المشاركة الأصلية كتبت بواسطة AbOnOrA (المشاركة 789162)

اولاً قدر الله وربنا فعل ربنا يجعله ف ميزان حسناتك يارب

بس انت برضو فكر فى ركنة تانية يمكن الركنة ديه (ملطشة) ولا حاجة وممكن تعمل زى الناس معلش وتحط حواليها طوب وان كانت الستات فى السواقه مش هيفرق معاهم الطوب ولا نيله

بص يا سيدي بالنسبة للتكلفه فهى هتختلف جداً على حسب انت هتعمل ايه عايز ترجعها فابريكا ولا تلم الليلة وخلاص

لو على لم الليلة ممكن تترد على البارد ويتعمل شغل العفشه وتغير الفانوس وتمشى بيها كده
وعلى اخر السنة تبقى تشد العربيه كلها

انا بصراحة كنت دايماً احب اعمل كده اسيب العربيه تتخبط واى خبطة اردها على البارد او اسيبها وبعد سنة سنتين لما الجنبين يبقو استوو خلاص اسمكر وارش الجنبين

انا برضو معرفش عربيتك لونها ايه بس غالباً لو رشيت باب واحد ورفرف هتبقى باينة علشان فممكن تضطر تعمل الجنب كله وده مع السمكرة مع الفانوس خبطة برضو

بالنسبة للفانوس صحيح انزل جيبة الصينى كنت جايبة ب 80 جنية وعاش معايا 4 سنين وبعت العربيه وهو شغال زى الفل احسن من الفابريكا كمان

حاجة العفشه معرفش هتتكلف كام بس بسيطة ان شاء الله هى عفشتها كلها رخيصة

والرد على البارد ممكن يتلم فى حدود 100 ولا حاجة

وبالتالى ممكن الموضوع كله يتلم فى رينج تحت ال 500 جنية

لكن لو هترش الجنب كله واكصدام وتغير فانوس وتصلح عفشه اكيد هتعدى ال 500 ويمكن تعدى ال 1000 كمان

معلش بقى فداك وقضاء اخف من قضاء وابقى طمنا عملت ايه

المشاركة الأصلية كتبت بواسطة mtc_46 (المشاركة 789134)

ملش ولا يهمك اهون من غيرها لو شفت الناس الي اتسرقت عربياتهم حتقول قضاء اهون من قضاء انشاء الله حترجع زي الفل المهم انت واسرتك بخير بس عملت ايه مع الي خبطها

المشاركة الأصلية كتبت بواسطة mtc_46 (المشاركة 789235)

المشكلة مش فى السمكرة -مع ان العربية كانت فابريقة برة بالكامل و كدة بالسلامة- لانها زى ما حضرتك قلت ممكن تتلم ب 500 جنيه .. لكن المشكلة فى العفشة .. العربية مش نافع يتمشى بيها كده و عمالة ترقص و تحدف ولازم يتغيرلها دنجل .. و الراجل العفشجى قاللى ان سعره لوحده بيوصل ل 3000 جنيه!! .. هل الكلام ده صحيح؟

المشاركة الأصلية كتبت بواسطة شريف كامل (المشاركة 789898)

لا اعتقد ان كلام العفشجي صح استشر اكتر من واحد وشوف ربما ممكن لحامة او اصلاحه