رد: مشكله في الفتيس ياريت حل من الاخوة وخاصة اخي الفاضل سمير عياد
 

حلو

طيب قبل أسو الأبيض كنت بتستعمل زيت نوعه أيه

وهل زيت أسو الأبيض ده كان مخصص للفتايس المانيوال

ونوعه أيه كارقام مكتوبه على العلبه من بره

رد: مشكله في الفتيس ياريت حل من الاخوة وخاصة اخي الفاضل سمير عياد
 

بصراحه انا محرج من حضرتك يا استاذ سمير لاني عارف اني تاعبك معايا في مشكلتي بس جزاك الله كل الخير
1. قبل اسو كان الميكانيكي المعفن بيحط زيت سايب وكان عادي مفيش اي مشاكل وفي مره وانا بغير زيت الموتور قولت اكشف علي الزيت لقيته ناقص شوية فا بتاع الزيت قالي جرب زيت فتيس توتال وقالي حلو قولتله طيب حط توتال نشوفه ونجربه ومن يوميها يا استاذ سمير وانا متلطم في الصوت دا من يوم محطيت التوتال رحت للميكانيكي قالي دا زيت خفيف اوي مينفعش قالي نحطلك تقيل نزلنا توتال وحطينا سايب بردو الصوت استمر غيرنا البليتين اللي قولت لحضرتك عليهم الصوت فضل موجود رحت لميكانيكي تاني قالي هات اسو اللي علبته بيضا وفعلا الصوت كان شبه انعدم
2. ازيت اسو دا الميكانيكي اللي قالي عليه وبصراحه مش عارف موضوع الارقام دا
بجد اسف علي تعبك معايا ياباشا وجزاك الله كل خير

رد: مشكله في الفتيس ياريت حل من الاخوة وخاصة اخي الفاضل سمير عياد
 

شوف يا أستاذ : أحمد

أعتقد أنك وقعت فى عملية غش عند بتاع غيار الزيوت

ففيه بتوع زيوت فعلا نصابين بالفعل

ولهذا يفضل أننا ننتقى المكان ( ذو السمعه الطيبه ) وقت تغيير الزيوت

عموما مفيش قدامك غير الحل التالى

تشترى زيت تانى وبنفسك

وليكن زيت التعاون للتروس بلزوجه 140 ( هاتلاقيه رخيص )

وعليه حروف S.EP HD

بس أهم شىء تركز مع رقم اللزوجه وأنت بتشترى

غيره مكان الزيت اللى عندك وأنت واقف على أيد الميكانيكى

وبرضه متخليهوش يحطلك زيت كتير .....يادوب على أد سعة الفتيس

لما الطبه الجانبيه تجيب زيت ( ده العيار للى مش عارف )

حتجرب عربيتك وتشوف الصوت راح ولا لا

وتقولى على ملاحظاتك

ولاحظ لو قابلتك مشكلة دواره للمكنه صباحا فى البرد ( لاقدر الله بسبب أختيارنا للزوجه 140 )

ولا يهمك ..........وليها حل جميل

أبقى هات دواسة الدبرياج على الأرضيه وأنت بدور

ولا حتحس بأى مشكله .....بالعكس حدور بصوره أسهل كمان من الوضع الحالى

رد: مشكله في الفتيس ياريت حل من الاخوة وخاصة اخي الفاضل سمير عياد
 

على فكره زيوت التعاون

موجوده فى البنزيمات الخاصه

بالجمعيه التعاونيه للبترول

( عليها 3 دواير متداخله فى بعض )

واللتر بتاع 5 أو 6 جنيه على ما أعتقد

أشترى لتران ونصف بكتيره

لأن الفتيس أساسا مبياخدش زيت كتير

خللى الميكانيكى يحطلك الزيت وبرضه بأكد تانى

ميحطهمش كلهم ( حسب المصمم للفتيس ...........عاز تانى نجيبله )

لحد ما طبة البيان والأختبار الجانبيه للفتيس تجيب زيت فقط

تروح قايله .............بس عندك

يعنى خليه يغيره وهو حالل الطبه الجانبيه أو مهويها

علشان يعرف يظبط المقاس صح لمايشوف الزيت وهو بيشر قدام عينيه من طبة الأختبار

أصل أنا عارف فيه منهم كتير بيبقوا حلاقين الصراحه

ويحطلك برميل زيت فى الفتيس

وبتحصل مشاكل فعلا من الشغل الجاهل ده

رد: مشكله في الفتيس ياريت حل من الاخوة وخاصة اخي الفاضل سمير عياد
 

الف شكر يا سمير باشا وان شاء الله هاجرب اللي حضرتك قولت عليه
يعني من راي حضرتك ممكن يكون الصوت بسبب الزيت وزيت التعاون دا اللي ممكن يكتم صوته؟ ونستبعد موضوع البلي؟
وشكرا يااغالي علي اهتمامك

رد: مشكله في الفتيس ياريت حل من الاخوة وخاصة اخي الفاضل سمير عياد
 

جرب اللى قولتلك عليه

وقوللى على النتيجه

وخيرا بإذن الله

رد: مشكله في الفتيس ياريت حل من الاخوة وخاصة اخي الفاضل سمير عياد
 

ماشي ياباشا وربنا يجعل فيك سبب للخير