مصر موتورز مجتمع السيارات - يجماعة ألهأونى أنا تعبت

انا بعت اللادا 1995 و كنت ناوى اشترى a516 لدواعى الرفاهية و لانى كنت حاسس بالنقص وانا راكب اللادا
بعد مالفيت فى المنتديات و سمعت كلام الناس اللى عندها العربية ديه بصراحة انا كنت عايز اضرب نفسى مية جزمة انى بعت اللادا..
من القصص الجميلة اللى سمعتها قصة مشابهه ان الموتور شيع بعد 50000 كم.. بدأت بالدخنة البيضة و بعدين اثرت على السحب و التكييف و الباور و كل حاجة.. لما صاحبها راح للميكانيكى عشان يفك الموتور لقى الصبابات مصدية هههههههه..
اقسم بالله العربية ديه دلوقت بتتباع بالاسعار ديع
ا 516 موديل 2007 عاملة 35000 جم - 38000 جم
ا 516 موديل 2008 عاملة 38000 جم - 40000 جم
الموديلات الاعلى تقيلة فى البيع لان صاحبها حيخسر لو باع بالسعر ده و المشترى حيخسر لو اشتراها بسعر عالى..

من القصص الجميلة بردو ركبت عربية a516 موديل 2010.. وفى الحقيقة اول عربية حديثة فى حياتى الاقيها بتتهز على السلانسية ولا اكنها كاربراتير.. انا كنت مفكر ان العادة ديه فى اللادا بس..

بمنتهى الامانة و الثقة احب اقولكم ان العربية ديه المفروض تتباع ب 50000 فقط لاغير فى الاجانس.. حرام فيها 70000 والله حرام..
وال a113 واجبها 35000..