مصر موتورز مجتمع السيارات - رينو لوجان ... عربيتى الجديدة

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - رينو لوجان ... عربيتى الجديدة (https://www.masrmotors.com/vb/showthread.php?t=44121)

رد: رينو لوجان ... عربيتى الجديدة

اقتباس:

المشاركة الأصلية كتبت بواسطة وليد الأسوانى (المشاركة 322675)

شكرا جدا ليك ياأستاذ مصطفى ... أنا طبعا مش حاخد المسافة كلها خبطة واحدة يعنى حاريح مثلا مرة فى أسيوط ... مرة تانية فى القاهرة .. مرة تالتة عندكم ف دمنهور .. على فكرة أنا عربيتى لونها بترولى زى لون عربيتك (شفت أزاى أنا متابع كل اللى بتكتبه )

يا باشا انت تنور والله
وعلى فكره انا سفرت مره بعربيه بيجو 504 موديل 77 من القاهره لغاية حلايب وشلاتين عن طريق البحر الاحمر وريحنا مره واحد فى السكه عند القصير نمنا فى فتدق حوالى 5 ساعات وخدنا المشوار صد رد فى 3 ايام وبيتن هناك 5 او 6 ساعات برده
بس بصراحه كان معانا سواق ومكنتش انا اللى سايق

رد: رينو لوجان ... عربيتى الجديدة

اقتباس:

المشاركة الأصلية كتبت بواسطة وليد الأسوانى (المشاركة 322565)

السلام عليكم ... دى أول مرة أشترك فى المنتدى الرائع ده وأرجو قبول مشاركتى المتواضعة ... أولا أحب أشكر كل أعضاء المنتدى المخضرمين واللى بفضل الله عرفت أستفيد من خبرتهم وآرائهم الجميلة القيمة .. واستقريت أخيرا على السيارة الرينو لوجان 2011 .. العربية معايا من شهرين تقريبا وماشاء الله زى الفل .. قوة ونعومة وثبات وعامل لغاية دلوقتى 1200 كيلو ... والحمدلله مفيش أى مشاكل .. وزى ماعرفت ان العربية دى لو كان عليها جمارك زيها زى أى عربية تانية بتدخل مصر كان ممكن سعرها يعدى ال80000 جنيه لكن اتفاقية أغادير هى اللى مخفضة سعر العربية دى .. على فكرة أنا معايا الفول أوبشن منها .. كان ليا سؤال ياريت ألاقى حد يجاوبنى عليه .. أنا من أقصى الجنوب من أسوان .. وباحب السفر جدا بس عمرى ماسافرت بعربية قبل كده... ياترى لوفكرت أسافر بيها أصيف فى اسكندرية ( حوالى 2400 كم رايح جاى ) ده ممكن يتعب العربية وهل البنزين 90 كويس لها ولا 92 .. وسؤال كمان .. هل النتروجين أفضل للاطارات ولا مايفرقش كتير ... شكرا ليكم جدا

اولا الف الف مبروك ربنا يباركلك فيها ويديك خيرها ويكفيك شرها

السفر بالعربية مش مشكلة الاهم ان عربيتك تبقى جاهزة من تغيير الزيت لضغط الهواء

وده موضوع باهم الحاجات اللى تخليها فى عربيتك للسفر

http://www.masrmotors.com/vb/showthread.php?t=14757

وده موضوع اهمية ظبط هواء الكاوتش

http://www.masrmotors.com/vb/showthread.php?t=14321
والبالتالى
لازم تقارا ده

http://www.masrmotors.com/vb/showthread.php?t=14834

http://www.masrmotors.com/vb/showthread.php?t=15506

وده كمان

وبالنسبة للنيتروجن اقرأ ده

http://www.masrmotors.com/vb/showthread.php?t=4259

واهم حاجة ماتمشيش مسافة طويلة من غير ماتريح العربية يعنى كل 4 ساعات سفر ريحلك من نص ساعة الى ساعة ليك وللعربية وتوصل بالسلامة

رد: رينو لوجان ... عربيتى الجديدة

ألف شكر ... على اهتمامكم .. المسافة من أسوان للقاهرة 900 كم ومن القاهرة لأسكندرية حوالى 200 كم .. ولو أضفنا لهم اللف والدوران جوا القاهرة وجوا اسكندرية ... يعنى بحسبة بسيطة حأعدى كمان ال2400 كم من ساعة ما أتحرك من أسوان لغاية ما ارجع تانى بالسلامة ..

رد: رينو لوجان ... عربيتى الجديدة

اقتباس:

المشاركة الأصلية كتبت بواسطة بدر بسيونى (المشاركة 322768)

ألف شكر ليك يا أستاذ بدر على المواضيع القيمة والله أنا استفدت كتير جدا من خبراتكم

رد: رينو لوجان ... عربيتى الجديدة

السفر ممتع جدا بالعربية

اهم حاجة انت تخلي باللك من بنزين العربية لان الصحراوي الغربي طريق كويس جدا بس الخدمات قليلة