|
رد: و تتوالى مفاجآت الجميلة M11
سمعت اي الي انهارت هو عشان نسخه او اتنين تقفيلهم وحش ده مش منطق ابدا متجربو العربيه كويس و خدو حقو قبل اي حاجه وهات الي انت عايزة معاك اجهزة تستات لو عايز كمان الشركات مش بتمانع لان ده حقك والقانون يلا يحمي المغفلين انا طلعت عنهم عشان اخد نسخه و انا مطمنلها من مدير الشركه لحد الفراش عرفني للي عملته بس الي حصل ولله الحمد نسخه كويسه لان فحصتها كويس واي ماركه غير الاسبرانزا بيحصل فيها كده انا اتقرصت من الهونداي و عشمان بقي ان شاري ماركه و طلعت نسخه طين بعدها واحد صحبي جاب مرسيدس عيون و مفيش احلي من كده تاخدها و انت مغمض نسخه زفت و جدا واحد معرفه جاب فيات برافو اعتقد دي عربيه محترمه و جدا وتلاقي الازاز بيتهز و الجلده مش مظبوطه و في فراغات بدخل مايه اما الدنيا بتمطر حاجات تقرف وتشل غير برضو مشكله بالدينامو الحوار مش حوار ماركه الحوار استعباط المستهلك ومعلش العربيه عامله زي الانسان اهتم بيها هتعيش معاك برضو الحوار حوار اهتمام و تعامل محترم مع العربيه وانك تفهم الديناميكيه الي شغاله بيها يعني موتور الاسبرانزا سحبه والنقله متصمم علي 4000 لفه مش زي مثلا الالنترا علي 2200 افهم العربيه صح و اتعامل صح . ومعلش علي الاطاله |
رد: و تتوالى مفاجآت الجميلة M11
اقتباس:
كويسه الا نسخه واحده اللى مع الاخ هيما وربنا يبركلوه فيها هوه الوحيد اللى بيشكر فيا الى الوقت الحالى باتلرغم ان غير طنابير وهيغير وصله شكمان والتكيف عمل حركه مش كويسه معاه وبعدين العربيه يكفى انها بيها عيب السكه اللى فى الموتور وقالو انه فعلا موجوده السكه فى جميع الام 11 وليس ليها علاج ودى طبعا هتاسر من عمر المتور بتاع العربيه ولاقدر لله ممكن تكسر الكارنك وتقول نسخه او اتنين حسبنا لله ونعم الوكيل |
رد: و تتوالى مفاجآت الجميلة M11
العربية مش كويسة خالص - ربنا يستر على اللى اشتراها- رغم انى كنت ناوى اشتريها والله العظيم
|
رد: و تتوالى مفاجآت الجميلة M11
اي الي مش كويس فيها ياريت توضح |
رد: و تتوالى مفاجآت الجميلة M11
أنا برضه مش فاهم المستهلك يبقى إزاى بيستعبط لما الدينامو بتاع عربيتة الجديدة يبوظ بعد شهر أو شهرين
أو لما تيل الفرامل يصفر معاه قب لما يكمل ألف كيلو لا طبعا التوكيل أو مصنع التجميع لازم يتحمل مسئوليته و يحافظ على معايير مراقبة الجودة عنده أنا مش مع أو ضد التوكيل أو العربية لكن منطق إن عربية زيرو يطلع فيها عيوب يبقى الغلط على المستهلك ده منطق مرفوض و غير معمول بيه فى أى مكان فى العالم و إلا مكانش يبقى فيه جهاز حماية المستهلك و قواعد الرد و اﻹستبدال و كذلك مبدأ القانون لا يحمى المغفلين لا ينطبق على عيوب التصنيع التى لا يمكن أن تظهر إلا بالإستخدام و إلا مكانش يبقى فيه ضمان ضد عيوب الصناعة و فى النهاية كل شخص حر فى رأيه و يعبر بيه بالطريقة اللى تريحة و لكن بدون تجريح فى أحد |
رد: و تتوالى مفاجآت الجميلة M11
اقتباس:
ثانيا لازم حضرتك تعرف أن اللى انت حاسس بيه ده كان انطباعى عن العربية فى الأول .. عربية شيك جدا بره و جوه .. شكلها يخطفك .. امكانيات هايلة ... يعنى اللى انت بتقوله ده مش جديد .. و تقريبا ده كان انطباع كل الملاك.. و اللى حضرتك ماتعرفوش اننا عملنا مقابلتين لملاك الأم 11 و هتلاقى المواضيع موجودة على كل المنتديات .. و أنا شخصيا أعرف حوالى 30 واحد من ملاك العربية و كل واحد عنده مشاكل فى عربيته... و بعدين ممكن أسأل حضرتك ايه التستات اللى انت عملتها على العربية و هى و اقفة فى المعرض .. أو ايه العيوب اللى انت متوقع انها تظهر فى عربية مشيت بيها نصف ساعة و بس.. أنا العيوب بدأت تظهر عندى بعد 5000كم... أخيرا أحب أقول لحضرتك ياريت يكون فى أسلوب للحوار أحسن من كده شوية .. المنتدى هدفه التعارف و تبادل الخبرات . و علشان كده أنا لما بتحصل حاجة كده بأقول عليها.. مش هدفى انى أكره حد فى عربيته.. |
رد: و تتوالى مفاجآت الجميلة M11
يا جماعه و الله انا مقصدش اضايق حد ولا ان اجرح حد و حقكو عليا لو ضايقت حد بسببي بس انا كلامي مش كلام ان العربيه ماشيه بس 2000 لا انا اعرف ناس عندها نفس العربيه و عدت ال 10000 و مفيش مشاكل بصراحه انا مش عارف اي السبب وسالت ناس كتير عندنا في طنطا ماكلين العربيه وشوفت العداد معدي 15000 ويقولي تمام واساله علي الدينامو و يقولي محصلش بس في واحد قالي ان عيسي بدا يظبت العيوب قبل ما يسلمها للمستهلك والله مش عارف صحتها من خطئها بس الي شايفه و الي شايفه ملاك كتير بنفس العربيه انها زي الفل بالنسبه للتستات عزم الموتور و كهربه العربيه انك تجرب قوة الفرامل تخمس بالعربيه ودي عملتها شخصيا صوت الموتور وعلي فكره حوار الزنه الي بتحصل دي انا مش عارف بصراحه بتقولوها ازاي انا ركبت نسخ كتير منها ومعديه 10000 كيلو ولا فيها اي حاجه وعلي فكره بنزين الموتور 92 مش 93 زي ما قولتو و ده كلام صيانه عيسي و الكاتالوج واسف علي اسلوبي لو ضايقكو |
| الساعة الآن 07:49 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017