المشاركة الأصلية كتبت بواسطة mmffor (المشاركة 351987)

تحيا أعظم ثورة مصرية، التي قد تكون أعظم ثورة في التاريخ، التي ألهمت العالم، التي كانت غربالا، لتعلم من هم العقلاء و الحكماء و من هم الذين نجح نظام إعلامي و تعليمي ظل ثلاثون عاما ماسك دبوس و بيفسي عقولهم من أي منطق.

المشاركة الأصلية كتبت بواسطة engima (المشاركة 352111)

و فى النهايه احيك على الموضوع و احيى الناس بتوع المظاهرة الاولى 25 بس بعد كدا بحيى الناس اللى هما فى ميدان التحرير و مش عايزين يمشوا بعد خطاب الريس الثانى اقول لهم ان انتم اخذتم الجائزة الاولى فى الوطنية ( لقد ساقوقم مثلما تساق البهائم):090104~384:

المشاركة الأصلية كتبت بواسطة engima (المشاركة 352111)

اولا السلام عليكم

-ازيك يا mmffor انا اكنت عاوز اتكلم فى الموضوع ده واختلاف الراى لا يفسد للود قضية ( او للوز صنية) ما علينا وانا اتكلم عن كل نقطة على حدى و هاقول راى بصراحة واتمنى انك ما تزعلش منى لو اتكلمت بحدة فى بعض النقط .

- الوجبات و الاموال : بص يا باشا انا متأكد من موضوع الفلوس و الاموال ولكن الوجبات دى( الله اعلم ) بس فى ناس كتير عاوزة الوضع يفضل كدة و اغلبية الناس اللى كانت بتدفع فلوس بيبقوا اجانب و بيدوا الناس شعارات لاسقاط مصر .


- المتظاهرين و الدورات الخارجية: بيتهيئلى ان الموضوع ده محدش يخوض فيه لانه موضوع شائك و ممكن يكون صح او خطأ و كلنا نعرف ان الناس دى ممكن تعمل اى حاجة (اسرائيل و امريكا) اه معلش كنت هانسى بلاش تدخل شحاته و المنتخب فى الموضوع لان كل اللى اتعمل فى 6 سنين ضاع فى مباراة مصر وامريكا و اصبح الترتيب لمنتخب مصر حاجة و ثلاثين بعد ما كنا التاسع و خلاص الدورى مفيش السنا دى و ممكن مافيش كاس امم كمان .


- القوى الخارجية : معلش يا باشا مينفعش الكلام اللى مكتوب لانه بعيد كل البعد عن الصحة و مينفعش نهزر فى الموضوع دة يا باشا لان فعلا دلوقتى ايران بتخبط فينا و لبنان كمان و الجماعات الاسلامية و الراجل اللى هوا قائد التيار الاسلامى فى ايران مش فاكر اسمه معلش يا باشا ماتحسسنيش انك مصرى من قطر (ما تزعلش منى)



- نيجى بقى لموضوع ان اختفاء الشرطة هوا سبب ان البلد واقفة معلش انا مش موافقك لان ايه اللى خلى الشرطة تختفى !!!! مش المظاهرات يا جماعة (يعنى انتا عجبك يا باشا وقف الحال ده انا والله بقالى اسبوع ما روحتش الجامعة)........... والله الشرطة كانت بتدافع عن نفسها و كانت عايزة تقلل التجمعات بقدر الامكان و بدأوا مع الناس بخراطيم المياه وبعد كدة الناس ابتد تضرب الامن المركزى و الشرطة وبعد كدة اللى حصل يا عجبى الاقسام كلها اتحرقت يا جدعان هى مش دى فلوس الشعب فلوسنا والله انا مش عارف اقول ايه .

- الاعلام الكاذب: معلش ممكن محدش يفهم حكاية ان الاعلام جزء من سياسة البلد ( بس انا معاك ان الاعلام كان بيحجب حجات عن المشاهد) و دة ممكن يكون لمصلحة البلد يعنى انتا يا باشا يرضيك ان القنوات تعد تعرض مشاهد ضرب و عنف و قتل 24 ساعة كدة تسبب الذعر للناس اكتر ما هما مذعورين و معلش انا احب اشاهد التلفزيون المصرى رغم انه يحجب بعض الاشياء عشان هوا ارحم من بعض القنوات زى الجزيرة و العربية (بيعرضوا الحجات المستفزة اللى بتثير الناس و لو الدنيا ابتدت تهدى يعدوا يعيدوا و يزيدوا فى المشاهد اللى فيها ضرب لحد ما تولع تانى وكانت قناة الجزيرة عمله اللوجو بتعها على موقع النت معا لاسقاط مصر.

- و حسنى مبارك مش محتاج كلام والله الراجل ده ليه الجنة ياجماعة مينفعش راجل حارب فى 73 يضر البلد دى والله انا كنت بأبكى كل ما اشوف حد بيشتمه لان كنت حاسس ان فى رابط ........ يا جماعة الراجل لا يستحق كل الاهانة دى اقل حاجه كان خاد اول طيارة للندن واحب اوضح حاجة الكتير مش واخد باله منها ان هوا عايز يحسن ختامة فى البلد دى و يسجله التاريخ جانب العظماء فى تاريخ مصر.

و فى النهايه احيك على الموضوع و احيى الناس بتوع المظاهرة الاولى 25 بس بعد كدا بحيى الناس اللى هما فى ميدان التحرير و مش عايزين يمشوا بعد خطاب الريس الثانى اقول لهم ان انتم اخذتم الجائزة الاولى فى الوطنية ( لقد ساقوقم مثلما تساق البهائم):090104~384:

المشاركة الأصلية كتبت بواسطة engima (المشاركة 352111)

اولا السلام عليكم

-ازيك يا mmffor انا اكنت عاوز اتكلم فى الموضوع ده واختلاف الراى لا يفسد للود قضية ( او للوز صنية) ما علينا وانا اتكلم عن كل نقطة على حدى و هاقول راى بصراحة واتمنى انك ما تزعلش منى لو اتكلمت بحدة فى بعض النقط .

- الوجبات و الاموال : بص يا باشا انا متأكد من موضوع الفلوس و الاموال ولكن الوجبات دى( الله اعلم ) بس فى ناس كتير عاوزة الوضع يفضل كدة و اغلبية الناس اللى كانت بتدفع فلوس بيبقوا اجانب و بيدوا الناس شعارات لاسقاط مصر .

عابز أعرف إتأكدت إزاى إن فيه أموال و لو حد بيدفع أموال هيدفع لكام واحد هيدفع ﻷلف و لا ألفين و لا عشر أﻻف و لا مليون و هيدفع كام و جاب الفلوس منين و لو دفع يوم الجمعة مين إللى دفع يوم الثلاثاء و مين إللى دفع يوم الأربع و الخميس و السبت و الحد .... إلخ



- المتظاهرين و الدورات الخارجية: بيتهيئلى ان الموضوع ده محدش يخوض فيه لانه موضوع شائك و ممكن يكون صح او خطأ و كلنا نعرف ان الناس دى ممكن تعمل اى حاجة (اسرائيل و امريكا) اه معلش كنت هانسى بلاش تدخل شحاته و المنتخب فى الموضوع لان كل اللى اتعمل فى 6 سنين ضاع فى مباراة مصر وامريكا و اصبح الترتيب لمنتخب مصر حاجة و ثلاثين بعد ما كنا التاسع و خلاص الدورى مفيش السنا دى و ممكن مافيش كاس امم كمان .

تفتكر إن مظاهرات الحرية هى إللى هتخلى ترتيب المنتخب ينزل عشرين مركز فى الفيفا .... إنت نسيت إن المنتخب عمال يتغلب من طوب اﻷرض بقاله خمس شهور يعنى - أما موضوع الدورات التدريبية دى بقى إللى فى الخارج أرد ببساطة بكلمة واحدة .... يسلاااااااااااام طيب لما إن المؤامرة واضحة قوى كدة فين جهاز المخابرات إللى ساب ألاف من شباب مصر إللى زى الورد يروح و يتدرب فى أمريكا و إسرائيل و غزة و لبنان و إيران و قطر و اﻹمارات كمان !!!!!
لو فعلا فيه ناس كانت بتتدرب بره و بتقبض من بره بالحجم ده يبقى أول واحد لازم يتحاكم هو عمر سليمان و رجال المخابرات اﻷبطال ﻹنهم كانوا مركزين قوى مع واحد بيبيع بلاده مع إسرائيل و سايبين ملاين بيبعوا مصر لباقى دول العالم ...... بقى ده كلام يعقل



- القوى الخارجية : معلش يا باشا مينفعش الكلام اللى مكتوب لانه بعيد كل البعد عن الصحة و مينفعش نهزر فى الموضوع دة يا باشا لان فعلا دلوقتى ايران بتخبط فينا و لبنان كمان و الجماعات الاسلامية و الراجل اللى هوا قائد التيار الاسلامى فى ايران مش فاكر اسمه معلش يا باشا ماتحسسنيش انك مصرى من قطر (ما تزعلش منى)

أه فعلا مصر مستهدفة من جهات كتير لكن إللى لازم يتصدى للجهات دى و يتحمل مسئولية المواجهة هى أجهزة الدولة مش الشباب اﻷعزل إللى واقف فى ميادين مصر أجهزة الدولة إللى لازم تساعد على وحدة و ترابط الشعب مش ضرب الفرقة بين طوائفه و إثارة الفتنة باستمرار و إرهاب طرف ليكون متحفز لطرف آخر و تأجيج مشاعر الكراهية بين أبناء الوطن الواحد (مسلمين و مسيحيين - متظاهرين و بسطاء و ربات بيوت - إلخ)




- نيجى بقى لموضوع ان اختفاء الشرطة هوا سبب ان البلد واقفة معلش انا مش موافقك لان ايه اللى خلى الشرطة تختفى !!!! مش المظاهرات يا جماعة (يعنى انتا عجبك يا باشا وقف الحال ده انا والله بقالى اسبوع ما روحتش الجامعة)........... والله الشرطة كانت بتدافع عن نفسها و كانت عايزة تقلل التجمعات بقدر الامكان و بدأوا مع الناس بخراطيم المياه وبعد كدة الناس ابتد تضرب الامن المركزى و الشرطة وبعد كدة اللى حصل يا عجبى الاقسام كلها اتحرقت يا جدعان هى مش دى فلوس الشعب فلوسنا والله انا مش عارف اقول ايه .

للأسف مش لاقى كلام أرد بيه على النقطة دى بالذات ﻹن فيها كم كبير جدا من الزيف و البطلان ....
هل يعقل إن قوات مسلحة بأحدث تسليح قوامها مليون و نص المليون فرد تنهار فى ثلاث ساعات و هل كان المليون و نص دول كلهم بيقاوموا المظاهرات إللى كان بيواجه المظهرات كانت قوات اﻷمن المركزى و عناصر من أمن الدولة بس .... إللى خلى الشرطة تختفى هى الخيانة و لا شىء غير الخيانة ... فيه ناس على أعلى مستوى سعت إلى إحداث حالة فراغ أمنى زيادة فى إرهاب المواطنين لكنها فلتت منهم المرة دى (كانوا فاكرين إن المتظاهرين دول زى عشاق المسلسلات و متشات الكورة إللى بمجرد ما تشغلهم بحاجة تانية هينسوا مطالب الحرية
أما إن حلفانك إن الشرطة كانت بتدافع عن نفسها فهتتاحسب عليه أمام الله فى يوم من اﻷيام ... مين إللى بيدافع عن نفسه القوة الغاشمة المدججة بكل سلاح ممكن و لا الشباب اﻷعزل إللى كان كل هدفه إنه يعبر عن رأيه علشان ملقاش أى طريقة تانية يعبر بيها .
و حلفانك ده يكذبه عدد الشهداء إللى فقدوا حياتهم علشان خاطرك و علشان خاطر ولادك من بعدك يعيشوا حياه أفضل ... لما الشرطة كانت بتدافع عن نفسها موتوا أكتر من 300 واحد أعزل ليه .. لما هما كانوا بيدافعوا عن نسهم أصابوا أكتر من 8 آﻻف واحد إزاى .. لما هم كانوا بيدافعوا عن نفسهم رشوا المصلين فى الميدان بخراطيم المياه ليه و بعد كده بالقنابل المسيلة للدموع و هم فى وسط الصلاة هل آداء الصلاة بقى بيهدد حياة ظباط و جنود اﻷمن المركزى

يعنى إذا كنت موافق على إنك ترجع تانى لزمن السحل و النفخ و القمع الرهيب ... فياريت ما تفتريش على شهداء ضحوا بحياتهم كلها علشان أنا و إنت و غيرنا يقدر يكتب الكلمتين دول من غير ما يكون خايف
و مين إل


- الاعلام الكاذب: معلش ممكن محدش يفهم حكاية ان الاعلام جزء من سياسة البلد ( بس انا معاك ان الاعلام كان بيحجب حجات عن المشاهد) و دة ممكن يكون لمصلحة البلد يعنى انتا يا باشا يرضيك ان القنوات تعد تعرض مشاهد ضرب و عنف و قتل 24 ساعة كدة تسبب الذعر للناس اكتر ما هما مذعورين و معلش انا احب اشاهد التلفزيون المصرى رغم انه يحجب بعض الاشياء عشان هوا ارحم من بعض القنوات زى الجزيرة و العربية (بيعرضوا الحجات المستفزة اللى بتثير الناس و لو الدنيا ابتدت تهدى يعدوا يعيدوا و يزيدوا فى المشاهد اللى فيها ضرب لحد ما تولع تانى وكانت قناة الجزيرة عمله اللوجو بتعها على موقع النت معا لاسقاط مصر.

يا سلام .... طيب و مين السبب فى حدوث الأحداث الدموية دى مش هم قوات اﻷمن المركزى و بلطجية الداخلية و الحزب الوطنى
بقى حضرتك قلبك رقيق قوى كده و ما بتستحملش المشاهد العنيفة ... طيب لما الحكاية كدة يبقى واجب عليك و على ضميرك الحى إنه يطالب بوقف العنف ضد المتظاهرين العزل مش تهرب من المشاهد دى بالتجاهل و كانها أحداث محصلتش .... لا يا باشا حصلت و الناس ماتت بالرصاص الحى من قناصة كانوا قاصدين يقتلوهم برصاص موجه للرأس و الصدر و البطن و سيارات اﻷمن المركزى دهست الناس و خليتهم عاملين زى الكوفته و العساكر و الظباط سحلت اﻷبرياء و مسحت بيهم الميادين كلهاو دمهم الطاهر هو إللى طهر بلدنا و هيفضل مطهرها على طول
و بعدين التليفزيون و اﻹذاعة ما كفاهمش التجاهل للمتظاهرين فقط لكن كمان أطلقوا المسعورين من فلول الداخلية و الحزب الوطنى بكلامهم المزور إللى متعودين عليه فى محاولة لتلطيخ اﻷبرياء و إتهامهم باتهامات العمالة و الخيانة و القبض و الكنتاكى و التدريب فى أفغانستان كمان

- و حسنى مبارك مش محتاج كلام والله الراجل ده ليه الجنة ياجماعة مينفعش راجل حارب فى 73 يضر البلد دى والله انا كنت بأبكى كل ما اشوف حد بيشتمه لان كنت حاسس ان فى رابط ........ يا جماعة الراجل لا يستحق كل الاهانة دى اقل حاجه كان خاد اول طيارة للندن واحب اوضح حاجة الكتير مش واخد باله منها ان هوا عايز يحسن ختامة فى البلد دى و يسجله التاريخ جانب العظماء فى تاريخ مصر.

مش فاكر له غير 73 فقط طيب و البلد إللى سابها تتنهب و الشعب إللى سابه للفقر و الجوع و الجهل و المرض و مصر و دورها إللى بقى أقل من دور جزر سيشل و بقى دورها الوحيد الحفاظ على أمن إسرائيل

للأسف الرئيس حسنى مبارك سجل إسمه فى التاريخ خلاص لكن بوصفة الرئيس إللى فضل يحكم 30 سنه بقانون الطوارئ و بالدولة البوليسية و إللى إنقلب عليه الشعب أى كانت نتائج الثورة


و فى النهايه احيك على الموضوع و احيى الناس بتوع المظاهرة الاولى 25 بس بعد كدا بحيى الناس اللى هما فى ميدان التحرير و مش عايزين يمشوا بعد خطاب الريس الثانى اقول لهم ان انتم اخذتم الجائزة الاولى فى الوطنية ( لقد ساقوقم مثلما تساق البهائم):090104~384:



تعليق أخير على المشاركة دى "أيها الخجل أين حمرتك"