|
رد: دعوة للمشاركة عيوب سيارتك اية؟
اقتباس:
|
رد: دعوة للمشاركة عيوب سيارتك اية؟
اقتباس:
ياريت تقولنا العيوب الى ظهرت التوكيل حلها ازاى |
رد: دعوة للمشاركة عيوب سيارتك اية؟
انا معايا كيا برايد 96 عيبها ان صاجها ضعيف شوية والعربية خفيفة يعنى لما ببقى واقف وبيجرى من جنبى ميكروباص بسرعة كبيرة بحس بالعربية بتترج ولما باكون ماشى برضو بحس بان العربية بتتأثر .
وموديل العربية بالنسبة للموديلات اللى بعدها تعتبر افقرهم بالنسبة للكماليات . |
رد: دعوة للمشاركة عيوب سيارتك اية؟
حاليا انا مستلف عربية سريون موديل 2004 100سىسى مطلعة عين الى 00000 قطع غيار نار نار صاج ضعيييييييف
بس ماتور حلو حتى مع التكييف تمام وسحبها حلو |
رد: دعوة للمشاركة عيوب سيارتك اية؟
فعلاً موضوع جمييييييييييييييييييييييي يل.
أنا ليا 3 تجارب هحكيهالكوا. 1 - فيات 128 ( طبعاً انا هتكلم بالنسبة للفئة بتاعتها وموديلها) العربية قعدت معايا 5 سنين كانت موديل 76 العربية كويسة والسحب معقول جبت بيها 130 وممكن تمشي بيها وانتا مسافر 90 او 100 لكن اكتر من كدا العربية تسخن منك . قطع الغيار طبعاً منتشرة جدااااااااااااااااااااااا اااااااااً بس بردو بتبوظ بسرعة ومش معمرة ( كنت بغير شداد وسلك دبرياج كل 4 شهور تقريباً . العربية مش واطية وارتفاعها كويس ولو اهتميت بيها هتبقلى معاك زي الفل. بأختصار بالنسبة لسعرها هيا كويسة. 2 - لانسر 2004 1300 اوتوماتيك. مع والدي من 2004 العربية ممتازة وزي الفل وعاملة 135.000 كم بس عيوبها - انها واطية يعني لو معاك 2 ورا احجامهم متوسطة بتحك معاك بس مش في كل المطبات لكنها في النهاية واطية - العربية سحبها بيتأثر بالتكييف بس لو انتا مش بيفرق معاك قوي مش هتحس بيه يعني انا جبت بيها 165 كم بالتكييف لكن لو بيفرق معاك السحب هتحس ان السحب اتأثر عكس ال 1600 كانت مع صاحبي التأثير بتاع التكييف أقل كتير طبعاً قطع الغيار منتشرة واسعارها كويسة و صيانتها سهلة. 3 - أوبل كورسا 99 ال1000 العربية الي عاملة مشاكل العربية معايا من شهر 12 2009 العربيه كويسة وسحبها كويس بالنسبة لأنها 1000 سي سي لكن مع التكييف بيتأثر السحب لكن انا جبت بيها 160 والتكييف على 1 - العربية قطع غيارها مش منتشرة وغالية وقطع غيار ال1000 أغلى من قطع غيار الكورسا ال 1200 الي هيا من موديل 94 الي 97 كباس التكييف عندي ب 2950 جديد الكورسا ال 1200 ب 1750 جديد - والكورسا ال 1200 صيانتها اسهل لكن ال 1000 صيانتها صعبة شوية ( يعني مثلاً هوا سير واحد الي رابط الدينامو و الكباس بتاع التكييف وحاجة تانية مش فاكرها بصراحة ودا علشان تغيروا لازم تفك قاعدة المحرك علشان تركبوا ) ( فلتر الزيت بتاعها كبس مش زي الفلتر العادي الي موجود في معظم العربيات) - العربية ثباتها معقول على حجمها - العربية كتقييم عام فهيا كويسة بالنسبة لسعرها ولو أهتميت بيها هتبقى زي الفل لكن ال 1200 أفضل من ال 1000 . أتمنى أكون قدرت أشرح كويس ولو اي حد عندو أي استفسار انا تحت أمركوا. |
رد: دعوة للمشاركة عيوب سيارتك اية؟
العبد الفقير إلى الله معاه كيا سيراتو 2005 (إدعولي ربنا يقومها بالسلامة)
عيوبها.... مستوى الأمان متدني و عضم ضعيف لكن صاج قوي... إستهلاك بنزين عالي (لكن ممكن يكون عيب في Lambda Sensor ).... ثبات جيد بالنسبة للكوري (للكوري فقط!!!)........ مكن الكلاكس في قلب الطارة مش أطرافها... باور ضعيف.... الفرامل اللي ورا حلل (Drum Brakes).... ما فيهاش غمازة إشارة في الجنب... والله أعلم... في رعاية الله....... |
رد: دعوة للمشاركة عيوب سيارتك اية؟
اقتباس:
و علة فكرة معظم العربيات الجر الأمامي لازم تفك القاعدة اليمين علشان تغير السيور فعادي جداً والله أعلم... في رعاية الله... |
| الساعة الآن 02:02 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017