مصر موتورز مجتمع السيارات - اتفرجوا ع الشرطه بتعمل ايه فى الحوادث

مصر موتورز مجتمع السيارات (https://www.masrmotors.com/vb/index.php)

- حوادث السيارات (https://www.masrmotors.com/vb/forumdisplay.php?f=201)

- - اتفرجوا ع الشرطه بتعمل ايه فى الحوادث (https://www.masrmotors.com/vb/showthread.php?t=98971)

رد: اتفرجوا ع الشرطه بتعمل ايه فى الحوادث

المنظومة الامنية باكملها فااااااااااااااشلة
قوانين و تنفيذ و تحقيق و محامين ايضا ( المحامين بتوع بير السلم معدومى الضمير )

رد: اتفرجوا ع الشرطه بتعمل ايه فى الحوادث

اقتباس:

المشاركة الأصلية كتبت بواسطة m_ss2 (المشاركة 769187)

طب كلام حضرتك ان العربيتين اتحركوا وسابوا مكان الحادثة
يعنى مفيش اثبات ان الحادثة وقت بينك وبينة
---------------------
هل اخدتى صور للحادثة
=========
بالنسبة للمحضر اولا بيبقى محضر اثبات حالة لو النجدة جت وعاينت واسمة اثبات علشان هى بتثبت واقع ملموس
انما لو حضرتك هتحكى الى حصل بدون اثبات يبقى محضر عادى
ومفيش حاجة اسمها يومين وبيطلع الكلام دة الى بيحددة النيابة مش الداخلية حسب خطوة الحادثة
وكمان انتى بتقولى انه مكنش معاه رخصة يعنى دى مصيبة تانية
--------------------------------
فى بعض الضباط او المسئولين عن كتابة المحضر بيكسلوا يمسكوا القلم او يتعبوا دماغهم فى كتابة المحضر او الوقف مع الحق لانهم بيبقى شايفين الموضوع بمنظور تانى وساعات مبيكنوش بيعرفوا يكتبوا اصلا وبيتكسفوا من الاخطاء الاملائية
--------------------------
نصيحة بقى لاى حد يحصل معاه الكلام دة
************************* ***********
- صور الحادثة باى موبايل
- اطلب النجدة
- لو مجتش واضطريت تروح القسم خلى الى هيكتب المحضر يعمل معاينة للعربيتين ويذكر الاضرار بالتفصيل
- المكلف بكتابة المحضر لا يحق له التدخل فى اى اقوال ليكى هو كل وظيفتة انه بينقل شكوتك بالتفصيل فى محضر رسمى
- فى حالة الامتناع من الظابط او من سوف يكتب المحضر يبقى تدخلى لمأمور القسم وتشرحيله بالتفصيل
بيانات المحضر لازم تشمل الاتى
- تاريخ اليوم وساعه كتابة المحضر
- البيانات الكاملة للطرفين من واقع اثبات الشخصية
- بالنسبة للاضرار المادية يجب ذكر الضرر بعد معاية المسئول عن كتابة المحضر وذكر الضرر بالتفصل فى ملحوظة داخل المحضر
======================
رقم المحضر او رقم الاحول لابد من الانتظار حتى تسجيل المحضر فى دفتر احوال القسم وبتحصل على رقم الاحوال لمتابعة القضية فى النيابة التابع لها القسم
لان فى ناس معندهاش ضمير فى الداخلية ممكن ترمى المحضر فى الزبالة
ومحدش يقولى عملنا ثورة والكلام دة معدش موجود
الثورة قدامها 30 سنة علشان تطلع مجتمع سليم

طب ماهو حضرتك عارف اكيد انك لو اتصلت بالنجده عمرها ما بتيجى غير فى اخر الفيلم العربى ده لو جت اصلا ( حصل مع قرايبى نفس الموقف واستنوا النجده لأكثر من ساعتين ومجتش ومشيوا )

وبخصوص المحضر هو مذكور فيه التلفيات بالتفصيل فى عربيتى وطبعا بياناتى ورقم لوحه العربيه اللى خبطتنى وواخد رقم ومكتوب عليه مخالفات ( يبقى سليم ولا ايه )

والغريب ان ليه الظابط يعمل كده وهو ميعرفش السواق ده اصلا ايه مصلحته معاه انا هتجنن

وغير كده

رد: اتفرجوا ع الشرطه بتعمل ايه فى الحوادث

اقتباس:

المشاركة الأصلية كتبت بواسطة queen (المشاركة 769199)

========================= ======
على فكرة النجدة بتيجى بعد ما الفلم يخلص مش فى اواخر الفيلم
والحل انك تنزلى تصورى الحادثى من كل الجوانب ويا سلام لو قدرتى تخطفى اى حد من الناس الى شافت الحادثة وتخلية يشهد بالى هو شافة فى القسم ودة صعب لان الشعب المصرى بيخاف يدخل القسم حتى ولو كان داخل يسال عن الساعة كام
ثانيا : باين من كلام حضرتك ان المحضر اتعلم بناء على اقوالك انتى بس وانه مسالش الراجل التانى عن اى حاجة او اثبت انه كان موجود اصلا
------------------------------
انا عايز اسال حضرتك سؤال .
اية الدليل ان كلامك عن العربية الى خبطتك مظبوط مش ممكن الراجل يجيب شهود مضروبين انه كان قاعد معاهم ساعتها
كمان هو كدا ضيع حقك فى التامين . لان التامين لازم يثبت ان الخطاء غير مقصود منك
وطبعا الى هيثبت الكلام دة هو التحقيقات مع الجانى او المشكو فى حقه ونتيجه هذة التحقيقات
هو زى ما قولتلك شكلة ظابط عنده عقدة او متروق فى البيت قبل ما ينزل الشغل و مش طايق يتعامل مع حريم خالص ههههههههههههههه
كنتى استنيتى لحد ما يحل مشاكله الاسرية

رد: اتفرجوا ع الشرطه بتعمل ايه فى الحوادث

الشعب يريد إستيراد شرطة صينية POLICEE
:36_2_16::36_2_16::36_2_1 6:

رد: اتفرجوا ع الشرطه بتعمل ايه فى الحوادث

الداخلية عاوزة غسيل بكلور وفنيك
أصل ريحتها وحشة أوي