مصر موتورز مجتمع السيارات - محتااااااااار بين الانوس و النوبيرا ارجو المساعدة

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

رد: محتااااااااار بين الانوس و النوبيرا ارجو المساعدة

اقتباس:

المشاركة الأصلية كتبت بواسطة mido2010 2010 (المشاركة 261126)

شكرا علي الردود بس انا كدة حيرتي زادت اكتر و من الاخر انا معايا 45 اخري كدة ممكن اجيب اية ؟؟؟؟

ممكن ياباشا تجيب بيهم لانوس مستريح وتشدها كمان, وممكن تلاقى نوبيرا موديل قديم أوائل 2000 بسعر كويس.

بس مفكرتش فى الفيرنا ال 1600 ليه ياباشا, نفس مميزات اللانوس مع موتور جبار يقارن بالنوبيرا, بس ثبات اللانوس المنيل هو هو, وقطع غيارها موجودة ورخيصة وتصليحها سهل جدا.

رد: محتااااااااار بين الانوس و النوبيرا ارجو المساعدة

شكرا يا injection علي الرد
طب انا بلاقي لانوس 1999 بيبقي مطلوب فيها 43000 و بصراحة انا هصتخصر ادفع المبلغ دة في حاجة قديمة و بتبقي عاملة 100.000 كم و مش ضامن الموتور ممكن اجيبها و الاقي بعد كدة عاوزلها عمرة
هل السعر دة بيبقي مبالغ فية ؟ ولا هي كدة علشان تقفيل كوري ؟؟؟

رد: محتااااااااار بين الانوس و النوبيرا ارجو المساعدة

اقتباس:

المشاركة الأصلية كتبت بواسطة mido2010 2010 (المشاركة 261182)

شكرا يا injection علي الرد
طب انا بلاقي لانوس 1999 بيبقي مطلوب فيها 43000 و بصراحة انا هصتخصر ادفع المبلغ دة في حاجة قديمة و بتبقي عاملة 100.000 كم و مش ضامن الموتور ممكن اجيبها و الاقي بعد كدة عاوزلها عمرة
هل السعر دة بيبقي مبالغ فية ؟ ولا هي كدة علشان تقفيل كوري ؟؟؟

هو موضوع السعر بيدخل فيه عدة حاجات, زى حالة العربية, وبلد تصنيعها والطلب عليها فى السوق, وأعتماديتها وقطع غيارها, فالمشكلة كلها فى معاملة صاحب العربية ليها, وتأديته لصيانتها الدورية وكده.

أنما هى كعربية مكانتش هتقعد ماشية بال 12 سنة لو مكانتش سليمة, فالفيصل على الحكم على العربية الكشف عليها وعلى حالتها ومعاملة صاحبها ليها, وطبعا حضرتك بتكشف عليها سمكرة وكبس موتور.

وسعرها غالى فعلا علشان تقفيل كورى, حاجة غريبة لما تبقى عربيتين نفس الموديل والفرق بينهم 6 سنين وبنفس السعر.

بس أنا معتقدش أن فيه عربيات كتير فى الرينج اللى حضرتك حاطه, ماعدا الكورى القديم, وممكن تقسط عربية جديدة.

رد: محتااااااااار بين الانوس و النوبيرا ارجو المساعدة

أنا لو مكانك أجيب نوبيرا طبعا ...... أنا أعرف واحد جاب نوبيرا ب50 ألف جميع الكماليات بس مش فاكر موديل كام بس عربية ممتازة

رد: محتااااااااار بين الانوس و النوبيرا ارجو المساعدة

المشكلة ان انا اخري فعلا 45 و عاوز اجيب عربية تكون عملية و صيانته سهلة ف ملقتش غير الانوس و النوبيرا
انا بسمع ان النوبيرا جامدة و حمالت قسية بس عيوبها كتير من الكهربة و قطع الغيار نادرة
اما الانوس فبسمع ان عفشتها ضايعة
ممكن الافادة و المساعدة ؟؟؟

رد: محتااااااااار بين الانوس و النوبيرا ارجو المساعدة

الانوس زى ما الاعضاء الحلوين قالوا تكسب من حيث العملية فى الحجم والصيانة وقطع الغيار ..

النوبيرا انا جربتها موديل 2000 واسعة مريحة اوبشنز اكتر (زى التكييف الالكترونى) لكن على فكرة استهلاكها للبنزين عالى شويه وتقيلة وسحبها ضعيف عن الانوس وخصوصا لو اتوماتيك

نصيحة اخوية : لو هتجيب لانوس او نوبيرا ابعد عن الاتوماتيك وبالاخص لو كنت بتحب الجرى والتسارع ...

بالتوفيق يا معلم ..

رد: محتااااااااار بين الانوس و النوبيرا ارجو المساعدة

انا عارف ان الاوتوماتك سمعتة في الدايو مش كويسة
انا عاوز اجيب حاجة تعيش معايا احنا معانا لادا من 81 بس علي طول ادينا فيها يعني استعملنا كويس ف نفسي اجيب حاجة تعييش لانوس ولا نوبيرا