رد: استفسار الى اصحاب الخبره في السيارات المستعمله
 

اولا .. لازم تقول العربيه دى موديل كام علشان لو فى التمنينات او اوائل التسعينات يبقى عادى انها عامله عمره لكن لو من حوالى 1998 ومعمولها عمره تبقى عيب

رد: استفسار الى اصحاب الخبره في السيارات المستعمله
 

شكرا عل الرد ساضعه في الاعتبار

رد: استفسار الى اصحاب الخبره في السيارات المستعمله
 

ببساطة عاملة عمرة معناها تغيير أجزاء أساسية فى الموتور وليست قطع الغيار التى يتم تغييرها بصفة دورية أى أن الموتور "عجز" وشاخ وتم تجديد شبابة أو أسئ استخدامة عن طريق قيادة خاطئة أو عدم اعتناء بالصيانة الأساسية مثل تغيير الزيت وتم اصلاح وتغيير الأساسيات التى فسدت. لا يمكن معرفة اذا كان ذلك شئ جيد أم سئ الا بالكشف على السيارة والتأكد من أن العمرة قد تمت بشكل صحيح وبدون أى أخطاء أو محاولة توفير فى المصروفات.

بالنسبة للعفشة فهى الأجزاء الموجودة أسفل السيارة وترفعها عن الأرض وتحمل جسمها بالكامل وتمتص المطبات. تجديد العفشة أو أجزاء منها لازم كل فترة حتى تحافظ على السيارة والموتور وراحة الركاب ولكن المهم هو نوعية وكفاءة قطع الغيار التى تم استخدامها لتجديد العفشة.

تغيير البطارية والكاوتش شئ طبيعى فى السيارة مثلما نغير ملابسنا وأحذيتنا. مثلا الكاوتش -مثل الحذاء مع الفارق الكبير من حيث الأمان على الأقل- يجب تغييرة كل 60000 كم أو 3 سنوات تقريبا حسب جودة نوعة. أما البطارية فالجافة أفضل حيث لا تحتاج لصيانة بعكس الأخرى والتى يجب اضافة الماء المقطر لها كل فترة ومراجعة منسوبة بصف دورية والا فسدت.

رد: استفسار الى اصحاب الخبره في السيارات المستعمله
 

رد: استفسار الى اصحاب الخبره في السيارات المستعمله
 

طبعا عمره الموتور انواع ..

فى حاجة اسمها نص عمره .. ودى تغيير حاجة اسمها الشنابر فى داخل الموتور بسبب ان عزم العربية بقى ضعيف و جابت دخان ابيض من الشكمان .. ودى مش مشكلة لما تشترى عربية مغيره شنابر لان كده الموتور يعتبر زى الجديد ..



وفى عمره كاملة ودى خراطه البساتم او تغييرها و خراطة جسم الموتور من تحت ووش السلندر .. ودى منصحكيش تشترى عربية موتورها عامل عمره كاملة لان الموتور هيكون ضعيف لان خرط الموتور بيزود الفراغات بين اجزاؤه فيقل العزم ..


اما تغيير اجزاء العفشة دى حاجة كويسة لان العفشة ليها عمر افتراضى وخصوصا هنا فى شوارع مصر فلازم يتعملها صيانه كل فتره ..

وكمان البطارية والكاوتش ليهم برضه عمر افتراضى والبطاريه الجافه احسن بكتير لانها مش محتاجة صيانة دورية بعكس العادية بتحتاج كل فتره صيانه ..



وطبعا حضرتك مش فاهمه ايه معنى اجزاء الموتور ووظايفها فأنصحك تشوفى الموضوع ده هتفهمى كل حاجة عن الموتور ببساطة شديده ..





شرح اجزاء السيارة بالصور .. (الجزء الاول : المحرك) .. حصريا من حسام البورسعيدى ...
http://www.masrmotors.com/vb/showthread.php?t=35617

تحياتى يا فندم ..