مصر موتورز مجتمع السيارات - عاوز اشترى جيب شيروكى تنصحونى باية

مصر موتورز مجتمع السيارات (https://www.masrmotors.com/vb/index.php)

- جيب Jeep (https://www.masrmotors.com/vb/forumdisplay.php?f=51)

- - عاوز اشترى جيب شيروكى تنصحونى باية (https://www.masrmotors.com/vb/showthread.php?t=47602)

رد: عاوز اشترى جيب شيروكى تنصحونى باية

ياباشا الشيروكى فيها حساسات كتير اللى انا بسمعة ان اهم حساس هو حساس الكرنك لو باظ العربية متشتغلش وفى ناس بتقول ان اى حساس لو باظ العربية متشتغلش واللة اعلم فى النقطة دية
اما بالنسبة لقطع الغيار الاصلية اسمها موبار انا مقدرش افيدك اوى فى سعرها
يعنى الحاجة اللى جبتها كانت جوز مساعدين ودل بييعملوا من 300 _ 500 حسب النوع ودة من فترة كبيرة
سير الدينامو كان ب تقريبا ب195 ودة بردة من فترة فلتر زيت 30 جنية
الفانوس الخلفى عامل 50 جنية والامامى 25 جنية العادى والكريستال 35 جنية الواحد اما الجوز الاصليين بتوعها اللى بتنزل بيهم ب90 جنية بلمضهم
تيل الفرامل الصينى ب45 جنية والناس بتشكر فية والتايوانى 70 جنية
دة كلة اللى انا جبتة وسالت علية بس نصيحة منى انزل شارع شامبليون او الحرفيين واسال عن اسعار قطع الغيار وعلى فكرة نزلت عن الاول بس هى مشكلتها ان مش اى حد يفهم فيها عايزة ناس فهمة وشغالة فيها وبرضو العربية منتشرة بشكل ملحوظ عربية محترمة جدا وعايز اقول على حاجة الشيروكى بيمشى بقرش وب10 قروش وانت وميزانيتك لانك هتلاقى من كل حاجة الصينى والهندى والاصلى الموبار وعلى فكرة قطع غيار الشيروكى الموبار اللى هى الاصلى معمرة جدا جدا لان الاصلى اصلى
وقبل متعمل حضرتك اى حاجة اسال على قطع الغيار الاول زى مقولت لحضرتك
وزى مقال الاخ الفاضل العربيات السيدان فى الراحة تكسب

رد: عاوز اشترى جيب شيروكى تنصحونى باية

السلام عليكم
مشكور جدا على المعلومات دى , انا جربت اسوق عربية واحد صاحبى 6 سلندر , بسم الله ما شاء الله , سحبها كويس جدا و فيها حساس لقربة مياه المساحات !!!! و ميزتها انها ملمومة و شكلها حلو , بس مش عاجبنى ضيقها الواضح بالذات فى المقاعد الخلفية ولا انت ايه رايك ؟

رد: عاوز اشترى جيب شيروكى تنصحونى باية

اقتباس:

المشاركة الأصلية كتبت بواسطة ahmed_eng2001 (المشاركة 362126)

لا شكر على واجب ياباشا
هى فعلا ياباشا المقاعد الخلفية ضيقة شوية زى محضرتك قولت
واى استفسار انا تحت امرك

رد: عاوز اشترى جيب شيروكى تنصحونى باية

ربنا يكرمك و مشكور على المعلومات الجميلة عن الشيروكى دى , انا بحب اعرف كل حاجة عن السيارات و خاصة سيارات الدفع الرباعى

رد: عاوز اشترى جيب شيروكى تنصحونى باية

اقتباس:

المشاركة الأصلية كتبت بواسطة romy (المشاركة 355679)

عاوز اشترى عربية جيب تكون 4 سلندر لانى سمعت ان ال 4 سلندر مش بتاكل بنزين تنصحونى باية انا حدودى 45 ياريت بليز الرد انا على فكرة مش عارف حاجة عن الميكانيكا ياترى الجيب تمشى معايا تكون عملية قطع غيار اقتصادية ولا الدايو ولا الفيرنا واكون شاكر ردودكم
:14369D~149:

أفتكر الستة سلندر أفضل لأن العربية حجمها كبير ووزنها تقيل لكن الأربعة سلندر صغير جدا عليها زى ما يكون فأر شايل فيل و أعتقد إن الستة سلندر مع إستعمال صحيح هتوفر أكتر فى البنزين أو على الأقل هتعمل نفس معدل الأربعة سلندر مع فرق إن الموتور عندك مرتاح جدا بعكس الأربعة سلندر لازم تكبسلة عشان يشد معاك لكن الستة سلندر مش محتاج تكبسلة , هى لمسة و تلاقيها طارت و كمان للأسف فى ناس لسة بتعتقد إن كل ما يكون الموتور أصغر يبقى إقتصادى و دة كلام غير صحيح لأن دة يتوقف على حجم و وزن العربية بركاب و بدون ركاب HPPYBUS

رد: عاوز اشترى جيب شيروكى تنصحونى باية

على الفكرة انا عايز اقول ان الشيروكى مش ثقيلة زى مالناس فكرة العربية وزنها 1395 كجم
وال4 سلندر 130 حصان وعزم 203 نيوتن وتسارع من 0 الى 100 فى 10.1 ثوانى

رد: عاوز اشترى جيب شيروكى تنصحونى باية

اخوانى
انا ملاحظ ان اغلب الناس بتهول فى موضوع استهلاك البنزين بالنسبه لل 6 سلندر بالمقارنه لاستهلاك ال 4 سلندر فهل ممكن حد يوضح بالظبط استهلاك كل فئه كام لكل 100 كيلو.

حاجه تانيه محتاج اعرفها هو فعلا الشيروكى سهل انه يقلب على الطريق بسبب ان السيارة عاليه وحجمها مش كبير قوى.

برجاء الافاده وشكرا.