وانا مش معاية منهم الا 43 الف الفرق كبير يعنى يعنى اخد من الشركة مبلغ صغير وانا كان معاية 5 الف جنية يعنى واخدت من الشركة 10 الف جنية بس مش كدة كويس واحسن يعنى دلوقتى معاية حوالى 58 الف جنية وممكن اكمل لحد 60 الف وبكدة اتحلت بدل مجيب جديد واعمل زى زمايلى لان فعلا هما كان معاهم عربيات كويسة بردة وبصراحة الفيرنا واطية قوى لللارض هضايقنى كتير المهم حسبتها كدة ممكن اجيب بالمبغ دة عربية شيفرولية افيو او نيو اكسنت بصراحة واحد زميلى جاب نيو اكسنت كانت هايلة جدا وركبتها ملهاش حل اية رأيك فى الموضوع دة مش كدة احسن هقلل القسط بتاع الشركة وهجيب عربية كويسة ومتهايألى المبلغ دة يجيب عربية من الاتنين كويسة ولا اية رأيك صح ولا

رد: معلومة من باب العلم بالشئ
 

ممكن اعرف موضوع معارض حلوان دة لانى فعلا روحت لمعرض بس كان عايز يلبسنى افيو شكلها عامل حدثة وبيلبسهانى وخلاص طبعا سيبتو ومشيت بس انت متعرفش فى معارض كويسة فى حلوان

رد: معلومة من باب العلم بالشئ
 

يعنى العربية دى كويسة اللى هى 1400سى سى يعنى اجيبها بس موضوع قطع الغيار دة اية نظامة