مصر موتورز مجتمع السيارات - خوذة للمدام؟ خوذة للبيه؟ حد عايز؟

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - خوذة للمدام؟ خوذة للبيه؟ حد عايز؟ (https://www.masrmotors.com/vb/showthread.php?t=39569)

رد: خوذة للمدام؟ خوذة للبيه؟ حد عايز؟

اقتباس:

المشاركة الأصلية كتبت بواسطة mohamed_3abdel3al (المشاركة 284537)

المشكلة انها ملهاش جمارك ثابتة يعني بتتعامل حسب تقدير الشخص بتاع الجمارك وهي دي المصيبه انا ان شاء الله هجيبها مع الموتسيكل وهحاول اعديها معاه

إن شاء الله تعرف تعمل الموضوع ده
بس هما ممكن ياخدوا حقهم بزيادة في جمارك البايك نفسه :(

رد: خوذة للمدام؟ خوذة للبيه؟ حد عايز؟

اقتباس:

المشاركة الأصلية كتبت بواسطة Injection (المشاركة 284588)

هههههههههه, أنا اللى أعرفه أنها هتتحسب عليها مصاريف شحن حسب الوزن, والجمارك معرفش بصراحة الفئة اللى هتتحط فيها, بس فى الغالب الموضوع هياخد وقت وتعب ومشورة, وعلشان كده التجار بيغلوا أسعار الحاجات اللى زى دى.

ممكن تكبر دماغك وتعمل صندوق شحن عند Dhl لو مشترك فى لينك التكلفة بتكون 50 جنيه, بتبعت المشتروات على عنوانهم فى أمريكا وهما يشحنوها على هنا وتستلم من الفرع بتاعهم.

بس غالبا الموضوع هينتهى كده

كلامك تمام يا صاحبي
موضوع العنوان اللي على أمريكا أو بريطانيا مجربه قبل كدة
بس كانت شركة Aramex
لأنهم أرخص شوية من الDHL

اللي شحنته من هناك كان اسطوانات موسوعة Britannica للشغل
والموضوع مشي بسلاسة بس خدوا وقت بزيادة
وافتكر إن ثمن العنوان اللي بيبعتوا عليه في أمريكا كان بتاع 30 دولار
الميزة إن الواحد ما بيدفعش ال 30 غير مرة واحدة بس + مصاريف شحن الحاجة حسب الوزن (بالرطل)

هشوف الخوذة كام رطل ويحاسبونا عليها في Aramex بكام
أو ممكن أشحنها من Amazon أسرع
ربنا يسهلها

رد: خوذة للمدام؟ خوذة للبيه؟ حد عايز؟

اقتباس:

المشاركة الأصلية كتبت بواسطة Injection (المشاركة 284588)

http://www.failking.com/wp-content/u...elmet-fail.jpg

ممكن تشوف المستعمل برضه, هتلاقى حاجات كويسة بأسعار رخيصة, بس الله أعلم بقى هتلاقيها فين؟

المستعمل في الخوذات أنا ببعد عنه
الواحد ما يضمنش الsafety بتاعها تمام ولا باز

بس حلو جردل الJotun ولا Sipes اللي الأخ لابسه ريس سمايل
أهو حاجة تقضي مصلحة
ههههه

رد: خوذة للمدام؟ خوذة للبيه؟ حد عايز؟

طيب انا لي راي مختلف . ليه امريكا وبرطانيا اكيد اغلبنا ليهم ناس في الخليج . وهما بيجيبوا هدايا لقرايبهم زي الموبيلات الحديثه. لو كده توصيهم علي خوزه وتقلوهم موصفاتها . وفي الخليج انطف بضاعه وموتسكلات يمكن احسن من دول اوربيه تانيه؟
يتهيقلي كده اسهل من قصه امريكا ولا ايه ؟

رد: خوذة للمدام؟ خوذة للبيه؟ حد عايز؟

اقتباس:

المشاركة الأصلية كتبت بواسطة nktis (المشاركة 284826)

ما أعتقدش
لأن كدة أنا هدفع ثمن شحن مرتين يا صاحبي
لأني ماليش حد في الخليج
بس لينا ناس في البحيرة يا باشا :)