مصر موتورز مجتمع السيارات - ايه المواقف اللي قابلتك وانتا بتتعلم السواقة

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - ايه المواقف اللي قابلتك وانتا بتتعلم السواقة (https://www.masrmotors.com/vb/showthread.php?t=22137)

رد: ايه المواقف اللي قابلتك وانتا بتتعلم السواقة

فكرة الموضوع شديدة بصراحة و بتفكر الواحد بحاجات كان حينساها
انا كنت مرة سايق فى سموحة عند مول زهران (اصل انا من اسكندرية) و كان جنبى الراجل اللى بيعلمنى و كنت سايق فى شارع عرضه يقضى عربيتين بالعافية المهم كنت سايق على 30 و كان فى حاجة كدة زى تقاطع فالراجل قالى هدى رحت مهدى و مقلب نور و اديتها كلاكسين لقيت واحد (تييييييييييييييييييت) طالع من الشارع اليمين و هو على 40 تقربا مع انى ضربتله كلكس و قلبتله نور رحت يدوب مفرمل و هو فرمل تقريبا كانت المسافة مبين اكصدام عربيتى و رفرف عربيته الشمال حوالى 2 ملى متر :D لا و مش كدة و بس لا و بيبجح كمان اتاريه شغال سواق عند لواء يعنى محدش يقدر يكلمه
اسف لو كنت طولت عليكم

رد: ايه المواقف اللي قابلتك وانتا بتتعلم السواقة

:funny25::funny25::funny2 5:

رد: ايه المواقف اللي قابلتك وانتا بتتعلم السواقة

انا بقى وانا بطلع الرخصة فى مرور بين السرايات وبسوق عربية التدريب ال 128 المهم ركبت.. الراجل صاحب العربة بتاعة الاختبار قالى متدوسش بنزين خالص هى حتمشى لوحدها وانا افكرتة بيهزر رحت دايس بنزين على الاخر شلت كل القراطيس وكنت حلبس فى الظابط :smileW4: بس الحمد لله دوست على الدواسة الى فى النص وللاسف نجحت (كوسة وسة يعنى )