رد: عايز اركب طرمبة بنزين كهربا .. قولي رأيك فى الموضوع دة ؟؟
 

فيه فرق بين الحمل العكسى على طلمبه ذات موتور كهربى

وطلمبه ميكانيكيه

رد: عايز اركب طرمبة بنزين كهربا .. قولي رأيك فى الموضوع دة ؟؟
 

هل تسمح لى حضرتك اضيف سؤال على اسئلتى فى المشاركة السابقة بنفس الصفحة والتى اتمنى
ان اجد لها اجابة من الخبراء بمشيئة الله خلال الايام القادمة ..

هل لو ركبت طرمبة كهربا العربية مش هتتأخر فى الدوارة الصبح بعد ركنتها ؟
لان دة السبب الرئيسي لتغيير الطرمبة .. لدرجة انى بفكر حتى ولو اركبها مضافة مع الطرمبة القديمة
بمعنى انها اما تكون طرمبة كهربا بس فى العربية .. او اخليها بمفتاح مجرد انها تحضر بنزين وادور واطفيها والطرمبة التانية تكمل .. المهم انها تدور بسرعة بعد ركنتها يومين تلاتة.
واتمنى من الخبراء الاخذ بالاعتبار المشاركة بالاعلى لانى لم اجد لهذة الاسئلة ردود . والجميع مشكور
واخص بالشكر استاذنا البشمهندس سمير المميز كعادتة

رد: عايز اركب طرمبة بنزين كهربا .. قولي رأيك فى الموضوع دة ؟؟
 

هو فيه حاجه عاوز أفكر معاك فيها

- طيب ماتحاول تتغلب على السبب الرئيسى لغياب الدواره عندك بسيارتك

بحيث متعملش أى تعديلات على وضع تصميمى طبيعى

كان فى الأساس يعمل بصوره طيبه

______________

فأكيد عندك شىء غير طبيعى بالمكنه يجعلك تعانى من تأخير فى الدواره

عموما

لكى تجعل الأمور تسير بصوره طبيعيه

( سواء مع أستعمال طلمبه ميكانيكيه أو كهربائيه )

المفروض يكون معدل تصريف وضغط طلمبة البنزين فى دايرة بنزين السياره

ثابت ولو فيه حيود يكون بسيط جدا للأفضل

ودى بيانات صعب تتعرف عليها إلا من خلال القياسات الهندسيه

بجهازقياس ضغط مثلا

أو من توفر بيانات عن الطلمبات نفسها

وخصوصا من جهة ضغوط الطلمبات

رد: عايز اركب طرمبة بنزين كهربا .. قولي رأيك فى الموضوع دة ؟؟
 

انا غيرت كربراتير والعربية لو درات تانى يوم عادي بدور بسرعة بالمفتاح فقط بدون بنزين
اما لو اتركنت يومين او اكثر بتاخد وقت علشان تدور مع التحضير لها .. هل فكرتي صحيحة ؟؟
بتركيب طرمبة بنزين كهربا لحل المشكلة ؟ بالنسبة للاسئلة المتعلقة بالفرد الثالثة والخرطوم الثالث
دول هل عند حضرتك فكرة ؟

رد: عايز اركب طرمبة بنزين كهربا .. قولي رأيك فى الموضوع دة ؟؟
 

هل بدور وأنت فاصل دبرياج ولا لا

رد: عايز اركب طرمبة بنزين كهربا .. قولي رأيك فى الموضوع دة ؟؟
 

اكيد طبعا .. بضغط دبرياج لخفيف الحمل اثناء الدوارة
متقلقش يا بشمهندس من بعض الامور الميكانيكية اتعلمت كتييير بفضل الله وبفضل مجموعة من الناس
زى حضرتك .. حضرتك نسيت انك كنت بتدخل في بعض مواضيعي وتؤيد ردي على الاستفسارات ;)
اي حاجة لها علاقة بالدوارة عملها .. بمعنى اخر :
1 - فصل الدبرياج اثناء الدوارة
2 - زيت خفيف 90 للفتيس .. والفتيس مية وحالتة جيدة الحمد لله
3 - كربراتير حالتة ممتازة استيراد .. علما ان اللى قبلة كان بيتأخر على طول ف الدوارة .. اما دة لو اتركنت بس اكتر من يوم واحد
4 - بوجيهات جديدة وفلاتر بأنواعها .. واسلاك بوجيهات غيرتها 3 مرات من نفسى كدة بدون سبب
اية تانى ؟ مش فاكر . فى انتظار اي استفسارات لحضرتك ..

رد: عايز اركب طرمبة بنزين كهربا .. قولي رأيك فى الموضوع دة ؟؟
 

يبقى أفضل حل ليك فعلا

محاولة تركيب طلمبه كهربائيه

تحضر بيها بنزين الأول قبل ماتدور

________________

حاول تخللى توصيلاتها لملأ الكربوراتير كل مره قبل الدواره

بحيث تعمل لها مفتاح كهربى تتحكم فيه بنفسك من جوه الصالون on /off

تشغلها لمدة ثوانى قبل الدواره وتفصلها

وبعد كده تدور مكنتك

وتسيب المسئوليه على الكاركه الميكانيكيه

يعنى يبقى عندك 2 طلمبه

1- كهرباء لملأ الكربوراتير وخطوط البنزين

2- طلمبتك العاديه ( الكاركه ) على أساس هى تشيل شغل المكنه الطبيعى