مصر موتورز مجتمع السيارات - لماذا لا نفعل حملة خليها تصدي في ضوء الثورة المجيدة

اقتباس:

المشاركة الأصلية كتبت بواسطة sad-bird (المشاركة 370357)

للأسف الفساد موجود بينا قبل ما يكون فوق
مش في الجمارك بس ولا في الاسواق بس ولا في الحكومة بس
بينا وبين بعض موجود الفساد
واضربلك شوية امثلة بسيطة للحياة اليومية
لو روحت تجيب عيش تلاقي صاحب الفرن شغلا عادي بيبع ولا في دماغه لكن لو واحد حبيبه دخل عليه يقوله اصبر شوية اصل العيش مش خمران كويس استني لما يتظبط وهديلك
لو واحد فلاح عنده شوية بيض والا جبنة والا خضار كويسين يروحمعدي على واحد حبيبه يقوله دول ليك وثمنهم كذا قب لما يفكر يروح لواحد تاني او ينزل بيهم للسوق لمجرد انه بيحب فلان ده عن غيره
تروح للميكانيكي اللي انت عارفه يركن كل الناس اللي عنده ويقف على عربيتك انت يخلصهالك ليه ياعم اشمعنى ده اصل ده حبيبي - اصل ده مقدر اتأخر عنه اصل بيدفعلي اكتر او بيدفع من غير فصال .... إلى اخره من مواقف مستفزه في حياتنا اليومية

اما بقى عن رفع الجمارك فانا ليا رأي تاني خاااااااااااااااااااااااا االص والناس كلها هتستغرب رأيي ده
انا مع فرض رسوم اضافية على السيارات المستوردة او السيارات التي ليس بها اي مسامهة مصرية
ليه بقى
لان بكده انا هشجع المنتج الوطني وده هيفتح شركات ومصانع وتشغل فيها ولادنا وولادنا لما يشتغلوا وينتجو نبقى عوزين نصدر نشغل التجار في التصدير
يبقى من باب اولى بدل تخفيض الجمارك
لا انشاء مصانع وانشاء خطوط انتاج لسيارات مصرية او سيارات تجميع مصري على الاقل في المرحلة الحالية
وتحسين الانتاج خصوصا في حاجات الكماليات بدل ما اروح اجيب منتج صيني وال هندي والا تركي لا اروح اجيب المنتج المصري
مع العلم ان المنتج المصري عالي الجودة في الغالب لكن رديء التشطيب

شكرة زي النصر للسيارات ( الفشل للسيارات على رأي واحد حبيبنا ) ليه ما استغلش قدرت الشركة دي واماكنتها وارجع عمالها اللي حولتهم معاش مبكر واجيب طلبة هندسة تعمل مشاريعاها فيها وتنفذ التصميمات بتاعتهم على ساشية مصري - وماتور مصري - وفرش مصري - وتابلوة مصري ومنظومةتعليق مصرية 100 % تفتكر ده هيتكلف كتير ولو اتكلف كتير النهاردة على المدى البعيد هيبقى تكلفته ايه مع مراعاه انالبينة التحتيه للمصنع موجوده انت هتطورها بس يعني تكاليف الانشاء هتبقى اقل لانك مش هتبدأ من الصفر ( عندك الارض وعندك المكاتب وعندك الورش وعندك العدد كلها وعندك الروافع يبقى ناقصك ايه المعدات الحديثة وتدريب الايدي العاملة ) وفوق ده عندك مراكزالصيانة متوافره في وسط البلد وفي اماكن معقولة ولا هتجيب اماكن سعرها عالي ولا هتروح في الصحراء
انا شايف ان لو وزير الصناعه ووزير المالية خصص ميزانية لاعداه تطوير النصر للسيارات ممكن في خلال 5 سنين نسمع ان فيه عربية مصري تنافس السوق الاسيوية على الاقل ( ما عدا اليابان طبعا )
والا ايه رأيك

عزيزي Sad bird
أولا أشكرك على الرد لأهمية هذا الموضوع
و اتفق معك تماما على وجود الفساد فيما بيننا لأن معظم جيلنا تربى في عصر الفساد و لم يتعلم قيمة الشفافية
أما فيما يتعلق بموضوع الجمارك فمع تسليمي بضرورة حماية الصناعة المحلية فإنه حتى زوال النظام السابق كانت كل مميزات حماية الإقتصاد و النمو تذهب في مصلحة المستثمرين فقط دون أي منا كشعب لدرجة أنهم يحصلون على مبالغ كبيرة جدا لدعم التجميع المحلي الا أن ذلك كله للأسف كان يذهب لكروش المستثمرين و كبار التجار
بل أنهم لا زالوا اخذين في رفع غير مبرر للأسعار
أما فيما يتعلق بمصنع النصر فالذي خربه هو ادارته الفاسدة و التي كانت تدفع مرتبات و بدلات باهظة لكبار موظفي الشركة مما أرهق الخزينة و أثر على سعر المنج ليصل بسعر الشاهين على سبيل المثال سنة 2007 الى 68 الف جنيه بينما الإسبيرانزا 1600 التي لا تقارن بها كانت ب67 الف جنيه مما دمر ذلك المصنع العظيم و عماله و لو كانت منتجات شركة النصر تباع بأسعارها الحقيقية لما وجدت مواطنا مصريا يركب سيارة غير الشاهين و 128 و لكن الخلل الإداري و فساد القائمين على المصنع عصف به و بعماله و حسبي الله و نعم الوكيل
المشكلة يا عزيزي في فساد التجار و من يدعمونهم في الخفاء و نحن بانتظار طوفان الثورة ليعصف بهؤلاء الذين اذاقونا طعم الحرمان من كل سلعة جيدة على مر السنوات الماضية و علينا أن نقاطعهم على الأقل في الأشهر القادمة و ان شاء الله سوف يغرقون في طوفان الثورة
اليوم قرأت على مندى سيارات جاك الصينية نها وصلت في خلال اشهر بسيطة من 70 الف جنيه الى 84 الفا و أحد المتحمسين على ذلك المنتدى و للأسف اسمه مسبوق بحرف د. فرحان و متحمس قوي ان سيارة صينية يصل سعرها الى 84 الف و مش عاجبه الناس اللي بتهاجم التوكيل
طب يا أخي اتكسف على دمك و داري ما فعله بك الوكيل الحرامي و قف و ساند أخوتك المواطنين في الهجوم على ذلك التوكيل الحرامي الذي يحول دوننا و دون شراء حتى سيارة صينية - مع تسليمي الكامل [ان الصناعة الصينية شهدت تطورا عظيما و لكن كما يقول المثل كل برغوت على قد دمه فالأوربي له سعر و الياباني اقب ثم الكوري ثم الصيني لكن تجارنا لعنهم الله عاوزين يولعوا فينا