مصر موتورز مجتمع السيارات - هل يمكن ولا اعمل ايه بالظبط

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - هل يمكن ولا اعمل ايه بالظبط (https://www.masrmotors.com/vb/showthread.php?t=54990)

رد: هل يمكن ولا اعمل ايه بالظبط

اقتباس:

المشاركة الأصلية كتبت بواسطة tarbook (المشاركة 426401)

بص انا هقولك نصيحه لوجه الله الى يمشى صح يحتار عدوك فيك والعجله الندامه والسكه السلامه

بص يا جميل انتا بتعرف تسوق كويس طلما انتا طلعت بالعربيه وحركتها من مكنها ومشيت بيها وسط العربيات يبقى بتعرف تسوق بس فى نقطتين
1 - اعرف ابعاد العربيه الى انتا ركبها ازاى يعنى يعنى تعرف بعد الربيه من ادام من الكابوت اد ايه ويمينك اد ايه ووراك اد ايه عشان تعرف تتحكم بيها كويس وكل ما كانت صغيره كل ما كان احسن .
2 - الفرامل اهم حاجه فى القياده يعنى حاول بقدر الامكان مدوس فرامل مفاجاه .
دى اهم حاجتين وربنا معاك وبرده لازم القلب ومتستعجلش فى اى تصرف غير لما تكون متاكده انه صح وان شاء الله خير وربنا معاك ويوفقق ونصيحه عايز تركب طريق سريع ومريح فى الاول الدائرى منيب سهل ومش زحمه

لا بجد شكرا على النصيحه دى بس بجد ربنا يسترها علينا ويكفينا شر العربيات كلها يا رب العالمين

رد: هل يمكن ولا اعمل ايه بالظبط

تسلم يا جميل

رد: هل يمكن ولا اعمل ايه بالظبط

انا استفدت من نصايح الاعضاء زيك انا اتعلمت فى مركز واخويا ركبنى عربية صاحبة راح صاحبه قاله بلاش تجيب لها جديد دلوقتى اشترى عربية ب5 او 6 الاف تتعلم فيها اكتر وبعدين اشترى جديد اخويا اقترح حل ارخص انه ياجر لى عربية 127 لمدة 10 ايام اسوق فيها وسط الزحمة واجيب عربيتى اركنها واطلع عليها بعد الفجر اتعلم عليها واحفظها وبعدين نرجع العربية الايجار اصلهم بيقولو ان نيسان صنى حجمها كبير على حد جديد

رد: هل يمكن ولا اعمل ايه بالظبط

انا لى راى مخالف وعن بصيرة
انت اعمل اللى بدالك جوة البلد وامشى زى ما انت عاوز لان كبرها اية لا قدر الله خبطة رفرف شبكة فانوس ودى كلها حاجات مقدور عليها
اما الطرق الصحراوية والطريق الدائرى نصيحة من اخ اكبر ليك بلاش دلوقتى لانى كل يوم بسافر على الطرق الصحراوية وبامانة عاوزة خبرة اكبر ولو لا قدر الله حصل حاجة العواقب وخيمة وممكن تدمر العربية بتعتك او عربية غيرك فى داهية الحديد بس الانسان ضفرة لا يمكن يتعوض
دة السواقين اللى بتشوق من سنين زى سواقين التاكسي بشوفهم على الطرق السريعة بيعملو غلطات فادحة ...........عارف انا بحس بجد ان مش اى حد يسوق ويسافر على الطرق السريعة بحس ان فى لغة كدة معينة بينك وبين العربية وبين الطريق امتى اهدى وامتى اتوقع خطا الغير
امبارح وانا نازل القاهرة من طريق السويس فى منحنى جامد شوية واخر المنحنى دة عربية نقل محملة سن ( المادة المستخدة فى البناء) مقلوبة على الطريق والسن فارش الارضية تماما ومشكلة السن انك بتفقد التحكم فى العربية كليا وكمان بعد منحنى يعنى انت مش شايف وبصراحة كان موقف وحش جدا
انا عاوز اتكلم كتير بس عشان مصدعش دماغك خليك كتير سوق جوة البلد واجل موضوع الصحراوى دة لوقت تانى

رد: هل يمكن ولا اعمل ايه بالظبط

اقتباس:

المشاركة الأصلية كتبت بواسطة mrastra (المشاركة 440346)

بجد رايك انا خدت بيه لانى بصراحه خفت شوية من الطريق ويعنى مرة على مرة وربنا هيكرمنى ....... تسلم بجد وشكرا ليك