|
رد: شويه اسئله علي عفشه الكريستاله
اهلا و سهلا بيك يا ميكي
و ما تزعلش علي المساعدين اللي باظت لكن برضه باظت ازاي دي استحاله تضرب في 6 شهور ابدا روح المكان اللي اشترتها منه و عرفه يمكن يغيرهم.\ عموما انا لما جيت اغير المساعدين عندي في الكريستاله واحد نصحني ما اشتريش جديد و اجيب استعمال لان الجديد مش قد كده و فعلا وصيت العفشجي بتاعي لانه بيجيب شغل استعمال كتير انه يجيب ليا اتنين يكونوا حلوين جدا حتي لو اغلي الضعف مش مهم الفلوس المهم الحاله. و فعلا جاب لي اتنين بحاله الزيرو بالاستيكر عليهم و اكوادهم مسلسله (يعني خارجين من عربيه واحده) و كانوا كمان غاز علي زيت(تقريبا بتوع الميراج) وركبتهم و بسم الله ما شاء الله حلوين جدا و طبعا قبل ما اركبهم اختبرتهم و لقيت حالتهم حلوه علشان كده توكلت علي الله. لذلك انصح اللي بيشتري مساعدين يحاول يلف و يجيب استعمال رغم انه قليل لما تلاقي حاله نضيفه بس حتجيب حاجه زي اللي كان فيها. بالنسبه لعفشه الميراج لا تختلف عن عفشه الكريستاله العاديه و الايفو متخلفه و مش حتركب عندك زي ما انجكشن قال علشان الدفع الرباعي. بالنسبه للجنوط هات 14 او 15 و اوعي تزود علي كده عشان حيبقي حمل علي الموتور و مشاكل انت في غني عنها. |
رد: شويه اسئله علي عفشه الكريستاله
هو بعد البحث TOKICO شركة متخصصة فى المساعدين والسوست عالية الأداء فقط, ومالهاش أى وجود على الساحة المصرية, ولا حتى الساحة العربية الا قليل جدا جدا, ومتنساش الفلوس كتير.
والموقع بتاعهم على خلاف KYB و MONROE بيوضح تخصصهم فى المعدات عالية الأداء فقط, بمعنى أصح النشوفية و "الوطى" وبالتالى مش هينفعوا لافى مصر ولا شوارعها ده أن وجدوا. موقع الشركة مثال أخر, موقع KYB بخصوص الجنوط, وزى ما أستاذ محمد عثمان قال (لو تخمينى صح :)) عن تجربته, الكاوتش الأعرض ,عرضه هيحسسك بمساحة من الطريق ازيد من القديم, وبالتالى الزلطة اللى كانت بتعدى من جنب الكاوتش هتدخل تحته, والحفرة اللى كنت بتاخدها جرى أو بتفايها غالبا هتنزل فيها. وحضرتك اللى هتحدد لو راغب فى التغيير, لو بتسافر كتير وطريقك طويل وبتمشى بسرعة, ال15 هيريحك جدا جدا, أنما لو مشاويرك فى الزحمة وسرعات تحت 100, ال15 هيتعبك فى الزحمة وهيحسسك بتضاريس الطريق أكثر من الأول, وخاصة لو العفشة الجديدة أنشف. مع كل أختيار حضرتك بتضحى بحاجة, وبتكسب حاجة, سواء فى العفشة أو العجل. ومستنى رد الأستاذ محمد, أنا كنت بصبر حضرتك مش أكثر :), ورد الأستاذ حازم فيه المفيد برضه, شكرا ياحازم باشا. |
رد: شويه اسئله علي عفشه الكريستاله
اقتباس:
ممكن يلبسني فيهم ويشتغلوا شويه ويضربوا تاني بالنسبه للمكان اللي انا جايبهم منه انا جايبهم من توكيلهم فادي مكرم جرجس هوا اللي مستوردهم حجيب انضف من كده ايه وكلمته وقلتله بس طبعا ودن من طيب وودن من عجين بالنسبه للجنوط ففعلا انا شايف الاراء متضاربه بين اللي مركب ومبسوط وبين اللي ندمان علي انه ركب انا مش ناوي اعلي عن 15 اصلا بس اديك شايف اهو صاحبنا مثلا ساكسيس بيقول انه مخنوق من طرق مصر فانا بصراحه مش قادر اخد قرار خصوصا كمان اني ناوي اعمل زيه واكع في بريدجستون ياباني كمان وموجودين وب2600 جنيه والله الفرده ب530 فمش عاوز اعمل كل ده وفي الاخر ارجع اندم فبحب اسأل الناس اللي فاهمه زيكو كده |
رد: شويه اسئله علي عفشه الكريستاله
اقتباس:
بص انا غالباً الغلط الأكبر اللي عملته اني جبت الكاوتش ناشف و انا اصلاً مش بجري .. يعني لو كاوتش طري شوية اعتقد هيبقى الوضع احسن و يا سلام لو بريدجستون تورانزاااا :) او في حل احسن لو انت مش غاوي جري زيي و يا ريتني كنت عملته و كان هيبقى اوفر في الجنوط و الكاوتش...انك تركب 14 و كاوتش 185/60/14... هتبى كدا بين البينين و بالتوفيق ان شاء الله ************************ |
رد: شويه اسئله علي عفشه الكريستاله
اقتباس:
الواحد والله ما عارف يعمل ايه خصوصا بقي اني استاذ ورئيس قسم في موضوع الحفر ده دراعي بيلف عالحفر والنقر معرفش ازاي يبقي الطريق موز باللبن وميه ميه واذ فجأه دببببببب ايه اللي حصل الاقي الحفره اللي في الطريق انا الوحيد اللي بقع فيها وساعات ببقي بجري كده ومره واحده الطريق بيقلب وحش ومبعرفش اخد رد فعل سريع وغالبا المساعدين بتاعتي باظت من كده بس المشكله بتاعتي اني مش قادر استحمل منظر العربيه بالطاسات وحاسس اني سايق عربيه بابا جدو عاوز اروشها شويه واجنط بس في نفس الوقت مش يافرحتي بالشكل واشرب انا بقي ومحفظتي تتخرم بقي كل شويه عفشه مساعدين جنوط كاوتش يعني وانا مش طريقي ولا سفر ولا بتاع انا جوه البلد كل وقتي تقريبا وخصوصا في رمسيس ووسط البلد يعني زحمه زحمه ولو سافرت بيكون مرتين في السنه تلاته يعني بالكتير اوي اوي ايه رأيكم في الفزوره دي بقي احلها ازاي |
رد: شويه اسئله علي عفشه الكريستاله
اقتباس:
لان كل اراء الناس ان الواحد مش حيحس بالفرق الفظيع اللي انتا حاسس بيه ده وانا فكرت فعلا في 14 بس حسيته رخم كده وبردو صغير فحسيت اني حصرف عالفاضي من غير ما احس بفرق هوا صحيح ال70 من ال 50 دي عرض الكاوتش ولا الحته اللي من شفه الجنط لاخر الكاوتش هوا عشان كبرنا الجنط يبقي لازم نقلل الطول بتاع الكاوتش صح كده ************* هه هه GIFT4UGIFT4U **************** |
رد: شويه اسئله علي عفشه الكريستاله
اقتباس:
يعني كاوتش 195/50/15 يبقى ارتفاع الجنط عن الأرض 50% * 195 مم لازم طبعاً لما نكبر الجنط على نفس العربية نقلل النسبة دي عشان ارتفاع العجلة ككل ميزدش و العربية متعلاش زيادة عن اللزوم او العكس |
| الساعة الآن 11:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017