المشاركة الأصلية كتبت بواسطة مهند سالم (المشاركة 263538)

حضرتك لفت نظري لشيء مهم جدا حصل معايا، فعلا الغطاء بتاع الرادياتير اتفك، يعني هو عبارة عن ثلاث قطع، القطعة الرئيسة وسوستة وقطع أصغر ماسكة في السوستة، فعلا هو اتفك، والقطعة دي وقعت مني تحت البطارية، ومشيت كام يوم من غير القطعة دي، وفعلا من هنا بدأت السخونية، بس أنا شلت البطارية وجبتها وركبتها تاني في السوستة، وقلت كدة تمام، فهل مع كوني ركبتها تاني، برده الغطاء يبقى عايز تغيير؟

المشاركة الأصلية كتبت بواسطة mercedes (المشاركة 263544)

أنتوا كده يا جماعة , هتخلونى أروح أغير غطا الرادياتير بتاع العربية , ماغيرهوش ليه , بجملة المصاريف , يعنى أغير الرادياتير و ماغيرش الغطا ؟؟؟

بس هو عربية سيادتك ماركتها و موديلها ايه ؟؟؟؟

المشاركة الأصلية كتبت بواسطة hazem_khidr (المشاركة 263563)

استاذ مهند :
السكس بلف ممكن يتلف و هو راكب مش شرط يقع تحت العربيه يا ريت تشتري غطا ردياتير و يكون ماركه محترمه مهما كان تمنه و من محل ثقه و شوف الفرق و ان شاء الله المشكله تتحل.

مرسيدس:
مش معقول غيرت الردياتير و ما غيرتش الغطا :(
غيره و شوف النتيجه لان الغطا مهم جدا دجا و قليل اللي بياخد باله منه
انا نفسي قعدت سنتين علي الحال دا كل ما اشغل التكييف العربيه تسخن
كل ما اسافر مشوار طويل العربيه تسخن لحد ما طلع عيني معاها و جابت جوان وش سلندر
و شكيت في المروحه و الكتاوت بتاعها و بقيت بلف حوالين نفسي
لحد ما في مره بسلك الردياتير و الفني قالي الغطا دا وحش و جاب غطا جديد و ركبه و بعدها كل حاجه تمام
ربنا يعافيكم و ما تشوفوش اللي انا شفته بسبب الغطا!!!!!

المشاركة الأصلية كتبت بواسطة hazem_khidr (المشاركة 263563)

مرسيدس:
مش معقول غيرت الردياتير و ما غيرتش الغطا :(
غيره و شوف النتيجه لان الغطا مهم جدا دجا و قليل اللي بياخد باله منه
انا نفسي قعدت سنتين علي الحال دا كل ما اشغل التكييف العربيه تسخن
كل ما اسافر مشوار طويل العربيه تسخن لحد ما طلع عيني معاها و جابت جوان وش سلندر
و شكيت في المروحه و الكتاوت بتاعها و بقيت بلف حوالين نفسي
لحد ما في مره بسلك الردياتير و الفني قالي الغطا دا وحش و جاب غطا جديد و ركبه و بعدها كل حاجه تمام
ربنا يعافيكم و ما تشوفوش اللي انا شفته بسبب الغطا!!!!!