مصر موتورز مجتمع السيارات - وداعا اليابان , كوريا , ماليزيا , و الصين و لو الهند معاهم كمان باي باي

اقتباس:

المشاركة الأصلية كتبت بواسطة د/احمد (المشاركة 115310)

شكرا يا اخ ماكس بس الكلام ده هيتطبق كمان 10 سنين يعنى سنه 2020
ومحدش عارف ساعتها هيكون سعر اليورو كام بالضبط.
سنة 2000 كان اليورو بيتباع بحوالى 4جنيه مصرى حاليا سعر اليورو 8 جنيه وسبعه قروش
يعنى سعر اليورو تضاعف فى 10 سنين
وبحسبه بسيطه لو استمر الاقتصاد المصرى ماشى بنفس الطريقه هيكون سعر اليورو 2020 فى حدود 16 جنيه ( الله تعالى اعلم يمكن اقل يمكن اعلى انا مش خبير اقتصادى)
بس دى برضه فرضيه لا يمكن تجاهلها وهتكون النتيجه المحصله لهذه الفرضيه ازدياد اسعار السيارات وليس انخفاضها.
من ناحيه اخرى قد تفوم دول شرق اسيا واليابان بتخفيض سعر عملتها امام الدولار لمواجهة مثل هذه الاتفاقيات لتظل منتجاتها لاسيما السيارات تحظى بميزه تنافسيه امام الصناعه الاوروبيه .
والمتأمل فى احوال الاسعار فى مصر يجد العجب فبعد انخفاض الاسعار عالميا بسبب الازمه الاقتصاديه زادت الاسعار فى مصر لمصلحة حفنه من التجار على حساب المواطن المصرى البسيط.

يا دكتور احمد ,, الكلام مش هطبق مرة واحدة بعد 10 سنين ,, لا ده هيبدأ التطبيق بشكل تدريجي و ده افضل علشان السوق ما ينضربش مرة واحدة ,,,

كل سنة من السنوات ال10 القادمة قيمة الجمارك هتنخفض 10 من القيمة الاصلية للجمرك يعني ال 40 % تنزل كل سنة 4% لمدة العشر سنوات و ال 135 % تنزل كل سنة 13.5 % لمدة عشر سنوات ,,,

سعر اليورو و العملات ,,, فعلاً عامل مؤثر قوي ,,, بس هقول لحضرتك ,,, لما بنيجي نحسب تأثير عزل عامل عن العملية الحسابية بنهمل التغير في العوامل الاخري علشان نشوف مدي تأثير عزل العامل ده علي العملية الحسابية كلها ,,, ( كلية تجارة انا معلش )

,,,

التغير في اسعار العملات مختلف حضرتك من كل عملة للتانية ,,, لان اللي بيتخكم فيه ظروف السوق و قوة الاداء الاقتصادي بالتحسن في الدولة اللي بتستخدم العملة دي ,,,

اليورو سنة 2000 كان لسه عملة جديدة موحدة في الاتحاد الاوروبى ,,, دلوقتي اخد وضعه الطبيعي بعد مرور 10 سنوات ,,, بالتالي هيشهد ثبات نسبي ( ده عامل )

الين الياباني مثلا انا فاكر اني لما كنت اقرا الجرنال زمان كنت الاقي انه = جنيه مصري

النهاردة الين الياباني = 6 جنيه

هل معني كده ان الجنيه قل قيمته 6 مرات ؟ الاجابة لا
,,,,,,,,,,,,,,,,,,,,

التعاون بين مصر و اوروبا ممكن يكون في مصلحة مصر و الجنيه علشان لو زاد التصدير لاوروبا ,,, يبقي في طلب علي الجنيه المصرى و بالتالي سعره يزيد في مقابل اليورو ,,,

,,,,,,,,,,,,,

من 10 سنين قيمة الجنيه نفسه في مصر مش زي النهاردة يا دكتور احمد ,,, يعني زمان كانت المرتبات ( مش الحكومة طبعا ) للعاملين بشركات القطاع الخاص اقل من النهاردة بكتير من النهاردة ,,, من 10 سنين كان اللي يقبض 3000 جنيه كان يفرق كتير عن اللي بيقبض 3000 جنيه النهاردة ,,,

الجنيه كان يشتري حاجات زمان ما يقدرش يشتريها دلوقتي ,,,
,,,,,,,,,,,,,,,,,,

القصد ان حتي مع زيادة سعر اليورو ( بأذن الله ما يزدش اوي ) هيفضل تأثير الغاء الجمارك ضخم علي اسعار السيارات ,,,

,,,,,,,,,,,,,,,,

بالنسبة للجزء الاخير بتاع ان الاسياويين ينزلوا سعر صرف العملة بتاعتهم ,,, طيب ما العربية هتغلي لو سعر صرف العملة بقي قليل ,,, يعني لو بقي الين الياباني قيمته قلت للنص ,,, تكلفة العربية هتزيد الضعف ,,, و بكده مش هيبقي في اي تأثير

يا ريت اقدر اكون قدرت اوصل الفكرة الاخيرة دي