رد: السواقه بقت حاجه تخنق
 

اي حاجه البنت هتعملها متزعليش يعني هتلاقي رد الفعل انواع زي اللي ذكرتيها دي
عموما الحل هو التجاهل بمعني انتي اعملي اللي شايفاه صح ودي حاجات انا بحاول ان انا اعملها علي قد ما اقدر
متخليش محدش يستفزك انك تشدي معاه
ولو موقف زي اللي حصلك دة متقفيش اصلا ولا تتعبي نفسك بالكلام
طالما العربية سليمة ومفيش مشاكل توكلي علي الله لان الكلام مش بيفيد عامة بالذات في السواقة
(الرد الطبيعي .... انتو اية اللي خرجكو من بيوتكو ... انتو بتعرفو تسوقو اصلا .... )
احمدي ربنا انك خرجتي بالسلامة ورجعتي بالسلامة من كل مشوار

ولعلمك انا شايفة ان كلمة الستات مبتعرفش تسوق كلمة لصالحنا!!!
تمسكي بالكلمة بقي واعملي اللي انتي عايزاة !!!:angel2W22:

ربنا يسلم طريقنا جميعا
شكرا للموضوع الجميل

رد: السواقه بقت حاجه تخنق
 

ايه يا بنات بقي كده اسيبكم شويا اجي الاقيكم مشمتين فينا الاعداء ولا ايه

بصي يا قمر انا عايزاكي تسوقي زي العربجيه والمكروباصات
انسي ان في عربيات جانبك وعيشي حياتك
احرقي دمهم زي ما هما بيحروقولك دمك
ولو حد فيهم عاكسك افتي الميا اللي بترش علي الايزاز بتاع العربيه وف وشه
احنا هنخاف ولا ايه
او تعالي جانبه وديلوا خربوشه ولا اتنين
او اعملي عليه غرز
اواكسري عليه واغلسي عليه



بنات استرجلوا مش كده هيتاكل حقنا لو فضلنا نعيط علي اي حاجه تحصل ROSE4U

رد: السواقه بقت حاجه تخنق
 

نحيطكم علماً بأن الأخوه عربجية الطريق (ميكروباص , نص نقل , توكتوك) بيتعاملوا بمنطق إنهم الوحيدين فى الدنيا اللى بيعرفوا يسوقوا و منهم اللى بيستخف نفسه و بيفكر نفسه راكب عجله ... أنا لسه من أسبوع رايح الصحراوى من المحور و عند طلعة السودان بأخد شمال علشان الطريق ماشى شويه فى الشمال (لإن اليمين واقف خالص) لقيت نص نقل فركت من يمينى و رمت عليا و أكلت المراية اليمين و اللى سايقها راجل عجوز و عربيته ما فيهاش شبر مش مخبوط ... المهم طولت متر و فتحت الزجاج لقيته بيقولى (إنت نايم؟) ... مسكت نفسى و قولتله ( يعنى غلطان و مش عاجبك؟) و خفت أخسر صيامى
الناس دى إتعودت ترمى بلاها قبل ما اللى قدامها يتكلم ... فعلاً الواحد مضطر يخللى باله من أخطاءه و أخطاء غيره على الطريق لإن الفئات دى بتعتبر نفسها محترفة و أصحاب الطريق
معلش إفتكرت حاجة: قبل ما أتعلم السواقة (مش من كتير) كنت خايف لغاية ما قولت لنفسى ده البصمجية بيسوقوا تريلات و أنت خايف تسوق؟!.. و لكن لما بقيت على الطريق و بأمشى 3 ألاف كيلو كل شهر منهم ألف كيلو وسط البلد و أوتوستراد و الباقى صحراوى ... عرفت دلوقتى سواقة البصمجية عاملة إزاى!..:12422A~17:

رد: السواقه بقت حاجه تخنق
 

انت عارف لو الناس تسوق كويس مش هنخبط حدا لكن انت فجأه تلاقى بوز عربيه بيكسر عليك جت امته متعرفش ولو ملحقتش تلم نفسك انسى
اه والله ربنا يكون فى عوننا :sd:

هههههههههههه لو تعرف نبنقى هنفرقع اد ايه مكنتش تعاكس :36_1_1[1]:

عامل كان الشارع بتاعه وفعلا دول من النوع اللى كلوهم بالصوت لايغلبوكوا هو باشا ومبيغلطش واللى عامله ده صح مش كفايه عاملكوا طوب علشان تبتبهوا عايزيه يعملكوا ايه تانى :010105~332:

كمان هههههههههه والله اعظيم احنا بشر برضه عادى يعنى اننا نسوق :w6w2005041122053268
كنت فى اول ما اتعلمت اى حد يستفذنى اشد معاه بس دلوقتى عقلب شويه الحمد الله

معاكى حق والله انا دلوقتى حاسه انى عقلت عن الاول مبقتش بشد مع حد بمشى على مهلى وبراحتى واللى مش عاجبه هو حر :36_2_16:
بس اخيرا سمعت كلمه فى صالحنا كنت بعدى جمب واحد والطريق كان واقف سمعته بيقول لصاحبه
شوف البنات ملتزمين ازاى ولا بسين الحزام والله حاجه جميله لو الكل عمل زيهم مش هنسمع عن كميه الحوادث دى
فالكلمه دى بسطتنى جدااا ياريت كل المعاكسات ترفع المعنويات كده :fun_36_3_16[1]:
ههههههههه عارفه يا مرمر بقالى فتره بسوق بالدراع لدرجه مره سواق نقل بيرخم عليا يدخل قدامى هو يرمى بوز عربيته اروح كاسره براحه وراميه عليه
فى الاخر قالى انتى مش خايفه على العربيه ولا ايه
مش هينفع السواقه الا كده فى مصر والله

هههههههههههههههه والله معاك حق
اكتر فئه بترعب منها النقل اللى بمقطوره تلاقيه ماشى باللى قدام واللى ورا بتتنطط لوحدها شويه يمين وشويه شمال
ولو عمل اى حاجه يبقى انت اللى غلطان مش هو ولعلمك بيكون معاهم عصايه حديد كده لزوم البلطجه شفت بعينى خناقه كده فبلاش منهم خااالص
ربنا يرحمنا بقى من الاشكال دى

رد: السواقه بقت حاجه تخنق