مصر موتورز مجتمع السيارات - لو الموتور خفيف ممكن اشتغل بيه قد ايه

مصر موتورز مجتمع السيارات (https://www.masrmotors.com/vb/index.php)

- تعديلات رفع الاداء (https://www.masrmotors.com/vb/forumdisplay.php?f=126)

- - لو الموتور خفيف ممكن اشتغل بيه قد ايه (https://www.masrmotors.com/vb/showthread.php?t=17622)

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة AboNoRa (المشاركة 115007)

زى ماقال الدكتور خفيف ديه بتفرق من حالة للتانية بس على كلام الميكانيكى لو خفيف شوية مفيش مشكلة تمشى بيه على كده لحد ما تتمكن فى السواقة وتشوف عاوز تعمل ايه فى العربية متقلقش يعنى انا لى صاحب مشى سنتين بماتور 128 خفيف جددداً ومش مشى كمان ده كان بيجرى وصاحب تانى قعد سنتين تلاتة برضو بريجاتا موتورها عايز عمرة كاملة وبرضو كان بيتعامل مع العربية بعنف وبيعمل بيها فى اليوم اكتر من 100 كم بس الحق يتقال بتاع الريجاتا ده الموتور بتاعة منفعش تانى
فباختصار مفيش مشكلة انك تمشى بيها شهور ومن غير قرص جامد طبعاً وممكن تقيس كبس الموتور علشان تبقى متابع حالتة بشكل اكثر دقة وبرضو تغيير طقم الشنبر مش عمرة بالمعنى فمتقلقش منها برضو غير طقم الشنبر والجوانات وهتحس بفرق اداء ايجابى فى الموتور ومش هتبقى فتحت على نفسك فتحه برضو

تسلم وتكرم وربنا يسترها معاك دنيا واخره يا ابو نورا
طمنتنى الله يطمنك
وده اللى انا كنت ناوى اعمله بالظبط ان شاء الله
او كان فى حل تانى انى اهلك الموتور خالص واجيب واحد استيراد وخلاص بس كنت عايز اعرف ده هايشتغل معايا قد ايه

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة ahmed1981 (المشاركة 115025)

موتور خفيف
تقدر تمشي بيه لغاية لما ميرضاش يدور
المهم تزود الزيت باستمرار

يا باشمهندس احمد انا مش عارف اقولك ايه بصراحة
كأنك كنت بتقرا افكارى
شكرا يا جميل على الرد والاهتمام

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة AAAH (المشاركة 115112)

شكرا يا دكتور على اهتمامك
وعلى فكره العربيه فبريكة تماما وموديل 95 وصاحبها كان بيسافر بيها كل فتره وبيركنها سواء هنا او هناك والعربيه عامله 160000 كيلو فقط
والقصة ان لما الميكانيكى كان بيبص عليها وفتح الكبوت ودور العربيه قعد يقرص جامد على البنزين فترة طويله لحد ما طلع دخنة بسيطة جدا لا تكاد ترى ويناءا عليه قال المكنه خفيفة وقاللى امشى بيها كده حوالى ست شهور واعملك نص عمره بس حاسس ان موضوع الست شهور ده عشان عايز يعمل شغل مش اكتر والله اعلى واعلم

هو ده يعتبر مبرر انه يقول المكنة خفيفه !!

الدخنه كان لونها اسود ولا ابيض ؟!

غير كده اللي هو عملو ده مينفعش يتسمي اختبار للموتور او حاجة تخليه يقول ان المكنة خفيفة !! زي ما الدكتور قالك تابع الزيت لو لقيته بينقص يبقي الموتور عايز طقم شنبر او الاسهل فك البوجيهات لو لقيتها متعرق عليها زيت يبقي عايزه شنبر انما اللي هو عملو ده مش مقياس !

رد: لو الموتور خفيف ممكن اشتغل بيه قد ايه

اقتباس:

المشاركة الأصلية كتبت بواسطة mohamed ibiza (المشاركة 115118)

موضوع اللون ده صعب شويه لأننا كنا بالليل والدخنة كانت قليله جدا هفوه يعنى
بس الصبح اكلمة ان شاء الله واسأله هيا كانت بيضه والا سوده وايه بالظبط اللى خلاه يقول الموتور خفيف
وان شاء الله افك البوجيهات واقولك
وشكرا يا باشا

رد: لو الموتور خفيف ممكن اشتغل بيه قد ايه

ان شاء الله مفيش حاجة اهم حاجة تابع مستوى الزيت يوميا لو بينقص بشكل ملحوظ دة معناه فعلا السيارة محتجة عمرة ولو الموضوع بسيط ممكن تمشى علية لكن بدون تحميل واجهاد علية وشكرا